M.S. Dhoni : ಒಂದು ಸೆಲ್ಫಿ ತೆಗೆಯೋಕೂ ಬರ್ಲಿಲ್ಲ ಮಾಹೀ..! – ಅಭಿಮಾನಿಗಳು ಕಿರಚಾಡಿದ ವಿಡಿಯೋ ವೈರಲ್ ಆಯ್ತು ನೋಡಿ..
- ಕ್ರೀಡಾ ಸುದ್ದಿ
- August 15, 2023
- No Comment
- 223
ನ್ಯೂಸ್ ಆ್ಯರೋ : ಟೀಮ್ ಇಂಡಿಯಾದ ಮಾಜಿ ಕ್ಯಾಪ್ಟನ್ ಎಂಎಸ್ ಧೋನಿ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ನಿವೃತ್ತಿ ಘೋಷಿಸಿ ವರ್ಷಗಳೇ ಕಳೆದು ಹೋಗಿದೆ. ಆದರೆ ಅವರ ಜನಪ್ರಿಯತೆ ಒಂದಿನಿತೂ ಕಮ್ಮಿಯಾಗಿಲ್ಲ.
ಇಂತಿಪ್ಪ ಧೋನಿ ಕ್ರಿಕೆಟ್ ಬಿಟ್ಟರೆ ಹೆಚ್ಚು ಇಷ್ಟ ಪಡುವ ವಸ್ತುಗಳು ಎಂದರೆ ಕಾರು, ಬೈಕ್ಗಳು. ಇವುಗಳಂದರೆ ಮಾಜಿ ಕ್ಯಾಪ್ಟನ್ಗೆ ಚಿಕ್ಕವಯಸ್ಸಿನಿಂದಲೂ ಹೆಚ್ಚು ಕ್ರೇಜ್. ಹೀಗಾಗಿಯೇ ತಮ್ಮ ಫಾರ್ಮ್ಹೌಸ್ನಲ್ಲಿ 100ಕ್ಕೂ ಹೆಚ್ಚು ಬೈಕ್ಗಳನ್ನು ಕಲೆಕ್ಷನ್ ಮಾಡಿಟ್ಟಿದ್ದಾರೆ.
ಸದ್ಯ ರಾಂಚಿಯ ಮನೆಯಲ್ಲಿರೋ ಕ್ರಿಕೆಟರ್ ಬೈಕ್ ಡ್ರೈವ್ ಮಾಡಿ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ.
ಎಂ.ಎಸ್ ಧೋನಿ ಹೆಲ್ಮೆಟ್ ಧರಿಸಿಕೊಂಡು ಹೋಂಡಾ ರಾಪಿಸೋಲ್- 150 ಎನ್ನುವ ಬೈಕ್ನ್ನು ಡ್ರೈವ್ ಮಾಡಿಕೊಂಡು ರಾಂಚಿಯ ಹೆದ್ದಾರಿಯಲ್ಲಿ ಸುತ್ತಾಡಿದ್ದಾರೆ.
ಈ ವೇಳೆ ಗೇಟ್ ಮೂಲಕ ಒಳಗೆ ತೆರಳುವಾಗ ಅಭಿಮಾನಿಗಳೆಲ್ಲ ಮಹಿ ಸರ್.. ಸರ್
ಪ್ಲೀಸ್ ಒನ್ ಸೆಲ್ಫಿ ಎಂದು ಕೇಳಿದ್ದಾರೆ. ಆದ್ರೆ ವೇಗವಾಗಿ ಬಂದ ಧೋನಿ ಯಾವುದಕ್ಕೂ ರೆಸ್ಪಾನ್ಸ್ ಮಾಡದೇ ಒಳ ಹೋಗಿದ್ದಾರೆ. ಸದ್ಯ ಇವರು ಬೈಕ್ ಚಾಲನೆ ಮಾಡಿಕೊಂಡು ಗೇಟ್ ಮೂಲಕ ಒಳ ಹೋಗುತ್ತಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಧೋನಿ ಬೈಕ್ ನಿಲ್ಲಿಸಿದರೂ ಭದ್ರತೆಗೆ ತೊಂದರೆಯಾಗಬಹುದು ಎಂಬ ಕಾರಣಕ್ಕೆ ಬೈಕ್ ನಿಲ್ಲಿಸಿಲ್ಲ, ಧೋನಿ ಯಾವತ್ತಿಗೂ ನಮ್ಮ ನಾಯಕ ಎಂದೆಲ್ಲಾ ಅಭಿಮಾನಿಗಳು ಕಾಮೆಂಟ್ ಮಾಡಿದ್ದಾರೆ