Wheeling ಮಾಡೋ ಪುಂಡರ ವಿರುದ್ಧ ಖಾಕಿ ಕಾಂತಾರ ಡೈಲಾಗ್ – ಬೆಂಗಳೂರು ಪೋಲಿಸರು ಮಾಡಿರೋ ಟ್ವೀಟ್ ಭಾರೀ ವೈರಲ್…!!
- ಆಟೋ ನ್ಯೂಸ್
- May 6, 2023
- No Comment
- 225
ನ್ಯೂಸ್ ಆ್ಯರೋ : ಇತ್ತೀಚೆಗೆ ಬೈಕ್ ವ್ಹೀಲಿಂಗ್ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಅದರಲ್ಲೂ ಬೆಂಗಳೂರಿನ ಪ್ರಮುಖ ರಸ್ತೆಗಳಲ್ಲಿಯೇ ದ್ವಿಚಕ್ರ ವಾಹನ ಸವಾರರು ಯಾವುದೇ ಅಂಜಿಕೆ ಇಲ್ಲದೆ ವ್ಹೀಲಿಂಗ್ ಮಾಡುತ್ತಾರೆ. ಇದು ಅವರ ಜೊತೆಗೆ ಇತರರಿಗೂ ಅಪಾಯಕಾರಿಯಾಗಿ ಪರಿಣಮಿಸಿದೆ. ಇದೀಗ ಈ ಕೃತ್ಯವನ್ನು ಮಟ್ಟ ಹಾಕಲು ಯಶವಂತಪುರ ಪೊಲೀಸರು ‘ಕಾಂತಾರ’ ಚಿತ್ರದ ಮೊರೆ ಹೋಗಿದ್ದಾರೆ. ಅಂದರೆ ಚಿತ್ರದ ಸಂಭಾಷಣೆಯ ರೀತಿಯಲ್ಲೇ ಎಚ್ಚರಿಕೆ ನೀಡಿದ್ದಾರೆ.
“ಎತ್ತು ಎತ್ತು ಇನ್ನೂ ಮೇಲಕ್ಕೆ ಎತ್ತು….ದುರಹಂಕಾರದಿಂದ ಜನಗಳು ಓಡಾಡೋ ರಸ್ತೆ ಮಧ್ಯೆ ವ್ಹೀಲಿಂಗ್ ಮಾಡೋ ಕೆಟ್ಟ ನಿರ್ಧಾರ ನೀನು ಮಾಡು, ಕೋರ್ಟ್ ನ ಮೆಟ್ಟಿಲ ಮೇಲೆ /ಹಾಸ್ಪಿಟಲ್ ಬೆಡ್ ಮೇಲೆ ನಿನ್ನ ತೀರ್ಮಾನ ನಾನು ಮಾಡ್ತೇನೆ” ಎಂದು ಟ್ವೀಟ್ ಮಾಡಿರುವುದು ಗಮನ ಸೆಳೆದಿದೆ.
ಈ ಕ್ರಿಯೇಟಿವ್ ಐಡಿಯಾಕ್ಕೆ ಮೆಚ್ಚುಗೆ ಸೂಚಿಸಿರುವ ಸಾರ್ವಜನಿಕರು, ವ್ಹೀಲಿಂಗ್ ಮಾಡುವವರಿಗೆ ಎಚ್ಚರಿಕೆ ಕೊಟ್ಟು ಸುಮ್ಮನಾಗಬೇಡಿ. ಅವರನ್ನು ಹಿಡಿದು ಶಿಕ್ಷೆ ನೀಡಿ ಎಂದು ಸಲಹೆಗಳನ್ನೂ ನೀಡುತ್ತಿದ್ದಾರೆ.
ಟ್ವೀಟ್ಗೆ ಬಂದ ಪ್ರತಿಕ್ರಿಯೆಗಳು
“ದೈವ ತೀರ್ಮಾನ ಮಾಡುತ್ತೆ ಎಂದುಕೊಂಡು ನೀವು ಬಿಡಬೇಡಿ, ದೇವರ ಜೊತೆ ಇವರ ಭೇಟಿ ಮಾಡಿಸುವುದು ನಿಮ್ಮ ಕೆಲಸ ಸಾರ್” ಎಂದು ಒಬ್ಬರು ಹೇಳಿದರೆ, “ವಾಹನಗಳನ್ನು ವಶಪಡಿಸಿಕೊಳ್ಳಿ ಮತ್ತು ಸ್ಕ್ರ್ಯಾಪ್ ಮಾಡಿ, ಹರಾಜಿಗೆ ಹಾಕಬೇಡಿ, ಅವರು ಮತ್ತೆ ಖರೀದಿಸುತ್ತಾರೆ, ವ್ಹೀಲಿಂಗ್ ಮಾಡುತ್ತಾರೆ” ಎಂದಿದ್ದಾರೆ ಇನ್ನೊಬ್ಬರು.