ಶೋಯೆಬ್ ಮಲಿಕ್ – ಸಾನಿಯಾ ಮಿರ್ಜಾ ಜೊತೆಗಿನ ದಾಂಪತ್ಯ ಅಂತ್ಯ? – ಅನುಮಾನಕ್ಕೆ ಕಾರಣವಾಗಿದ್ದು ಈ ವಿಚಾರ..!?
- ಕ್ರೀಡಾ ಸುದ್ದಿ
- August 4, 2023
- No Comment
- 127
ನ್ಯೂಸ್ ಆ್ಯರೋ : ಕೆಲವು ದಿನಗಳ ಹಿಂದೆ ಭಾರೀ ಸುದ್ದಿಯಾಗಿ ತಣ್ಣಗಾಗಿದ್ದ ಭಾರತದ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಮತ್ತು ಪಾಕಿಸ್ತಾನದ ಕ್ರಿಕೆಟಿಗ ಶೋಯೆಬ್ ಮಲಿಕ್ ವಿಚ್ಛೇದನ ವಿಚಾರ ಮತ್ತೆ ಮುನ್ನೆಲೆಗೆ ಬಂದಿದೆ.
ಈ ಹಿಂದೆ ದಂಪತಿ ಬೇರೆ ಬೇರೆಯಾಗಿದ್ದಾರೆ ಎನ್ನುವ ಸುದ್ದಿ ಹಬ್ಬಿದಾಗ ಇಬ್ಬರೂ ಪ್ರತಿಕ್ರಿಯೆ ನೀಡಿರಲಿಲ್ಲ. ಇದೀಗ ಮಲಿಕ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯ ಬಯೋದಿಂದ ಸಾನಿಯಾ ಮಿರ್ಜಾ ತಮ್ಮ ಪತ್ನಿ ಎನ್ನುವ ವಿವರ ತೆಗೆದಿರುವುದು ಅನುಮಾನ ಮೂಡಿಸಿದೆ. ಈ ಹಿಂದೆ ಅವರು ತಾನು ಸೂಪರ್ ಮಹಿಳೆ ಸಾನಿಯಾ ಮಿರ್ಜಾ ಅವರ ಪತಿ ಎಂದು ಬರೆದುಕೊಂಡಿದ್ದರು.
ಈ ಮಾಹಿತಿ ಎಡಿಟ್ ಮಾಡಿರುವುದು ಹಲವರಲ್ಲಿ ಕುತೂಹಲ ಮೂಡಿಸಿದೆ. ಈ ಹಿಂದೆ ಸೆಲೆಬ್ರಿಟಿಗಳು ತಮ್ಮ ಸಾಮಾಜಿಕ ಜಾಲತಾಣಗಳ ಖಾತೆಯಿಂದ ತಮ್ಮ ಸಂಗಾತಿಗಳ ಫೋಟೋ, ಹೆಸರು ಡಿಲೀಟ್ ಮಾಡಿದ ಬಳಿಕ ವಿಚ್ಛೇದನ ಘೋಷಿಸುತ್ತಿದ್ದುದು ಅನುಮಾನ ಹುಟ್ಟಲು ಕಾರಣ.
ಇದೇ ರೀತಿ ಮಲಿಕ್ ಇದೀಗ ತಮ್ಮ ಪತ್ನಿಯ ಹೆಸರು ತೆಗೆದಿದ್ದು, ಕೆಲವೇ ದಿನಗಳಲ್ಲಿ ಡಿವೋರ್ಸ್ ಘೋಷಿಸಲಿದ್ದಾರೆ ಎಂದು ಗಾಸಿಪ್ ಹರಿದಾಡುತ್ತಿದೆ. ಈ ಬಗ್ಗೆ ಎರಡೂ ಕಡೆಗಳಿಂದಲೂ ಅಧಿಕೃತ ಮಾಹಿತಿ ಬಂದಿಲ್ಲ.
ಸಾನಿಯಾ ಮತ್ತು ಶೋಯೆಬ್ 2010ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಈ ದಂಪತಿಗೆ 2018ರಲ್ಲಿ ಮಗ ಜನಿಸಿದ್ದ. ಈ ವರ್ಷದ ಮಾರ್ಚ್ ನಲ್ಲಿ ಹೈದರಾಬಾದ್ ನಲ್ಲಿ ನಡೆದ ಪ್ರದರ್ಶನದ ಮ್ಯಾಚ್ ಬಳಿಕ ಸಾನಿಯಾ ವೃತ್ತಿಪರ ಟೆನ್ನಿಸ್ ಗೆ ವಿದಾಯ ಘೋಷಿಸಿದ್ದರು. ಜೊತೆಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಿಂದ ಮಲಿಕ್ ಅವರ ಫೋಟೋಗಳನ್ನೂ ಡಿಲೀಟ್ ಮಾಡಿದ್ದರು.