IPL 2023 : ಪ್ಲೇ ಆಫ್ ಪ್ರವೇಶ ಪಡೆಯಲು ಆರ್.ಸಿ.ಬಿ.ಗೆ ಅವಕಾಶ ಇದೆಯಾ? – ಲೆಕ್ಕಾಚಾರ ಹೀಗಿದೆ…
- ಕ್ರೀಡಾ ಸುದ್ದಿ
- May 11, 2023
- No Comment
- 3844
ನ್ಯೂಸ್ ಆ್ಯರೋ : ಐಪಿಎಲ್ ಪಂದ್ಯಾವಳಿ ರೋಚಕ ಘಟ್ಟದಲ್ಲಿ ಬಂದು ನಿಂತಿದೆ. ಲೀಗ್ ಹಂತದ ಮುಕ್ಕಾಲು ಪಂದ್ಯ ಮುಗಿದಿದ್ದು ಇನ್ನು ಏನಿದ್ದರೂ ಪ್ಲೇ ಆಫ್ ಲೆಕ್ಕಾಚಾರ. ಮಂಗಳವಾರ ನಡೆದ ನಿರ್ಣಾಯಕ ಪಂದ್ಯ ಮತ್ತೊಮ್ಮೆ ಲೆಕ್ಕಾಚಾರವನ್ನು ಬುಡಮೇಲು ಮಾಡಿದ್ದು, ಮುಂಬೈ ವಿರುದ್ಧದ ಸೋಲು ಬೆಂಗಳೂರಿನ ಹಾದಿಯನ್ನು ಇನ್ನಷ್ಟು ಕಠಿಣಗೊಳಿಸಿದೆ. ಅದರ ಕುರಿತಾದ ವಿವರ ಇಲ್ಲಿದೆ.
ಆಡಿದ 11 ಪಂದ್ಯಗಳ ಪೈಕಿ 6ರಲ್ಲಿ ಸೋತು, 5ರಲ್ಲಿ ಗೆದ್ದು ಆರ್.ಸಿ.ಬಿ. ಒಟ್ಟು 10 ಅಂಕಗಳೊಂದಿಗೆ ಪಾಯಿಂಟ್ ಟೇಬಲ್ ನಲ್ಲಿ 7ನೇ ಸ್ಥಾನದಲ್ಲಿದೆ. ಮುಂದಿನ ಹಂತಕ್ಕೆ ಸಾಗಲು ಇನ್ನುಳಿದ ಮೂರೂ ಪಂದ್ಯಗಳನ್ನು ಗೆಲ್ಲಲೇಬೇಕಾದ ಅನಿವಾರ್ಯತೆ ಇದೆ.
ಒಂದು ವೇಳೆ ಬೆಂಗಳೂರು ಎರಡರಲ್ಲಿ ಗೆದ್ದು ಒಂದರಲ್ಲಿ ಸೋತರೆ ಪ್ಲೇ ಆಫ್ ಹಂತಕ್ಕೇರಲು ಇತರ ತಂಡಗಳ ಫಲಿತಾಂಶಗಳ ಮೇಲೆ ಅವಲಂಬಿತವಾಗಬೇಕು. ಇತ್ತ ಆರ್.ಸಿ.ಬಿ. ವಿರುದ್ಧ ಭರ್ಜರಿಯಾಗಿ ಗೆದ್ದ ಮುಂಬೈ ಹಾದಿ ಸುಗಮವಾಗಿದೆ.
11 ಪಂದ್ಯಗಳ ಪೈಕಿ ಮುಂಬೈ 6ರಲ್ಲಿ ಗೆದ್ದು 12 ಅಂಕಗಳೊಂದಿಗೆ ಮೂರನೇ ಸ್ಥಾನಕ್ಕೇರಿದೆ. 16 ಅಂಕಗಳೊಂದಿಗೆ ಅಗ್ರ ಸ್ಥಾನದಲ್ಲಿರುವ ಗುಜರಾತ್ ಇನ್ನೊಂದು ಪಂದ್ಯ ಗೆದ್ದರೆ ಅಧಿಕೃತವಾಗಿ ಪ್ಲೇ ಆಫ್ ಗೆ ಪ್ರವೇಶ ಪಡೆಯಲಿದೆ.