ಮೊಬೈಲ್ ಫೋನ್ ಕೆಳಗಿರುವ ಸಣ್ಣ ರಂಧ್ರ ಯಾಕಿರುತ್ತೆ ಗೊತ್ತಾ? – ಬಹುಪಾಲು ಜನರಿಗೆ ಗೊತ್ತಿಲ್ದೇ ಇರೋ ಸತ್ಯ ಇಲ್ಲಿದೆ…
- ಟೆಕ್ ನ್ಯೂಸ್
- May 6, 2023
- No Comment
- 33509
ನ್ಯೂಸ್ ಆ್ಯರೋ : ಇತ್ತೀಚಿನ ದಿನಗಳಲ್ಲಿ ಮೊಬೈಲ್ ಫೋನ್ ಅದರಲ್ಲೂ ಸ್ಮಾರ್ಟ್ ಫೋನ್ ಇಲ್ಲದ ಜಗತ್ತನ್ನು ಊಹಿಸಲು ಸಾಧ್ಯವಿಲ್ಲ. ಶಿಕ್ಷಣದಿಂದ ಹಿಡಿದು ಉದ್ಯೋಗದವರೆಗೆ ಎಲ್ಲ ರಂಗದಲ್ಲೂ ಮೊಬೈಲ್ ಬಳಕೆ ವ್ಯಾಪಕವಾಗಿದೆ.
ನೀವು ದಿನ ನಿತ್ಯ ಉಪಯೋಗಿಸುವ ಫೋನ್ ನ ಕೆಳ ಭಾಗದಲ್ಲಿರುವ ಸಣ್ಣ ರಂಧ್ರವನ್ನು ಗಮನಿಸಿರಬಹುದು. ಅದರ ಉಪಯೋಗವೇನು? ಅದು ಹೇಗೆ ಕಾರ್ಯ ನಿರ್ವಹಿಸುತ್ತದೆ ಎನ್ನುವುದರ ಮಾಹಿತಿ ಇಲ್ಲಿದೆ.
ಆ ಸಣ್ಣ ರಂಧ್ರವೇ ನಮ್ಮ ಫೋನ್ನ ಶಬ್ದ ಹೀರುವ ಮೈಕ್ರೊಫೋನ್. ನಾವು ಸೆಲ್ ಫೋನ್ನಲ್ಲಿ ಮಾತನಾಡುವಾಗ ಮೈಕ್ರೊಫೋನ್ ಕಾರ್ಯನಿರ್ವಹಿಸುತ್ತದೆ. ನಾವು ಯಾರಿಗಾದರೂ ಕರೆ ಮಾಡಿದಾಗ ಈ ಮೈಕ್ರೊಫೋನ್ ಸಕ್ರಿಯಗೊಳ್ಳುತ್ತದೆ. ಆ ಸಣ್ಣ ರಂಧ್ರವು ನಮ್ಮ ಧ್ವನಿಯನ್ನು ಸಂಪೂರ್ಣವಾಗಿ ಗ್ರಹಿಸಿ ಇನ್ನೊಂದು ತುದಿಯಲ್ಲಿರುವ ಕೇಳುಗರಿಗೆ ಅದನ್ನು ಸ್ಪಷ್ಟವಾಗಿ ರವಾನಿಸುತ್ತದೆ.
ಜೊತೆಗೆ ಈ ಮೈಕ್ರೊಫೋನ್ ಸುತ್ತಲಿನ ಎಲ್ಲಾ ರೀತಿಯ ಶಬ್ದವನ್ನು ಹೀರಿಕೊಳ್ಳುವುದಿಲ್ಲ. ನಾವು ಮಾತನಾಡುವ ಧ್ವನಿಯು ರಂಧ್ರಕ್ಕೆ ಸಂಪೂರ್ಣವಾಗಿ ಹತ್ತಿರದಲ್ಲಿರುವುದರಿಂದ ಆ ಧ್ವನಿಯನ್ನು ಮಾತ್ರ ಹೀರಿ ಇನ್ನೊಂದು ಬದಿಗೆ ರವಾನಿಸುತ್ತದೆ.