ಕೋಕಾ ಕೋಲಾ ಸ್ಮಾರ್ಟ್ಫೋನ್ ಮಾರುಕಟ್ಟೆಗೆ – ನಿಮ್ಮನ್ನು ನಿಬ್ಬೆರಗಾಗಿಸುತ್ತೆ ಇದರ ಫೀಚರ್ಸ್..!!
- ಟೆಕ್ ನ್ಯೂಸ್
- January 27, 2023
- No Comment
- 351
ನ್ಯೂಸ್ ಆ್ಯರೋ : ವ್ಯಾಪಕವಾಗಿ ಬೆಳವಣಿಗೆ ಕಾಣುತ್ತಿರುವ ಮೊಬೈಲ್ ಮಾರುಕಟ್ಟೆಗೆ ದಿನಕ್ಕೊಂದು ಮೊಬೈಲ್ ತಯಾರಿಕಾ ಕಂಪೆನಿಗಳೊಂದಿಗೆ, ಸ್ಮಾರ್ಟ್ಫೋನ್ ಲಗ್ಗೆ ಇಡುತ್ತಿದೆ. ಇದೀಗ, ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ, ಸಾಪ್ಟ್ ಡ್ರಿಂಕ್ಸ್ ಸಾಮ್ರಾಜ್ಯದ ಅಧಿಪತಿ ಕೋಕಾ ಕೋಲಾ ಹೆಸರು ಕೇಳಿ ಬರುತ್ತಿದೆ.
ಹೌದು, ವಿಶ್ವದಾದ್ಯಂತ ಮಾರುಕಟ್ಟೆಯಿರುವ ಅಮೇರಿಕಾ ಮೂಲದ ಕೂಲ್ ಡ್ರಿಂಕ್ಸ್ ತಯಾರಿಕಾ ಸಂಸ್ಥೆ ಇದೀಗ, ಮೊಬೈಲ್ ಮಾರುಕಟ್ಟೆಯನ್ನು ಆವರಿಸಿಕೊಳ್ಳಲು ತಯಾರಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಕೋಕಾ ಕೋಲಾ ಕಂಪೆನಿಯ ಹೊಸ ಮೊಬೈಲ್ ಫೋನ್ನ ಫೀಚರ್ಸ್ ಹಾಗೂ ವಿನ್ಯಾಸ ಸಾಕಷ್ಟು ವೈರಲ್ ಆಗುತ್ತಿದೆ.
ಸ್ಮಾರ್ಟ್ಫೋನ್ ಫೋಟೋ ಹಂಚಿಕೊಂಡ ಮುಕುಲ್ ಶರ್ಮಾ
ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಡಲು ತಯಾರಾಗಿರುವ ಕೋಕಾ ಕೋಲಾ ಕಂಪೆನಿಯ ಮುಕುಲ್ ಶರ್ಮಾ ಟ್ವಿಟ್ಟರ್ ಮೂಲಕ ಸ್ಮಾರ್ಟ್ಫೋನ್ ಫೋಟೋಗಳನ್ನು ಹಂಚಿಕೊಂಡಿದ್ದು, ಈ ಫೋನ್ ಕೆಂಪು ಬಣ್ಣದ ವೇರಿಯಂಟಲ್ ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಕೋಕಾ ಕೋಲಾ ಸ್ಮಾರ್ಟ್ಫೋನ್ ಹೀಗಿದೆ..
ಮುಕುಲ್ ಶರ್ಮಾ ಶೇರ್ ಮಾಡಿರುವ ಫೋಟೋ ಬಗ್ಗೆ ಹೇಳುವುದಾದರೆ, ಫೋನ್ ಹಿಂಬಾಗದ ಫ್ಯಾನಲ್ ನಲ್ಲಿ ಕೋಕಾ ಕೋಲಾ ಬ್ರಾಂಡಿಂಗನ್ನು ದೊಡ್ಡ ಫಾಂಟ್ ನಲ್ಲಿ ಬರೆಯಲಾಗಿದೆ. ಈ ಫೋನ್ ಡ್ಯುಯಲ್ ರೀಯಲ್ ಕ್ಯಾಮರದೊಂದಿಗೆ, ಎಲ್ಇಡಿ ಫ್ಲಾಶ್ ಹೊಂದಿರಬಹುದು ಎಂದು ಅಂದಾಜಿಸಲಾಗಿದೆ. ಇನ್ನು, ಹಿಂಬಾಗದಲ್ಲಿ ಫಿಂಗರ್ ಪ್ರಿಂಟ್ ಇಲ್ಲದ ಕಾರಣ, ಸೈಡ್ ಪವರ್ ಬಟನ್ ಪಕ್ಕದಲ್ಲಿ ಫಿಂಗರ್ ಪ್ರಿಂಟ್ ಇರುವ ಸಾಧ್ಯತೆ ಇದೆ. ಇದೇ ವರ್ಷ ಮೊಬೈಲ್ ಮಾರುಕಟ್ಟೆಗೆ ಕೋಕಾ ಕೋಲಾ ಕಂಪೆನಿಯ ಮೊದಲ ಸ್ಮಾರ್ಟ್ಫೋನ್ ಪಾದಾರ್ಪಣೆ ಮಾಡಬಹದು ಎನ್ನಲಾಗಿದೆ.