‘ಶಕ್ತಿ ಯೋಜನೆ’: ಮಹಿಳೆಯರಿಗೂ ಇರಲಿದೆ ಟಿಕೆಟ್ – ಫ್ರೀ ಬಸ್ ಪ್ರಯಾಣ, ಆದರೂ ಟಿಕೆಟ್ ಯಾಕೆ?
- ಸರ್ಕಾರಿ ಸೇವೆಗಳು
- June 5, 2023
- No Comment
- 216
ನ್ಯೂಸ್ ಆ್ಯರೋ : ರಾಜ್ಯದಲ್ಲಿ ಭರ್ಜರಿ ಬಹುಮತದೊಂದಿಗೆ ಕಾಂಗ್ರೆಸ್ ಅಧಿಕಾರಕ್ಕೆ ಬರಲು ಚುನಾವಣಾ ಪೂರ್ವದಲ್ಲಿ ಘೋಷಿಸಿದ್ದ 5 ಗ್ಯಾರಂಟಿಯೂ ಒಂದು ಕಾರಣ ಎಂದು ವಿಶ್ಲೇಷಿಸಲಾಗುತ್ತಿದೆ. ಆ 5 ಗ್ಯಾರಂಟಿಯಲ್ಲಿ ಸರಕಾರಿ ಬಸ್ ಗಳಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣದ ‘ಶಕ್ತಿ ಯೋಜನೆ’ಯೂ ಒಂದು.
ಈ ಯೋಜನೆ ಜೂ. 11ರಿಂದ ಜಾರಿಗೆ ತರಲು ರಾಜ್ಯ ಸರಕಾರ ಮುಂದಾಗಿದೆ. ಅದಕ್ಕೆ ಬೇಕಾದ ತಯಾರಿಯೂ ನಡೆಯುತ್ತಿದೆ. ಅಂದು ಸಿಎಂ ಸಿದ್ದರಾಮಯ್ಯ ಮತ್ತು ಸಾರಿಗೆ ಸಚಿವ ರಾಮಲಿಂಗಾ ರೆಡ್ಡಿ ಯೋಜನೆಗೆ ಚಾಲನೆ ನೀಡಲಿದ್ದಾರೆ. ಬಸ್ ಪ್ರಯಾಣದ ವೇಳೆ ಮಹಿಳೆಯರಿಗೆ ಟಿಕೆಟ್ ನೀಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.
ವಿಶೇಷ ಟಿಕೆಟ್
‘ಶಕ್ತಿ ಯೋಜನೆ’ಗಾಗಿಯೇ ವಿಶೇಷ ಟಿಕೆಟ್ ತಯಾರಾಗಿದೆ. ಟಿಕೆಟ್ ಮೇಲೆ ‘ಮಹಿಳಾ ಪ್ರಯಾಣಿಕರ ಉಚಿತ ಚೀಟಿ ಶಕ್ತಿ ಯೋಜನೆ’ ಎಂದು ಮುದ್ರಿಸಲಾಗಿದೆ. ಟಿಕೆಟ್ ನಲ್ಲಿ ಯಾವುದೇ ಬೆಲೆ ನಮೂದಾಗಿಲ್ಲ. ಮಾಮೂಲಿನಂತೆ ಮಹಿಳೆಯರು ಈ ಟೆಕೆಟ್ ಪಡೆದುಕೊಳ್ಳಬೇಕು.
ಷರತ್ತುಗಳೇನು?
ಉಚಿತ ಪ್ರಯಾಣ ಕುರಿತಂತೆ ಸರಕಾರ ಕೆಲವು ಷರತ್ತುಗಳನ್ನು ಹಾಕಿದೆ. ಬಸ್ ಸೇವೆ ರಾಜ್ಯದ ಒಳಗೆ ಮಾತ್ರ ಇರುತ್ತದೆ. ಎಕ್ಸ್ಪ್ರೆಸ್, ಬಿಎಂಟಿಸಿ ಮತ್ತು ಕೆಎಸ್ಆರ್ಟಿಸಿ ಬಸ್ನಲ್ಲಿ ಅವಕಾಶ ಇದೆ. ಎಸಿ, ಐಷಾರಾಮಿ, ರಾಜಹಂಸ ಬಸ್ನಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣ ಸೌಲಭ್ಯ ಇಲ್ಲ.