ಇನ್ನು ಮುಂದೆ ಗ್ರಾ.ಪಂ. ಕಾಮಗಾರಿಗಳಿಗೆ ಡಿಜಿಟಲ್ ಪೇಮೆಂಟ್ ಕಡ್ಡಾಯ -ಪಂಚಾಯತ್ ರಾಜ್ ಸಚಿವಾಲಯದ ಸೂಚನೆ
- ಸರ್ಕಾರಿ ಸೇವೆಗಳು
- June 30, 2023
- No Comment
- 155
ನ್ಯೂಸ್ ಆ್ಯರೋ : ಈ ವರ್ಷದ ಸ್ವಾತಂತ್ರ್ಯ ದಿನಾಚರಣೆಯ ಬಳಿಕ ದೇಶಾದ್ಯಂತ ಎಲ್ಲಾ ಗ್ರಾಮ ಪಂಚಾಯತ್ ಗಳು ಅಭಿವೃದ್ದಿ ಕಾರ್ಯಗಳು ಮತ್ತು ಆದಾಯ ಸಂಗ್ರಹಣೆಗೆ ಡಿಜಿಟಲ್ ಪಾವತಿ ಕಡ್ಡಾಯಗೊಳಿಸಬೇಕು ಎಂದು ಪಂಚಾಯತ್ ರಾಜ್ ಸಚಿವಾಲಯ ಸೂಚಿಸಿದೆ.
ಯುಪಿಐ-ಶಕ್ತ
ಡಿಜಿಟಲ್ ಪಾವತಿ ಅಳವಡಿಸಿದ ಗ್ರಾಮ ಪಂಚಾಯತ್ ಗಳನ್ನು ಯುಪಿಐ-ಶಕ್ತ ಎಂದು ಘೋಷಿಸಲಾಗುವುದು. ಈ ಕುರಿತು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸಚಿವಾಲಯ ಪತ್ರ ಬರೆದಿದೆ.
ಆಯಾ ರಾಜ್ಯದ ಮುಖ್ಯಮಂತ್ರಿ, ಸಂಸದರು ಮತ್ತು ಶಾಸಕರಂತಹ ಗಣ್ಯರ ಸಮ್ಮುಖದಲ್ಲಿ ಯುಪಿಐ-ಶಕ್ತ ಗ್ರಾಮ ಪಂಚಾಯತ್ ಗಳನ್ನು ಘೋಷಿಸಬೇಕು ಮತ್ತು ಉದ್ಘಾಟಿಸಬೇಕು ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
ಪಂಚಾಯತ್ ರಾಜ್ ಸಚಿವಾಲಯದ ಕಾರ್ಯದರ್ಶಿ ಸುನಿಲ್ ಕುಮಾರ್ ಮಾತನಾಡಿ, ”ಸುಮಾರು ಶೇ. 98ರಷ್ಟು ಗ್ರಾಮ ಪಂಚಾಯತ್ ಗಳು ಈಗಾಗಲೇ ಯುಪಿಐ ಆಧಾರಿತ ಪಾವತಿಗಳನ್ನು ಬಳಸಲು ಆರಂಭಿಸಿವೆ. ಉಳಿದ ಗ್ರಾಮ ಪಂಚಾಯತ್ ಗಳು ಈ ವಿಧಾನ ಅನುಸರಿಸಲು ಶೀಘ್ರ ಕ್ರಮ ಕೈಗೊಳ್ಳಬೇಕು” ಎಂದು ಹೇಳಿದರು.
