72ರ ಹರೆಯದ ಪ್ರಿಯತಮನ ವಿರುದ್ಧ ದೂರು ನೀಡಿದ 63ರ ಹರೆಯದ ಅಜ್ಜಿ – ಕಾರಣವೇನು ಗೊತ್ತಾ?

ನ್ಯೂಸ್ ಆ್ಯರೋ‌ : ಇದು ಪ್ರಬುದ್ಧರ ಲವ್ ಸ್ಟೋರಿ. ಆದರೆ ಇದೀಗ 72 ವರ್ಷದ ಲೋಕನಾಥ್ ಮತ್ತು 63ರ ಹರೆಯದ ದಯಾಮಣಿ ಮಧ್ಯದ ಪ್ರೇಮಕಥೆಯಲ್ಲಿ ಟ್ವಿಸ್ಟ್ ಸಿಕ್ಕಿದೆ. ಲೋಕನಾಥ್ ಮದುವೆಯಾಗುವುದಾಗಿ ಹೇಳಿ ಈಗ ಮೋಸ ಮಾಡಿದ್ದಾರೆ ಎಂದು ದಯಾಮಣಿ ಬೆಂಗಳೂರಿನ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.

ಏನಿದು ಘಟನೆ?

ಸಂಗಾತಿಗಳನ್ನು ಕಳೆದುಕೊಂಡ ಲೋಕನಾಥ್ ಮತ್ತು ದಯಾಮಣಿ ಪರಸ್ಪರ ಪರಿಚಿತರಾಗಿದ್ದರು. ಲೋಕನಾಥ್ ಮಗನಿಗೆ ಹೆಣ್ಣು ಹುಡುಕುತ್ತಿದ್ದರು. ಆಗ ದಯಾಮಣಿ ಹೆಣ್ಣು ತೋರಿಸುವುದಾಗಿ ಹೇಳಿದ್ದು ಇಬ್ಬರು ಸ್ನೇಹಿತರಾದರು. ಈ ಸ್ನೇಹ ಪ್ರೀತಿಗೆ ತಿರುಗಿತು. ಬಳಿಕ ಲೋಕನಾಥ್ ಮತ್ತು ದಯಾಮಣಿ ಮದುವೆಯ ನಿರ್ಧಾರಕ್ಕೆ ಬಂದಿದ್ದರು.

ಹೀಗಾಗಿ ಇಬ್ಬರೂ ಜೊತೆಯಾಗಿ ಕರ್ನಾಟಕದ ಪ್ರಸಿದ್ಧ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿದ್ದರು. ಆದರೆ ಅದೇನಾಯ್ತೋ ಗೊತ್ತಿಲ್ಲ ಇತ್ತೀಚೆಗೆ ದಯಾಮಣಿಯನ್ನು ನಿರ್ಲಕ್ಷಿಸಲು ಆರಂಭಿಸಿದ ಏಕನಾಥ್ ಮದುವೆ ಮಾಡಿಕೊಳ್ಳುವುದಿಲ್ಲ ಎಂದು ಹೇಳಿದ್ದರಂತೆ.

ಇದರಿಂದ ಬೇಸತ್ತ ದಯಾಮಣಿ ಪೊಲೀಸ್ ಠಾಣೆಗೆ ಮೊರೆ ಹೋಗಿದ್ದಾರೆ. ಏಕನಾಥ್ ಅದ್ಯಾಕೆ ಹಾಗೆ ಹೇಳಿದರು ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ.