ನಟಿ ರಚಿತಾ ಮಹಾಲಕ್ಷ್ಮಿ ದಾಂಪತ್ಯ ಜೀವನದಲ್ಲಿ ಬಿರುಕು, ಡೈವೋರ್ಸ್ ಪಕ್ಕಾ..!! – ಬಿಗ್ ಬಾಸ್ ಮನೆಯಲ್ಲೇ ಹೊರಬಿತ್ತು ಕಹಿಸತ್ಯ..
- ಮನರಂಜನೆ
- December 22, 2022
- No Comment
- 427
ನ್ಯೂಸ್ ಆ್ಯರೋ : ತಮಿಳಿನ ಬಿಗ್ಬಾಸ್ನಲ್ಲಿ ಸ್ಪರ್ಧಿಯಾಗಿರುವ ಕನ್ನಡತಿ ರಚಿತಾ ಮಹಾಲಕ್ಷ್ಮೀ ಇದೀಗ ವೈಯಕ್ತಿಕ ವಿಷಯಕ್ಕೆ ಸಂಬಂಧಿಸಿದಂತೆ ಸುದ್ದಿಗೆ ಗ್ರಾಸವಾಗಿದ್ದಾರೆ.
ಇವರ ದಾಂಪತ್ಯ ಜೀವನದಲ್ಲಿ ಎಲ್ಲವೂ ಸರಿಯಿಲ್ಲ, ಪತಿ ದಿನೇಶ್ ಗೋಪಾಲಸ್ವಾಮಿಗೆ ಡಿವೋರ್ಸ್ಕೊಡಲಿದ್ದಾರೆ ಎಂಬ ಮಾತುಗಳು ಹರಿದಾಡುತ್ತಿದೆ.
ಕನ್ನಡ ಕಿರುತೆರೆಯಲ್ಲಿ ಮನೆಮಾತಾದ ನಟಿ ರಚಿತಾ ಮಹಾಲಕ್ಷ್ಮಿ ತಮಿಳಿನ ಜನಪ್ರಿಯ ಧಾರಾವಾಹಿಯಾದ `ಪಿರಿವೊಮ್ ಸಂದಿಪ್ಪೊಮ್’ನಲ್ಲಿ ರಚಿತಾ- ದಿನೇಶ್ ಜೋಡಿಯಾಗಿ ನಟಿಸಿದ್ದರು.
ಈ ವೇಳೆ ಇಬ್ಬರಿಗೂ ಪ್ರೀತಿಯಾಗಿ ಗುರುಹಿರಿಯರ ಸಮ್ಮುಖದಲ್ಲಿ 2013ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಮದುವೆಯ ಬಳಿಕ ‘ನಾಚಿಯಾರ್ ಪುರಮ್’ ಸೀರಿಯಲ್ನಲ್ಲೂ ಜೋಡಿಯಾಗಿ ನಟಿಸಿದ್ದರು.
ಇದೀಗ ಕಮಲ್ ಹಾಸನ್ ನೇತೃತ್ವದಲ್ಲಿ ಪ್ರಸಾರವಾಗುತ್ತಿರುವ ಬಿಗ್ ಬಾಸ್ನಲ್ಲಿ ಕನ್ನಡತಿ ರಚಿತಾ 60 ದಿನಗಳನ್ನ ಪೂರೈಸಿದ್ದಾರೆ. ಇನ್ನೂ 40 ದಿನಗಳ ಆಟ ಬಾಕಿಯಿದೆ.
ಇಬ್ಬರ ನಡುವೆ ಹೊಂದಾಣಿಕೆ ಇಲ್ಲದ ಕಾರಣ ಡಿವೋರ್ಸ್ ವಿಷಯವಾಗಿ ರಚಿತಾ ಸುದ್ದಿಯಾಗುತ್ತಿದ್ದಾರೆ. ಇದಕ್ಕೆಲ್ಲ ನಟಿ ಬಿಗ್ಬಾಸ್ನಿಂದ ಬಂದ ಮೇಲೆ ಉತ್ತರಿಸಬೇಕಿದೆ.