ಸೇವೆ ಆರಂಭವಾದ ಹತ್ತು ವರ್ಷಗಳ ಬಳಿಕ ಲಾಭದ ಹಳಿಗೆ ಏರಿದ ನಮ್ಮ ಮೆಟ್ರೋ – ದಕ್ಷಿಣ ಭಾರತದ ಮೊದಲ ಮೆಟ್ರೋ ರೈಲಿನ ಆದಾಯ ಎಷ್ಟು ಗೊತ್ತಾ?
- ಕರ್ನಾಟಕ
- August 22, 2023
- No Comment
- 782
ನ್ಯೂಸ್ ಆ್ಯರೋ : ದಕ್ಷಿಣ ಭಾರತದ ಮೊದಲ ಮೆಟ್ರೋ ಎಂಬ ಖ್ಯಾತಿ ಪಡೆದಿರುವ ಬೆಂಗಳೂರಿನ ನಮ್ಮ ಮೆಟ್ರೋ ಆರಂಭವಾಗಿ ದಶಕದ ಬಳಿಕ ಲಾಭದತ್ತ ಮುಖ ಮಾಡಿದೆ.
100 ಕೋಟಿ ರೂ. ಲಾಭದ ನಿರೀಕ್ಷೆ
2022-23ರ ಅವಧಿಯಲ್ಲಿ ಲಾಭದ ಗಡಿವರೆಗೆ ಬಂದಿದ್ದ ನಮ್ಮ ಮೆಟ್ರೋ 2023-24ರ ಸಾಲಿನಲ್ಲಿ 100 ಕೋಟಿ ರೂ. ಲಾಭ ಗಳಿಸುವ ಗುರಿ ಹೊಂದಿದೆ. ಪ್ರಯಾಣ ದರ, ಇತರ ಶುಲ್ಕ ಸೇರಿ 2022-23ರಲ್ಲಿ 594.02 ಕೋಟಿ ರೂ. ಆದಾಯ ಬಂದಿತ್ತು. ಆದರೆ ನಿರ್ವಹಣೆಗೆ 486.61 ಕೋಟಿ ರೂ. ವೆಚ್ಚವಾಗಿದೆ. ಅಂತಿಮವಾಗಿ ನಮ್ಮ ಮೆಟ್ರೋ 40 ಕೋಟಿ ರೂ. ಲಾಭದಲ್ಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಬೆಂಗಳೂರು ಮೆಟ್ರೋ ರೈಲ್ ಕಾರ್ಪೋರೇಷನ್ (ಬಿ.ಎಂ.ಆರ್.ಸಿ.ಎಲ್.) ಅಧಿಕಾರಿಗಳು ಮಾತನಾಡಿ, ಕಳೆದ ವರ್ಷ ಮೆಟ್ರೋ ರೈಲಿನಲ್ಲಿ ಪ್ರತಿನಿತ್ಯ 5.32 ಲಕ್ಷ ಮಂದಿ ಪ್ರಯಾಣಿಸಿದ್ದರು. ಈ ವರ್ಷ ಈ ಸಂಖ್ಯೆ 6.3 ಲಕ್ಷಕ್ಕೆ ಏರಿಕೆಯಾಗಿದೆ. ಇದೇ ರೀತಿ ಪ್ರಯಾಣಿಕರ ಸಂಖ್ಯೆ ಮುಂದುವರಿದರೆ ಆ ಆರ್ಥಿಕ ವರ್ಷದ ಕೊನೆಗೆ 100 ಕೋಟಿ ರೂ. ಲಾಭ ಬರಲಿದೆ ಎಂದಿದ್ದಾರೆ.
ಪ್ರಸ್ತುತ ಇರುವ ಹಸಿರು ಮತ್ತು ನೇರಳೆ ಮಾರ್ಗಗಳ ಜೊತೆಗೆ 3 ವರ್ಷದೊಳಗೆ ಕೆಂಪು, ಹಳದಿ, ನೀಲಿ ಮಾರ್ಗಗಗಳು ಆರಂಭಗೊಳ್ಳುವ ನಿರೀಕ್ಷೆ ಇದೆ. ಆಗ ಮೆಟ್ರೋ ಜಾಲವು 175 ಕಿ.ಮೀ.ಗೆ ಹೆಚ್ಚಾಗಲಿದೆ.