ಸಿಮ್ ನ ಒಂದು ಮೂಲೆ ಕಟ್ ಮಾಡಿರುತ್ತಾರೆ ಯಾಕೆ? – ನಿಮಗೆ ಗೊತ್ತಿಲ್ಲದ ಅಸಲಿ ಕಾರಣ ಇಲ್ಲಿದೆ ನೋಡಿ..

ನ್ಯೂಸ್ ಆ್ಯರೋ‌ : ಇದು ಡಿಜಿಟಲ್ ಯುಗ, ಹಣ ಜಮಾ ಅಥವಾ ವರ್ಗಾವಣೆ, ಯಾವುದೇ ಬಿಲ್ ಪೇ ಎಲ್ಲವೂ ಮೊಬೈಲ್ ನಲ್ಲೇ ಮುಗಿದು ಹೋಗುತ್ತದೆ. ಆದರೆ ಅದಕ್ಕೊಂದು ಸಿಮ್ ಇಲ್ಲದೆ ಫೋನ್ ಉಪಯೋಗಕ್ಕೆ ಬರೋದಿಲ್ಲ. ಆದರೆ ಆ ಸಿಮ್ ಕಾರ್ಡಿನ ಒಂದು ಮೂಲೆಯಲ್ಲಿ ಕತ್ತರಿಸಿರುತ್ತದೆ ಅನ್ನೋದು ನೀವೂ ನೋಡಿಯೇ ಇರುತ್ತೀರಾ. ಈ ಬಗ್ಗೆ ಒಮ್ಮೆಯಾದರೂ ಯೋಚಿಸಿದ್ದೀರಾ ಏಕೆ ಕತ್ತರಿಸುತ್ತಾರೆ ಎಂದು? ಇದರ ಹಿಂದಿನ ಕಾರಣ ಏನು ಗೊತ್ತಾ?

ಮೊದಲು ಸಿಮ್ ಕಾರ್ಡ್‌ಗಳನ್ನು ತಯಾರಿಸಿದಾಗ ಈಗಿನ ಸಿಮ್ ಕಾರ್ಡ್‌ಗಳಂತೆ ಮೂಲೆಯಲ್ಲಿ ಯಾವುದೇ ಕಟ್ ಇರಲಿಲ್ಲ. ಮೊಬೈಲ್ ಬಳಕೆದಾರರು ಸಿಮ್ ಅನ್ನು ಮೊಬೈಲ್​ ಒಳಗೆ ನಿರ್ದಿಷ್ಟ ಸ್ಲಾಟ್​ನಲ್ಲಿ ಸ್ಥಾಪಿಸಲು ಕಷ್ಟಪಡುತ್ತಿದ್ದರು. ಪ್ರತಿ ಬಾರಿ ಮೊಬೈಲ್​ ಸ್ಲಾಟ್​ನಲ್ಲಿ ಸಿಮ್ ಅನ್ನು ಹಿಮ್ಮುಖವಾಗಿ ಹಾಕಲಾಗುತಿತ್ತು. ಆದರೆ ಅದನ್ನು ಹೊರತೆಗೆಯಲು ಮತ್ತು ಅದನ್ನು ಮತ್ತೆ ಹಾಕಲು ಕಷ್ಟವಾಗುತ್ತಿತ್ತು.

ಹೀಗೆ ಸಿಮ್ ಅಳವಡಿಸಲು ಎದುರಾಗುವ ತೊಂದರೆಗಳನ್ನು ಪರಿಗಣಿಸಿ ಟೆಲಿಕಾಂ ಕಂಪನಿಗಳು ಒಂದು ಮಹತ್ವದ ನಿರ್ಧಾರ ಕೈಗೊಂಡವು. ಅದಕ್ಕಾಗಿಯೇ ಸಿಮ್ ಕಾರ್ಡ್ ಅನ್ನು ಒಂದೇ ಬಾರಿಗೆ ಸರಿಯಾಗಿ ಒಳಗೆ ಕೂರಿಸಲು ಅದರ ಮೂಲೆಯನ್ನು ಕತ್ತರಿಸುವುದಕ್ಕೆ ಅನುಮತಿಸಿದರು.

ಸಿಮ್ ಕಾರ್ಡಿನಲ್ಲಿ ಕಟ್ ಮಾರ್ಕ್ ಇಲ್ಲದಿದ್ದರೆ ಮೊಬೈಲ್ ಫೋನ್‌ನಲ್ಲಿ ಅದನ್ನು ಸರಿಯಾಗಿ ಸೇರಿಸಲು ಕಷ್ಟವಾಗುತ್ತದೆ. ಮೊಬೈಲ್ ಫೋನ್‌ನಲ್ಲಿ ಸಿಮ್ ಕಾರ್ಡ್‌ನ ತಪ್ಪು ಭಾಗವನ್ನು ಹಾಕುತ್ತೇವೆ. ಮೊಬೈಲ್ ಫೋನ್‌ಗಳಲ್ಲಿ ಬಳಸುವ ಸಿಮ್ ಕಾರ್ಡ್‌ನ ಅಗಲ 25 ಎಂಎಂ, ಉದ್ದ 15 ಎಂಎಂ ಮತ್ತು ದಪ್ಪ 0.76 ಎಂಎಂ ಇರುತ್ತದೆ.

ಮೊಬೈಲ್ ಟೆಲಿಫೋನಿ ಸಾಧನಗಳಲ್ಲಿ (ಮೊಬೈಲ್ ಫೋನ್‌ಗಳು ಮತ್ತು ಕಂಪ್ಯೂಟರ್‌ಗಳಂತಹ) ಚಂದಾದಾರರನ್ನು ಗುರುತಿಸಲು ಮತ್ತು ದೃಢೀಕರಿಸಲು ಈ ಸಂಖ್ಯೆ ಮತ್ತು ಕೀಲಿಯನ್ನು ಬಳಸಲಾಗುತ್ತದೆ. ಹೀಗೆ ಸಿಮ್ ಕಟ್ ಆಗಿರೋದಕ್ಕೆ ಕಾರಣ ಕೊನೆಗೂ ತಿಳಿಯಿತಲ್ಲ‌.‌‌‌‌‌..!!