Jailer Movie : ರಜನಿಕಾಂತ್ ಕೊಟ್ಟ ಗಿಫ್ಟ್ ಪಡೆದ ತಮನ್ನಾ ಫುಲ್ ಖುಷ್ – ‘ಕಾವಾಲ’ ಹಾಡಿಗೆ ಕುಣಿದ ಮಿಲ್ಕಿ ಬ್ಯೂಟಿ ಪಡೆದ ಸಂಭಾವನೆ ಎಷ್ಟು?
- ಮನರಂಜನೆ
- July 22, 2023
- No Comment
- 353
ನ್ಯೂಸ್ ಆ್ಯರೋ : ಸದ್ಯ ತಮಿಳು ಚಿತ್ರ ‘ಜೈಲರ್’ನ ‘ಕಾವಾಲ’ ಹಾಡು ಭಾರೀ ಸದ್ದು ಮಾಡುತ್ತಿದೆ. ತಮನ್ನಾ ಭಾಟಿಯಾ ಮೈ ಚಳಿ ಬಿಟ್ಟು ಕುಣಿದಿರುವ ಹಾಡಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮಾತ್ರವಲ್ಲ ಈ ಹಾಡಿಗೆ ಅನೇಕರು ಸಾಮಾಜಿಕ ಜಾಲತಾಣಗಳಲ್ಲಿ ರೀಲ್ಸ್ ಮಾಡುತ್ತಿದ್ದಾರೆ.
ದುಬಾರಿ ಸಂಭಾವನೆ ಪಡೆದ ತಮನ್ನಾ
ಜೈಲರ್ ಚಿತ್ರದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ನಾಯಕನಾಗಿ ನಟಿಸಿದ್ದಾರೆ. ಮೊದಲ ಬಾರಿ ಅವರ ಜೊತೆ ತೆರೆ ಹಂಚಿಕೊಂಡಿರುವ ತಮನ್ನಾ ಈ ಚಿತ್ರಕ್ಕಾಗಿ ದುಬಾರಿ ಸಂಭಾವನೆಯನ್ನೇ ಪಡೆದಿದ್ದಾರೆ. ಮೂಲವೊಂದರ ಪ್ರಕಾರ ಅವರಿಗೆ 3 ಕೋಟಿ ರೂ. ಸಂಭಾವನೆ ಲಭಿಸಿದೆಯಂತೆ.
ಸೂಪರ್ ಸ್ಟಾರ್ ಕಡೆಯಿಂದ ಉಡುಗೊರೆ
ತಮನ್ನಾಗೆ ರಜನಿಕಾಂತ್ ಉಡುಗೊರೆಯನ್ನೂ ನೀಡಿದ್ದಾರೆ. ಈ ಬಗ್ಗೆ ಸ್ವತಃ ತಮನ್ನಾ ಹೇಳಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ. ”ರಜನಿ ಸರ್ ಸೂಪರ್ ಸ್ಟಾರ್ ಮಾತ್ರವಲ್ಲ ತುಂಬಾ ಒಳ್ಳೆಯ ವ್ಯಕ್ತಿ. ಚಿತ್ರ ಮುಗಿದ ಬಳಿಕ ಅವರು ನನಗೆ ಧಾರ್ಮಿಕ ಪುಸ್ತಕವನ್ನು ಉಡುಗೊರೆಯಾಗಿ ನೀಡಿದರು. ಅದರ ಮೇಲೆ ಅವರ ಹಸ್ತಾಕ್ಷರವೂ ಇದೆ” ಎಂದು ತಮನ್ನಾ ಹೇಳಿದ್ದಾರೆ.
ಶಿವಣ್ಣ ಕೂಡ ನಟನೆ
ನೆಲ್ಸನ್ ನಿರ್ದೇಶನದ ‘ಜೈಲರ್’ ಚಿತ್ರದ ಮೂಲಕ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ತಮಿಳು ಚಿತ್ರರಂಗ ಪ್ರವೇಶಿಸಿದ್ದಾರೆ. ಆಗಸ್ಟ್ 10ರಂದು ತೆರೆ ಕಾಣಲಿರುವ ಚಿತ್ರಕ್ಕೆ ಅನಿರುದ್ಧ್ ರವಿಚಂದರ್ ಸಂಗೀತ ನೀಡಿದ್ದಾರೆ. ಮಲೆಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್ ಕೂಡ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ.