ನಟ ರಾಮ್ ಪೋತಿನೇನಿ ಜತೆ ಹಸೆಮಣೆ ಏರಲಿದ್ದಾರಾ ‘ಪ್ರೇಮಂ’ ಸುಂದರಿ? – ಮದುವೆ ಸುದ್ದಿ ಬಗ್ಗೆ ನಟಿ ಅನುಪಮಾ ತಾಯಿ ಏನಂದ್ರು ಗೊತ್ತಾ?
- ಮನರಂಜನೆ
- October 6, 2023
- No Comment
- 129
ನ್ಯೂಸ್ ಆ್ಯರೋ : ಪ್ರೇಮಂ ಸಿನಿಮಾದ ಮೂಲಕ ಎಲ್ಲರ ಮನಸ್ಸನ್ನು ಕದ್ದ ನಟಿ ಅನುಪಮಾ ಪರಮೇಶ್ವರನ್ ಅವರು ತೆಲುಗಿನ ಖ್ಯಾತ ನಟನ ಜತೆ ಹಸೆಮಣೆ ಏರಲು ಸಜ್ಜಾಗಿದ್ದಾರೆಂಬ ಸುದ್ದಿ ಹರಿದಾಡುತ್ತಿದೆ.
ತೆಲುಗಿನ ಖ್ಯಾತ ನಟ ರಾಮ್ ಪೋತಿನೇನಿ ಜೊತೆ ಅನುಪಮಾ ಮದುವೆ ಆಗಲಿದ್ದಾರೆ ಎಂಬ ಗುಸು ಗುಸು ಟಾಲಿವುಡ್ ಅಂಗಳದಲ್ಲಿದೆ. 2018ರಲ್ಲಿ ‘ಹಲೋ ಗುರು ಪ್ರೇಮ ಕೋಸಮೆ’ ಎಂಬ ಸಿನಿಮಾದಲ್ಲಿ ಇವರಿಬ್ಬರು ಜೋಡಿಯಾಗಿ ನಟಿಸಿದ್ದರು. ಈ ವೇಳೆ ಪ್ರೀತಿಯಾಗಿದೆ. ಅದಲ್ಲದೆ ಸಾಕಷ್ಟು ವರ್ಷಗಳಿಂದ ಇವರಿಬ್ಬರು ಡೇಟಿಂಗ್ ಮಾಡ್ತಿದ್ದಾರೆ ಎನ್ನಲಾಗಿದೆ.
ಮಾಧ್ಯಮಗಳಲ್ಲಿ ಈ ರೀತಿ ಸುದ್ದಿ ಹರಿದಾಡುತ್ತಿದ್ದ ಹಾಗೇ ನಟಿ ಅನುಪಮಾ ಅವರ ತಾಯಿ ಸುನೀತಾ ಪರಮೇಶ್ವರನ್ ಅವರು ಸ್ಪಷ್ಟಣೆ ನೀಡಿದ್ದಾರೆ. ಇದು ಶುದ್ಧ ಸುಳ್ಳು ಸುದ್ದಿ. ಯಾವುದೇ ಮಾತುಕತೆಯಾಗಲಿ, ಮದುವೆ ವಿಚಾರವಾಗಲಿ ನಮ್ಮ ಕುಟುಂಬಗಳ ಮಧ್ಯೆ ನಡೆದಿಲ್ಲ. ರಾಮ್ ಹಾಗೂ ಅನುಪಮಾ ಮಧ್ಯೆ ಯಾವುದೇ ಪ್ರೇಮವಿಲ್ಲ. ಇದೊಂದು ಸುಳ್ಳು ಸುದ್ದಿ ಎಂದು ಹೇಳಿಕೊಂಡಿದ್ದಾರೆ.
ಕಳೆದ ಬಾರಿ ಕ್ರಿಕೆಟರ್ ಜಸ್ಟ್ರಿತ್ ಬುಮ್ರಾ ಜೊತೆ ಅನುಪಮಾ ಮದುವೆ ಎಂದು ಸುದ್ದಿಯಾಗಿತ್ತು. ಈ ಬಗ್ಗೆ ನಟಿ ಅನುಪಮಾ ಅವರು ಸ್ಪಷ್ಟನೆಯನ್ನು ನೀಡಿ, ನಮ್ಮಿಬ್ಬರ ಮಧ್ಯೆ ಆ ರೀತಿಯ ಸಂಬಂಧವಿಲ್ಲ ಎಂದಿದ್ದರು. ಇದೀಗ ತೆಲುಗು ಹೀರೋ ರಾಮ್ ಪೋತಿನೇನಿ ಜೊತೆ ನಟಿ ಅನುಪಮಾ ಹೆಸರು ತಳುಕು ಹಾಕಿಕೊಂಡಿದೆ.
ಇನ್ನೂ ಇವರಿಬ್ಬರ ಮದುವೆಗೆ ಎರಡು ಕುಟುಂಬಗಳು ಒಪ್ಪಿಗೆ ಸೂಚಿಸಿದ್ದು, ಶೀಘ್ರದಲ್ಲೇ ಹಸೆಮಣೆ ಏರಲಿದ್ದಾರೆ ಎಂಬುದು ಲೇಟೆಸ್ಟ್ ಸುದ್ದಿಯಾಗಿದೆ.