ಪ್ರಭಾಸ್ ಮುಂದಿನ ಪ್ಯಾನ್ ಇಂಡಿಯಾ ಚಿತ್ರಕ್ಕೆ ಬೆಂಗಳೂರಿನ ಬೆಡಗಿ ನಾಯಕಿ – ಯಾರು ಆ ನಟಿ?
- ಮನರಂಜನೆ
- August 19, 2023
- No Comment
- 88
ನ್ಯೂಸ್ ಆ್ಯರೋ : ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಸ್ ಸದ್ಯ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಗುರುತಿಸಿಕೊಂಡಿದ್ದಾರೆ. ಬಾಹುಬಲಿ ಸರಣಿ ಬಳಿಕ ಅವರ ಖ್ಯಾತಿ ಇಡೀ ದೇಶಕ್ಕೆ ಹಬ್ಬಿದೆ. ಪ್ರಭಾಸ್ ಚಿತ್ರ ಸೆಟ್ಟೇರಿದಾಗಿನಿಂದಲೇ ಅಭಿಮಾನಿಗಳಲ್ಲಿ ನಿರೀಕ್ಷೆ ಮೂಡಿಸುತ್ತದೆ. ಸದ್ಯ ಬೇರೆ ಬೇರೆ ಚಿತ್ರಗಳಲ್ಲಿ ತೊಡಗಿಸಿಕೊಂಡಿರುವ ಪ್ರಭಾಸ್ ಹೊಸ ಚಿತ್ರದ ಅಪ್ ಡೇಟ್ ಹೊರ ಬಿದ್ದಿದೆ.
ಬೆಂಗಳೂರು ಮೂಲದ ನಟಿ ನಾಯಕಿ
ಟಾಲಿವುಡ್ ನಿರ್ದೇಶಕ ಮಾರುತಿ ಆ್ಯಕ್ಷನ್ ಕಟ್ ಹೇಳಲಿರುವ ಮುಂದಿನ ಚಿತ್ರ ‘ರಾಜಾ ಡಿಲಕ್ಸ್’ನಲ್ಲಿ ಪ್ರಭಾಸ್ ಗೆ ನಾಯಕಿಯಾಗಿ ಬೆಂಗಳೂರು ಮೂಲದ ನಿಧಿ ಅಗರ್ವಾಲ್ ಆಯ್ಕೆಯಾಗಿದ್ದಾರೆ. ಈಗಾಗಲೇ ತಮಿಳು, ತೆಲುಗು, ಹಿಂದಿ ಚಿತ್ರರಂಗಗಳಲ್ಲಿ ಗುರುತಿಸಿಕೊಂಡಿರುವ ನಿಧಿ ಮೊದಲ ಬಾರಿ ಪ್ರಭಾಸ್ ಜೊತೆ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ.
ಹಾರರ್-ಕಾಮಿಡಿ ಚಿತ್ರ ‘ರಾಜಾ ಡಿಲಕ್ಸ್’ನಲ್ಲಿ ಉತ್ತಮ ಲವ್ ಸ್ಟೋರಿಯೂ ಇದೆಯಂತೆ. ಆಗಸ್ಟ್ 17ರಂದು ನಿಧಿ ಹುಟ್ಟುಹಬ್ಬ ಹಿನ್ನಲೆಯಲ್ಲಿ ಮಾರುತಿ ‘ರಾಜಾ ಡಿಲಕ್ಸ್’ ನಾಯಕಿಯ ಘೋಷಣೆ ಮಾಡಿದ್ದಾರೆ.
ಸದ್ಯಕ್ಕಿಲ್ಲ
ಪ್ರಸ್ತುತ ಪ್ರಭಾಸ್ ದೀಪಿಕಾ ಪಡುಕೋಣೆ ಜೊತೆ ‘ಕಲ್ಕಿ 2898 ಎ.ಡಿ.’ ಚಿತ್ರದಲ್ಲಿ ನಟಿಸುತ್ತಿದ್ದು, ಬಳಿಕ ಕಾಲಿನ ಶಸ್ತ್ರಚಿಕಿತ್ಸೆಗೆ ಒಳಗಾಗಲಿದ್ದಾರೆ. ನಂತರ ‘ರಾಜಾ ಡಿಲಕ್ಸ್’ ಚಿತ್ರ ಕೈಗೆತ್ತಿಕೊಳ್ಳಲಿದ್ದಾರೆ ಎನ್ನಲಾಗಿದೆ.
ಹೈದರಾಬಾದ್ ನಲ್ಲಿ ಜನಿಸಿ ಬೆಂಗಳೂರಿನಲ್ಲಿ ಬೆಳೆದ ನಿಧಿ, 2017ರಲ್ಲಿ ‘ಮುನ್ನಾ ಮೈಕೆಲ್’ ಹಿಂದಿ ಚಿತ್ರದ ಮೂಲಕ ಸಿನಿಮಾ ರಂಗ ಪ್ರವೇಶಿಸಿದ್ದರು. 2018ರಲ್ಲಿ ಮೊದಲ ಬಾರಿ ತೆಲುಗಿನ ‘ಸವ್ಯಸಾಚಿ’ ಚಿತ್ರದಲ್ಲಿ ಅಭಿನಯಿಸಿದರು. 2021ರಲ್ಲಿ ‘ಈಶ್ವರನ್’ ಚಿತ್ರದ ಮೂಲ ತಮಿಳು ಚಿತ್ರರಂಗ ಪ್ರವೇಶಿಸಿದರು. ಸದ್ಯ ತೆಲುಗಿನ ‘ಹರಿ ಹರ ವೀರ ಮಲ್ಲು’ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.