ಈ ಬಾರಿ ಬಿಗ್ ಬಾಸ್ ಹೊಸ ಮನೆಯಲ್ಲಿ ಹೊಸ ಆಟ – 4 ತಿಂಗಳಲ್ಲಿ ನಿರ್ಮಾಣವಾದ ದೊಡ್ಮನೆಯ ವಿಡಿಯೋ ರಿಲೀಸ್ ಮಾಡಿದ ಕಿಚ್ಚ ಸುದೀಪ್
- ಮನರಂಜನೆ
- October 3, 2023
- No Comment
- 354
ನ್ಯೂಸ್ ಆ್ಯರೋ : ಬಿಗ್ಬಾಸ್ ಸೀಸನ್ 10 ಆರಂಭಕ್ಕೆ ದಿನಗಣನೆ ಶುರುವಾಗಿದ್ದು, ಟಿವಿ ಪರದೆ ಮೇಲೆ ದೊಡ್ಮನೆ ಆಟ ನೋಡಲು ಪ್ರೇಕ್ಷಕರು ಕಾತುರದಿಂದ ಕಾಯುತ್ತಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ನಟ ಸುದೀಪ್ ಅವರು, ಸೀಸನ್ 10ರ ವಿಶೇಷತೆಯನ್ನು ವಿವರಿಸಿದರು. ಈ ವೇಳೆ ಬಿಗ್ ಬಾಸ್ ಮನೆಯ ನಿರ್ಮಾಣದ ವಿಟಿಯೊಂದನ್ನು ರಿಲೀಸ್ ಮಾಡಲಾಯಿತು.
ಅಕ್ಟೋಬರ್ 8 ರಂದು ಕನ್ನಡ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ ಬಿಗ್ಬಾಸ್ ಸೀಸನ್ 10ಕ್ಕೆ ಅದ್ಧೂರಿ ಚಾಲನೆ ಸಿಗಲಿದೆ. ಎಂದಿನಂತೆ ಈ ಕಾರ್ಯಕ್ರಮದ ಮುಂದಾಳತ್ವವನ್ನು ಕಿಚ್ಚ ಸುದೀಪ್ ಅವರು ನಿರ್ವಹಿಸಲಿದ್ದಾರೆ.
ಸೀಸನ್ 10ಕ್ಕೆ ಹೊಸ ಬಿಗ್ ಬಾಸ್ ಮನೆ ನಿರ್ಮಾಣ
10ನೇ ಸೀಸನ್ಗೆ ಈ ಬಾರಿ ದೊಡ್ಮನೆಗೆ ಹೊಸ ಲುಕ್ ಅನ್ನು ನೀಡಲಾಗಿದೆ. 4ತಿಂಗಳಿನಿಂದ ಮನೆಯನ್ನು ನಿರ್ಮಾಣ ಮಾಡಲಾಗಿದ್ದು, ಹೊಸ ಮನೆಯಲ್ಲಿ- ಹೊಸ ಆಟಕ್ಕೆ ಸಿದ್ಧತೆ ಮಾಡಿಕೊಳ್ಳಲಿದೆ.
ಇನ್ನೂ ವಿಶೇಷತೆಯೆಂದರೆ ಭಾರತದ ಎಲ್ಲಾ ಭಾಷೆಗಳಲ್ಲಿ ನಡೆಯುವ ಬಿಗ್ ಬಾಸ್ ಶೋನಲ್ಲಿ ಕನ್ನಡದ ಮನೆಯೇ ಅತಿ ದೊಡ್ಡ ಎಂದು ಹೇಳಲಾಗಿದೆ.
ದೊಡ್ಮನೆಗೆ ಎಂಟ್ರಿ ಕೊಡಲಿದೆ ಚಾರ್ಲಿ
ನ್ಯಾಶನಲ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡ ಚಾರ್ಲಿ ಸಿನಿಮಾ ಬಿಡುಗಡೆಯಾಗಿ ಒಂದು ವರ್ಷವಾಗಿದೆ. ಈ ಸಿನಿಮಾದಲ್ಲಿ ಎಲ್ಲರನ್ನು ರಂಜಿಸಿದ್ದ ಚಾರ್ಲಿ ಈ ಬಾರಿ ಬಿಗ್ ಬಾಸ್ಗೆ ಎಂಟ್ರಿ ಕೊಡಲಿದ್ದಾಳೆ. ಮೊದಲ ಸ್ಪರ್ಧಿಯಾಗಿ ಚಾರ್ಲಿ ಎಂಟ್ರಿಯಾಗಲಿದ್ದಾಳೆ. ಈ ಬಗ್ಗೆ ಕಲರ್ಸ್ ಕನ್ನಡ ವಾಹಿನಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದೆ.