ಟಾಲಿವುಡ್ ನಟ ಚಿರಂಜೀವಿ ಆಸ್ತಿ ಸತ್ಯ ಬಯಲು – ಮೆಗಾಸ್ಟಾರ್ ಬಳಿಯಿದೆ 2 ಸಾವಿರ ಕೋಟಿ ರೂ. ಮೌಲ್ಯದ ಆಸ್ತಿ..

ನ್ಯೂಸ್ ಆ್ಯರೋ‌ : ಹೈದರಾಬಾದ್ ನ ಕೋಕಪೇಟ್ ಪ್ರದೇಶದಲ್ಲಿ ಭೂಮಿ ಹರಾಜು ಹಾಕಲು ಸರಕಾರ ಮುಂದಾಗಿದೆ. ಹರಾಜು ಪ್ರತಿಕ್ರಿಯೆಗೆ ಉತ್ತಮ ಪ್ರತಿಕ್ರಿಯೆ ಲಭಿಸಿದ್ದು, ಎಕ್ರೆಗೆ 100 ಕೋಟಿ ರೂ.ವರೆಗೆ ಕೂಗಲಾಗಿದ್ದು, ಅದೇ ಏರಿಯಾದಲ್ಲಿರುವ ನಟ ಚಿರಂಜೀವಿ ಆಸ್ತಿಯ ಬಗ್ಗೆ ಚರ್ಚೆ ಆರಂಭವಾಗಿದೆ.

20 ಎಕ್ರೆ

ಕೋಕಾಪೇಟ್ ನಲ್ಲಿ ಚಿರಂಜೀವಿ ಹಲವು ವರ್ಷಗಳ ಹಿಂದೆ ಜಮೀನು ಖರೀದಿಸಿದ್ದರು. ಇದು ಅಂದಾಜು 20 ಎಕ್ರೆ ಹೊಂದಿದೆ ಎನ್ನಲಾಗಿದೆ. ಈ ಲೆಕ್ಕದಲ್ಲಿ ಈಗ ಅವರ ಆಸ್ತಿಯ ಮೌಲ್ಯ 2,000 ಕೋಟಿ ರೂ. ಎನ್ನುವ ಲೆಕ್ಕಾಚಾರವಿದೆ.

ಚಿರಂಜೀವಿ ಕೋಕಾಪೇಟ್ ನಲ್ಲಿ 2 ಎಕ್ರೆ ಜಾಗವನ್ನು ತಂಗಿಯರಿಗೆ ಉಡುಗೊರೆಯಾಗಿ ನೀಡಿದ್ದರು. 2 ವರ್ಷಗಳ ಹಿಂದೆ ರಕ್ಷಾ ಬಂಧನ್ ಹಿನ್ನಲೆಯಲ್ಲಿ ಸಹೋದರಿಯರಾದ ವಿಜಯ ದುರ್ಗಾ, ಮಾಧವಿಗೆ ತಲಾ ಒಂದು ಎಕ್ರೆ ಜಾಗವನ್ನು ನೀಡಿದ್ದರು. ಚಿರಂಜೀವಿ ಅವರ ಪತ್ನಿ ಸುರೇಖಾ ಮುಂದೆ ನಿಂತು ರಿಜಿಸ್ಟ್ರೇಷನ್ ಮಾಡಿಸಿದ್ದರು. ಅಂದರೆ ಅದರ ಮೌಲ್ಯ 200 ಕೋಟಿ ರೂ. ಎನ್ನಲಾಗುತ್ತಿದೆ.

100ಕ್ಕೂ ಅಧಿಕ ಚಿತ್ರಗಳಲ್ಲಿ ನಟಿಸಿದ್ದ ಚಿರಂಜೀವಿ ಕೆಲವು ವರ್ಷಗಳ ಹಿಂದೆ ರಾಜಕೀಯ ಅಖಾಡಕ್ಕೆ ಧುಮುಕಿ ಪ್ರಜಾರಾಜ್ಯಂ ಪಕ್ಷ ಕಟ್ಟಿದ್ದರು. ಆದರೆ ಅಲ್ಲಿ ಯಶಸ್ಸು ಲಭಿಸಿದ್ದು ಚಿತ್ರರಂಗಕ್ಕೆ ಮರಳಿದ್ದಾರೆ. ಸದ್ಯ ಚಿರಂಜೀವಿ ನಟನೆಯ ‘ಭೋಳಾ ಶಂಕರ್’ ತೆರೆಗೆ ಬರಲು ಸಿದ್ದವಾಗಿದೆ. ತಮನ್ನಾ, ಕೀರ್ತಿ ಸುರೇಶ್ ಮತ್ತಿತರರು ನಟಿಸಿರುವ ಈ ಚಿತ್ರ ಆಗಸ್ಟ್ 11ರಂದು ಬಿಡುಗಡೆಯಾಗಲಿದೆ.