Five Star Style Tea Recipe : ಫೈವ್ ಸ್ಟಾರ್ ಶೈಲಿಯಲ್ಲಿ ಖಡಕ್ ಟೀ ಮಾಡೋದು ಹೇಗೆ? – ನಾವು ಹೇಳಿ ಕೊಡ್ತೇವೆ ನೋಡಿ…
- ನಳಪಾಕ
- August 18, 2023
- No Comment
- 373
ನ್ಯೂಸ್ ಆ್ಯರೋ : ಟೀ ಅಥವಾ ಚಹಾ ಎಂದರೆ ಎಲ್ಲರಿಗೂ ಬಹುಪಾಲು ಇಷ್ಟ. ಫೈವ್ ಸ್ಟಾರ್ ಶೈಲಿಯಲ್ಲಿ ಖಡಕ್ ಟೀ ಮಾಡಿ ಕುಡಿದ್ರೆ ಅದರ ಮಜವೇ ಬೇರೆ. ನಾವು ಇವತ್ತು ಫೈವ್ ಸ್ಟಾರ್ ಶೈಲಿಯಲ್ಲಿ ಖಡಕ್ ಟೀ ಮಾಡೋದು ಹೇಗೆಂದು ಹೇಳಿಕೊಡ್ತೇವೆ..
ಬೇಕಾಗುವ ಸಾಮಗ್ರಿಗಳು
ನೀರು-ಎರಡು ಕಪ್, ಹಾಲು-ಎರಡು ಕಪ್, ಸಕ್ಕರೆ: 4 ಟೀ ಸ್ಪೂನ್, ಚಕ್ಕೆ, ಅರ್ಧ ಟೀ ಸ್ಪೂನ್ ಸೋಂಪು, ನಾಲ್ಕು ಏಲಕ್ಕಿ, ಅರ್ಧ ಇಂಚಿನಷ್ಟು ಹಸಿ ಶುಂಠಿ, ಮೂರು ಟೀ ಸ್ಪೂನ್ ಟೀ ಪುಡಿ.
ಮಾಡುವ ವಿಧಾನ
ಖಡಕ್ ಟೀ ಮಾಡುವಾಗ ಸಕ್ಕರೆಯನ್ನು ನೀರಿನ ಜೊತೆ ಮಿಕ್ಸ್ ಮಾಡಬಾರದು. ಮೊದಲಿಗೆ ಒಂದು ಪಾತ್ರೆಯನ್ನು ಒಲೆ ಮೇಲೆ ಇರಿಸಿಕೊಂಡು ಒಲೆ ಅನ್ ಮಾಡಿಕೊಳ್ಳಿ.
ಈ ಪಾತ್ರೆಗೆ ನಾಲ್ಕು ಟೀ ಸ್ಪೂನ್ಗಳಷ್ಟು ಸಕ್ಕರೆ ಹಾಕಿಕೊಂಡು ಮೆಲ್ಟ್ ಆಗುವರೆಗೆ ಅತಿ ಕಡಿಮೆ ಉರಿಯಲ್ಲಿ ಬಿಸಿ ಮಾಡಿಕೊಳ್ಳಿ. ಸಕ್ಕರೆ ಪಾಕವಾಗುತ್ತಿದ್ದಂತೆ ಎರಡು ಕಪ್ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಂಡು ಎರಡು ನಿಮಿಷ ಬೇಯಿಸಿಕೊಳ್ಳಿ.
ಸಕ್ಕರೆ ಪಾಕ ಮತ್ತು ನೀರು ಮಿಕ್ಸ್ ಆಗುತ್ತಿದ್ದಂತೆ ಚಕ್ಕೆ, ಸೋಂಪು, ಏಲಕ್ಕಿ, ಹಸಿ ಶುಂಠಿ ಹಾಕಿ ಕಡಿಮೆ ಉರಿಯಲ್ಲಿ ಎರಡರಿಂದ ಮೂರು ನಿಮಿಷ ಕುದಿಸಿಕೊಳ್ಳಿ. ನಂತರ ಕುದಿಯುತ್ತಿರುವ ಮಿಶ್ರಣಕ್ಕೆ ಎರಡು ಟೇಬಲ್ ಸ್ಪೂನ್ ಟೀ ಪುಡಿ ಸೇರಿಸಿ ಮೂರು ನಿಮಿಷಗಳವರೆಗೆ ಕುದಿಸಿಕೊಳ್ಳಬೇಕು.
ತದನಂತರ ಎರಡು ಕಪ್ನಷ್ಟು ಹಾಲು ಸೇರಿಸಬೇಕು. ಹಾಲು ಮಿಕ್ಸ್ ಮಾಡಿದ ಬಳಿಕ ಮೂರು ನಿಮಿಷ ಕುದಿಸಬೇಕು. ಟೀಯನ್ನು ಜರಡಿ ಹಿಡಿದ್ರೆ ಕುಡಿಯಲು ಸಿದ್ಧವಾಗುತ್ತದೆ. ಟೀ ಕುಡಿದ ಮೇಲೆ ಟೇಸ್ಟ್ ಹೇಗಿದೆ ಅಂತಾ ನೋಡಿ..