ವಾಟ್ಸಾಪ್ ಬಳಕೆದಾರರರೇ ಎಚ್ಚರಿಕೆ – ಅಪ್ಪಿ ತಪ್ಪಿಯೂ ಈ ಸಂಖ್ಯೆಗಳಿಂದ ಬರುವ ಕರೆ ಸ್ವೀಕರಿಸಬೇಡಿ..!

ನ್ಯೂಸ್ ಆ್ಯರೋ‌ : ಈಗ ವಾಟ್ಸಾಪ್ ಬಳಸದವರು ಯಾರಿದ್ದಾರೆ ಹೇಳಿ? ಈ ಜನಪ್ರಿಯ ಮೆಸೇಜಿಂಗ್ ಆ್ಯಪ್ ಬಹುತೇಕ ಎಲ್ಲರ ಜೀವನದಲ್ಲಿ ಹಾಸುಹೊಕ್ಕಿದೆ. ಇದನ್ನೇ ಬಂಡವಾಳವಾಗಿಸಿಕೊಂಡು ಖದೀಮರು ವಂಚನೆಯ ಹಾದಿಗೆ ಇಳಿದಿದ್ದಾರೆ. ಹೀಗಾಗಿ ಹುಷಾರು. ವಾಟ್ಸಾಪ್ ಅನ್ನು ಎಚ್ಚರಿಕೆಯಿಂದ ಬಳಸಬೇಕು ಎಂದು ತಜ್ಞರು ಕರೆ ನೀಡಿದ್ದಾರೆ.

ಅಪರಿಚಿತ ನಂಬರ್ ನಿಂದ ಕರೆ

ಅಪರಿಚಿತ ನಂಬರ್ ನಿಂದ ಕರೆ ಮಾಡುವ ವಂಚಕರು ಬಳಿಕ ನಿಮ್ಮ ಬ್ಯಾಂಕ್ ಅಕೌಂಟ್ ನಿಂದ ಹಣವನ್ನೆಲ್ಲಾ ದೋಚುತ್ತಾರೆ. ಹೀಗಾಗಿ ಪರಿಚಿತವಲ್ಲದ ನಂಬರ್ ನಿಂದ ಕರೆ ಬಂದರೆ ಸ್ವೀಕರಿಲೇ ಬೇಡಿ. ಅದರಲ್ಲೂ +84, +62, +60 ಅಂತಾರಾಷ್ಟ್ರೀಯ ಸಂಖ್ಯೆಗಳಿಂದ ಬಂದ ಕರೆಗಳನ್ನು ಎತ್ತಲು ಹೋಗಲೇ ಬೇಡಿ.

ಈ ಬಗ್ಗೆ ಅನೇಕರು ಟ್ವಿಟರ್ ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ದೂರು ನೀಡಿದ್ದಾರೆ, ವಾಟ್ಸಾಪ್ ಕೂಡ ಈ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ತನ್ನ ಗ್ರಾಹಕರಿಗೆ ಸೂಚಿಸಿದೆ.

ಇತ್ತೀಚೆಗೆ ಹೊಸ ಸಿಮ್ ಕಾರ್ಡ್ ಪಡೆದವರಿಗೆ ಅಂತಾರಾಷ್ಟ್ರ ಸಂಖ್ಯೆಯಿಂದ ಹೆಚ್ಚಿನ ಕರೆಗಳು ಬಂದಿವೆ. ಇಂತಹ ಕರೆಗಳನ್ನು ನಿರ್ಬಂಧಿಸುವ ಬಗ್ಗೆ ಮತ್ತು ವರದಿ ಮಾಡುವ ಬಗ್ಗೆ ವಾಟ್ಸಾಪ್ ಸಲಹೆ ನೀಡಿದೆ. ಒಂದು ವೇಳೆ ತಪ್ಪಿ ಕರೆ ಸ್ವೀಕರಿಸಿದರೂ ಕೂಡಲೇ ಕಟ್ ಮಾಡುವಂತೆಯೂ ತಿಳಿಸಲಾಗಿದೆ.