ದಾಸನ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್; ನವಗ್ರಹ ಚಿತ್ರದ ರೀ-ರಿಲೀಸ್ ಡೇಟ್ ಅನೌನ್ಸ್‌

ನ್ಯೂಸ್ ಆ್ಯರೋ: ದಾಸ ದರ್ಶನ್ ಅಭಿನಯದ ನವಗ್ರಹ ಸಿನಿಮಾ ರೀ-ರಿಲೀಸ್ ಡೇಟ್ ಫಿಕ್ಸ್ ಆಗಿದೆ. ರೀ-ರಿಲೀಸ್ ತಯಾರಿ ಕೂಡ ನಡೆಯುತ್ತಿದೆ. ಪ್ರೆಸ್ ಮೀಟ್ ಮೂಲಕವೇ ಸಿನಿಮಾ ತಂಡ ರೀ-ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ. ಅಂದ್ಹಾಗೆ ಈ ಚಿತ್ರ ನವೆಂಬರ್ ತಿಂಗಳಲ್ಲಿಯೇ ರಿಲೀಸ್ ಆಗುತ್ತಿದೆ. 16 ವರ್ಷದ ಹಿಂದೆ ಬಂದಾಗ ಈ ಸಿನಿಮಾ ನವೆಂಬರ್ 7 ರಂದು ರಿಲೀಸ್ ಆಗಿತ್ತು. ಅದೇ ರೀತಿನೇ ಅದೇ ತಿಂಗಳಲ್ಲಿಯೇ ಈ ಸಲವೂ ನವಗ್ರಹ ಚಿತ್ರವನ್ನ ರೀ-ರಿಲೀಸ್ ಮಾಡಲಾಗುತ್ತಿದೆ.

ಹೌದು, ನವೆಂಬರ್ 8 ರಂದು ನವಗ್ರಹ ರೀ-ರಿಲೀಸ್ ಆಗುತ್ತಿದೆ. ದೊಡ್ಡಮಟ್ಟದಲ್ಲಿಯೇ ಈ ಚಿತ್ರವನ್ನ ರಿಲೀಸ್ ಮಾಡಲಾಗುತ್ತಿದೆ. ತೂಗುದೀಪ ಪ್ರೊಡಕ್ಷನ್ಸ್ ನಿಂದಲೇ ಈ ಚಿತ್ರವನ್ನ ನಿರ್ಮಿಸಲಾಗಿತ್ತು. ಈಗ ಸಿನಿಮಾ ಮತ್ತೊಮ್ಮೆ ರಿಲೀಸ್ ಆಗುತ್ತಿದೆ.

ದರ್ಶನ್ ಅಭಿನಯದ ಈ ಚಿತ್ರಕ್ಕೆ ದಿನಕರ್ ತೂಗುದೀಪ್ ಡೈರೆಕ್ಷನ್ ಮಾಡಿದ್ದರು. ಕಥೆ ಮತ್ತು ಚಿತ್ರಕಥೆಯನ್ನ ಇವರೇ ಮಾಡಿದ್ದರು. ದೊಡ್ಡಮಟ್ಟದಲ್ಲಿಯೇ ಈ ಒಂದು ಚಿತ್ರ ಆಗ ಸದ್ದು ಮಾಡಿತ್ತು. ಈಗ ರೀ-ರಿಲೀಸ್ ಆಗೋ ಮೂಲಕ ಮತ್ತೊಮ್ಮೆ ಸೌಂಡ್ ಮಾಡುತ್ತಿದೆ.

ಚಿತ್ರದಲ್ಲಿ ತರುಣ್ ಸುಧೀರ್, ನಾಗೇಂದ್ರ ಅರಸ್, ಧರ್ಮ ಕೀರ್ತಿರಾಜ್, ದರ್ಶನ್, ಸೃಜನ್ ಲೋಕೇಶ್ ಹೀಗೆ ಒಟ್ಟು 9 ಜನ ಕಲಾವಿದರ ಮಕ್ಕಳು ಅಭಿನಯಿಸಿದ್ದರು. ಹಾಗಾಗಿಯೇ ಈ ಸಿನಿಮಾ ಆಗಲೇ ಹೆಚ್ಚು ಗಮನ ಸೆಳೆದಿತ್ತು.