ಒಂದು ಕೋಟಿ ಬೆಲೆಯ ಬಾಳೆಹಣ್ಣು ಕದ್ದು ತಿಂದು ಎಸ್ಕೇಪ್ ಆದ ವಿದ್ಯಾರ್ಥಿ – ಅಂತಹ ವಿಶೇಷ ಬಾಳೆಹಣ್ಣು ಸಿಕ್ಕಿದ್ದೆಲ್ಲಿ ಗೊತ್ತಾ

ನ್ಯೂಸ್ ಆ್ಯರೋ‌ : ಬಾಳೆಹಣ್ಣು ಭಾರತದಲ್ಲಿ ಸಾಮಾನ್ಯವಾಗಿ ಎಲ್ಲಾ ಕಡೆ ದೊರೆಯುತ್ತದೆ. ಹೆಚ್ಚಿನವರು ಮನೆಯಲ್ಲೇ ಬೆಳೆಯುತ್ತಾರೆ. ಇದರ ಬೆಲೆ ಎಷ್ಟೆಂದು ಯಾರು ಬೇಕಾದರೂ ಊಹಿಸಬಹುದು. ಆದರೆ ಇಲ್ಲಿನ ಬಾಳೆಹಣ್ಣಿನ ಬೆಲೆ ಕೇಳಿದರೆ ನೀವು ಮೂಗಿನ ಮೇಲೆ ಬೆರಳಿಡುವುದು ಕಂಡಿತ. ದಕ್ಷಿಣ ಕೊರಿಯಾದಲ್ಲಿ ವಿದ್ಯಾರ್ಥಿಯೊಬ್ಬ ಬರೋಬ್ಬರಿ 1 ಕೋಟಿ ರೂ. ಮೌಲ್ಯದ ಬಾಳೆಹಣ್ಣನ್ನು ತಿಂದಿದ್ದಾನೆ.

ದಕ್ಷಿಣ ಕೊರಿಯಾದ ಲೀಯುಮ್‌ ಚಿತ್ರಶಾಲೆಯಲ್ಲಿ ಚಿತ್ರಕಲಾಕೃತಿಗಳ ಪ್ರದರ್ಶನ ನಡೆಯುತ್ತಿತ್ತು. ಅಲ್ಲಿ ಮೌರಿಜಿಯೊ ಕ್ಯಾಟೆಲಾನ್‌ ಎಂಬ ಕಲಾವಿದ ಒಂದು ಬಾಳೆಹಣ್ಣನ್ನು ಟೇಪ್‌ನಿಂದ ಗೋಡೆಗೆ ಅಂಟಿಸಿದ್ದ. ಇದೂ ಒಂದು ಕಲಾಕೃತಿ! ಇದರ ಬೆಲೆ 1 ಕೋಟಿ ರೂ.

ಅಲ್ಲಿಗೆ ಬಂದ ನೊಹ್‌ ಹಯ್ನ ಸೂ ಎಂಬ ವಿದ್ಯಾರ್ಥಿಗೆ ಸಿಕ್ಕಾಪಟ್ಟೆ ಹಸಿವಾಗಿತ್ತು. ಅವನಿಗೆ ಉಳಿದಿದ್ದು ಹೊಳೆಯಲಿಲ್ಲ. ಸುಮ್ಮನೆ ಬಾಳೆಹಣ್ಣನ್ನು ತಿಂದು ಸಿಪ್ಪೆಯನ್ನು ಅದೇ ಟೇಪ್‌ಗೆ ಅಂಟಿಸಿ ಜಾಗ ಖಾಲಿ ಮಾಡಿದ.

ಬಳಿಕ ವಿಷಯ ಕೇಳಿ ಮೌರಿಜಿಯೊ ಕ್ಯಾಟೆಲಾನ್‌ ಏನು ಮಾಡಲಿಕ್ಕಾಗುತ್ತೆ ಎಂದು ಸುಮ್ಮನಾಗಿದ್ದಾರಂತೆ. ಹೀಗೆ ಅರಿವಿಲ್ಲದೆ ದುಬಾರಿ ಬೆಳೆಯ ಬಾಳೆಹಣ್ಣು ತಿಂದು ನೊಹ್‌ ಹಯ್ನ ಸೂ ಸುದ್ದಿಯಾಗಿದ್ದಾನೆ.