ಕಾಂತಾರ, ಚಾರ್ಲಿ 777 ಸಿನಿಮಾದ ದಾಖಲೆ ಧೂಳಿಪಟ – ಕ್ರಾಂತಿ ಮೊದಲ ದಿನ ಗಳಿಸಿದ್ದೆಷ್ಟು ಕೋಟಿ ಗೊತ್ತಾ?

ನ್ಯೂಸ್ ಆ್ಯರೋ : ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗು ಡಿಂಪಲ್ ಕ್ವೀನ್ ರಚಿತಾ ರಾಮ್ ನಟಿಸಿರುವ ‘ಕ್ರಾಂತಿ’ ಸಿನಿಮಾ, ಗಳಿಕೆ ವಿಚಾರದಲ್ಲೂ ಕ್ರಾಂತಿಯನ್ನೇ ಮಾಡಿದೆ. ಬಿಡುಗಡೆಯಾದ ಮೊದಲ ದಿನವೇ ರಾಜ್ಯದಾದ್ಯಂತ ಉತ್ತಮ‌ಗಳಿಕೆ ಕಂಡಿರುವ ಸಿನಿಮಾ, ಮೊದಲ ದಿನ ಅತೀ ಹೆಚ್ಚು ಗಳಿಕೆ ಕಂಡ ಕನ್ನಡ ಚಿತ್ರಗಳ ಪಟ್ಟಿಯಲ್ಲಿ 5ನೇ ಸ್ಥಾನ‌ ಪಡೆದುಕೊಂಡಿದೆ‌.

ಕೋಟಿ ಬಾಚಿದ ‘ಕ್ರಾಂತಿ’

ಮಾಧ್ಯಮಗಳ ಹೊರತಾಗಿ ‘ಕ್ರಾಂತಿ’ ಚಿತ್ರಕ್ಕೆ ಅಭಿಮಾನಿಗಳು ರಾಜ್ಯದಾದ್ಯಂತ ಭರ್ಜರಿ ಪ್ರಚಾರ ನೀಡಿದ್ದರು. ವರ್ಷಗಳ ನಂತರ ದರ್ಶನ್ ಅವರನ್ನು ಥಿಯೇಟರ್ ನಲ್ಲಿ ಕಾಣಲು ಅಭಿಮಾನಿಗಳು ತುದಿಗಾಲಿನಲ್ಲಿ‌ ನಿಂತಿದ್ದರು. ಚಿತ್ರವನ್ನು ಹರಿಕೃಷ್ಣ ನಿರ್ದೇಶನ‌ಮಾಡಿದ್ದು, ಒಟ್ಟು 16 ಕೋಟಿಯಲ್ಲಿ ಸಿನಿಮಾ ತಯಾರಾಗಿದೆ ಎನ್ನಲಾಗಿದೆ‌. ಸದ್ಯ, ಬಿಡುಗಡೆಯಾಗಿರು ಕ್ರಾಂತಿ ಸಿನಿಮಾ, ಮೊದಲ ದಿನವೇ 13 ರಿಂದ 14 ಕೋಟಿ ಬಾಚಿಕೊಂಡಿದೆ ಎನ್ನಲಾಗಿದೆ.

ಮೊದಲ ದಿನ ಹೆಚ್ಚು ಗಳಿಕೆ ಕಂಡ ಕನ್ನಡ ಸಿನಿಮಾಗಳು

ಕನ್ನಡದಲ್ಲಿ ಬಿಡುಗಡೆಯಾದ ಮೊದಲ ದಿನವೇ ಅತೀ‌ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳ ಪಟ್ಟಿಯಲ್ಲಿ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಪ್-2 ಸಿನಿಮಾ ಮೊದಲ ಸ್ಥಾನದಲ್ಲಿದೆ. ಈ ಸಿನಿಮಾ ಮೊದಲ ದಿನ 29.8 ಕೋಟಿ ಗಳಿಕೆ ಕಂಡಿತ್ತು. ಇನ್ನು ಪವರ್ ಸ್ಟಾರ್ ದಿ.ಪುನಿತ್ ರಾಜ್ ಕುಮಾರ್ ಕೊನೆಯ ಚಿತ್ರ ‘ಜೇಮ್ಸ್’ 28 ಕೋಟಿ ಗಳಿಕೆಯೊಂದಿಗೆ 2ನೇ ಸ್ಥಾನದಲ್ಲಿದೆ. ಕಿಚ್ಚ ಸುದೀಪ್ ಅಭಿನಯದ ‘ವಿಕ್ರಾಂತ್ ರೋಣ’ ಸಿನಿಮಾ ಮೊದಲ ದಿನ 23.84 ಕೋಟಿ ಗಳಿಸಿ ಮೂರನೇ ಸ್ಥಾನದಲ್ಲಿದೆ. ದರ್ಶನ್ ಅಭಿನಯದ ‘ರಾಬರ್ಟ್’ ಸಿನಿಮಾ 17.3 ಕೋಟಿ ಗಳಿಕೆ ಮಾಡಿ ನಾಲ್ಕನೆ ಸ್ಥಾನದಲ್ಲಿದೆ. ಇದೀಗ ದರ್ಶನ್ ಅಭಿನಯದ ‘ಕ್ರಾಂತಿ’ 13 ಕೋಟಿ ಗಳಿಕೆಯೊಂದಿಗೆ 5ನೇ ಸ್ಥಾನ ಅಲಂಕರಿಸಿದೆ. ಇದರೊಂದಿಗೆ ಮೊದಲ ದಿನ ಕರ್ನಾಟಕದಲ್ಲಿ 3.85 ಕೋಟಿ ಗಳಿಸಿದ ‘ಕಾಂತಾರ’ ಹಾಗೂ 5 ಕೋಟಿ ಗಳಿಸಿದ್ದ ‘ಚಾರ್ಲಿ’ ಸಿನಿಮಾವನ್ನು ‘ಕ್ರಾಂತಿ’ ಹಿಂದಿಕ್ಕಿದೆ.