Renukaswamy Murder Case : ದರ್ಶನ್ ವಿಗ್ ತೆಗೆದು ಹೆಡ್ ಶೇವ್ ಮಾಡಿಸಿದ ಜೈಲು ಅಧಿಕಾರಿಗಳು – ಕಾರಣ ಏನು ಗೊತ್ತಾ?

ನ್ಯೂಸ್ ಆ್ಯರೋ : ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಹಿನ್ನೆಲೆಯಲ್ಲಿ ಜೈಲಿನಲ್ಲಿರುವ ನಟ ದರ್ಶನ್ ಅವರ ವಿಗ್ ತೆಗೆದಿರುವ ಜೈಲು ಅಧಿಕಾರಿಗಳು ತಲೆಗೂದಲು ಕತ್ತರಿಸಿ ಹೆಡ್ ಶೇವ್ ಮಾಡಿದ್ದು, ದರ್ಶನ್ ಗೆ ನ್ಯೂ ಲುಕ್ ನೀಡಿದ್ದಾರೆ.

ಈಗಾಗಲೇ ದರ್ಶನ್ ವಿಗ್ ಬಳಸುತ್ತಿದ್ದು, 20 ದಿನಗಳಿಗೊಮ್ಮೆ ಅದರ ನಿರ್ವಹಣೆ ಮಾಡಬೇಕಾಗಿತ್ತು. ಆದರೆ ದರ್ಶನ್ ಜೈಲಿನಲ್ಲಿ ಇರುವ ಕಾರಣ ವಿಗ್ ನಿರ್ವಹಣೆ ಸಾಧ್ಯವಿಲ್ಲ. ‌ಹಾಗಾಗಿ ಕೂದಲು ಬೋಳಿಸಲು ದರ್ಶನ್ ಅವರೇ ಒಪ್ಪಿದ್ದಾರೆ ಎನ್ನಲಾಗಿದೆ.

ವಿರಾಟ್ ಸಿನಿಮಾದ ಬಳಿಕ ದರ್ಶನ್ ಅವರ ತಲೆಗೂದಲು ಕಡಿಮೆಯಾಗಿದ್ದು ಡೆವಿಲ್ ಚಿತ್ರದ ಶೂಟಿಂಗ್ ನಲ್ಲೂ ದರ್ಶನ್ ವಿಗ್ ಬಳಸಿಯೇ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿದ್ದರು‌. ಇದರ ನಡುವೆಯೇ ಅವರ ಬಂಧನವಾಗಿತ್ತು.

ಸದ್ಯ ದರ್ಶನ್ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ಸಾಮಾನ್ಯ ಖೈದಿಯಾಗಿದ್ದು,‌ ಯಾವುದೇ ರೀತಿಯ ಸ್ಪೆಷಲ್ ಟ್ರೀಟ್ಮೆಂಟ್ ಲಭ್ಯವಿಲ್ಲ‌. ಹಾಗಾಗಿ ವಿಗ್ ತೆಗೆದು ತಲೆಗೂದಲು ಬೋಳಿಸಿರುವುದರಿಂದ ದರ್ಶನ್ ಹೊಸ ಲುಕ್ ನಲ್ಲಿ ಕಾಣಿಸಿಕೊಂಡಿರುವುದಾಗಿ ಮಾಧ್ಯಮ ವರದಿಯೊಂದು ಹೇಳಿದೆ.