ಸಿನಿಮಾ ರಂಗಕ್ಕೂ ಕಾಲಿಟ್ಟ ಎಐ – ಈ ತಂತ್ರಜ್ಞಾನ ಆಧಾರಿತ ಮೊದಲ ಚಿತ್ರದ ಟ್ರೇಲರ್ ಬಿಡುಗಡೆ
- ಮನರಂಜನೆ
- August 6, 2023
- No Comment
- 90
ನ್ಯೂಸ್ ಆ್ಯರೋ : ಬಹುತೇಕ ಎಲ್ಲಾ ಕ್ಷೇತ್ರಗಳಿಗೆ ಎಐ (ಆರ್ಟಿಫಿಶಿಯಲ್ ಇಂಟಲಿಜೆನ್ಸ್-ಕೃತಕ ಬುದ್ದಿಮತ್ತೆ) ತಲುಪುತ್ತಿದೆ. ಇದೀಗ ಸಿನಿಮಾರಂಗಕ್ಕೂ ಈ ತಂತ್ರಜ್ಞಾನ ಕಾಲಿಟ್ಟಿದೆ.
ಸಿನಿಮಾ ತಯಾರಿ
ಸೃಜನಶೀಲ ರಂಗವಾದ ಸಿನಿರಂಗದಲ್ಲಿ ಎಐ ತಂತ್ರಜ್ಞಾನದ ಚಮತ್ಕಾರ ನಡೆಯುವುದಿಲ್ಲ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಎಲ್ಲರ ನಿರೀಕ್ಷೆಯನ್ನೂ ಬುಡಮೇಲು ಮಾಡಿ ಇದೇ ತಂತ್ರಜ್ಞಾನ ಬಳಸಿ ಚಿತ್ರವೊಂದನ್ನು ತಯಾರಿಸಲಾಗಿದ್ದು, ಟ್ರೇಲರ್ ಬಿಡುಗಡೆಯಾಗಿದೆ.
‘ಜೆನೆಸಿಸ್’ ಈ ಚಿತ್ರದ ಹೆಸರು. ಸದ್ಯ ಇದರ ಟ್ರೇಲರ್ ಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಇದು ಎಐ ತಂತ್ರಜ್ಞಾನದಿಂದ ತಯಾರಾದ ವಿಶ್ವದ ಮೊದಲ ಚಿತ್ರ ಎನ್ನುವ ಕಾರಣಕ್ಕೆ ಹೆಚ್ಚು ಸದ್ದು ಮಾಡುತ್ತಿದೆ. ಯಾವ ಬಾಲಿವುಡ್ ಚಿತ್ರಕ್ಕೂ ಕಡಿಮೆ ಇಲ್ಲ ಎಂಬಂತೆ ಟ್ರೇಲರ್ ಮೂಡಿ ಬಂದಿದೆ.
ದೊಡ್ಡ ದೊಡ್ಡ ಸಿನಿಮಾ ಸ್ಟಾರ್ಸ್ ಬೇಕಿಲ್ಲ, ದುಬಾರಿ ಸಂಭಾವನೆ ಕೊಡಬೇಕಾಗಿಲ್ಲ. ಮಾತ್ರವಲ್ಲ ಸಿನಿಮಾ ಮಾಡಲು ಹೆಚ್ಚು ಸಮಯ ಬೇಡ ಹೀಗೆ ವಿವಿಧ ಕಾರಣಗಳಿಂದ ಮುಂದಿನ ದಿನಗಳಲ್ಲಿ ಎಐ ತಂತ್ರಜ್ಞಾನ ಆಧಾರಿತ ಚಿತ್ರಗಳು ಹೆಚ್ಚು ಹೆಚ್ಚು ತಯಾರಾಗಬಹುದು ಎನ್ನುವ ಆತಂಕವೂ ಮೂಡಿದೆ.