ಐಎಎಸ್ ಅಧಿಕಾರಿಯಾದ ಜನಪ್ರಿಯ ಬಾಲನಟಿ – ವಿಷ್ಣುವರ್ಧನ್, ಶಿವಣ್ಣ, ಉಪ್ಪಿ ಜೊತೆ ಅಭಿನಯಿಸಿದ್ದ ಇವರ್ಯಾರು ಗೊತ್ತೆ?

ನ್ಯೂಸ್ ಆ್ಯರೋ‌ : ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ‘ದೊರೆ’ ಸೇರಿದಂತೆ ವಿವಿಧ ಚಿತ್ರಗಳಲ್ಲಿ ಬಾಲನಟಿಯಾಗಿ ಅಭಿನಯಿಸಿದ್ದ ಎಚ್.ಎಸ್.ಕೀರ್ತನಾ ಸದ್ಯ ಮಂಡ್ಯದಲ್ಲಿ ಸಹಾಯಕ ಆಯುಕ್ತರಾಗಿ ಕೆಲಸ ಆರಂಭಿಸಿದ್ದಾರೆ.

ಸತತ ಸಾಧನೆ ಮೂಲಕ ಯಶಸ್ಸು

ಬಾಲನಟಿಯಾಗಿದ್ದ ಕೀರ್ತನಾ 5 ಬಾರಿ ಯು.ಪಿ.ಎಸ್.ಸಿ. ಪರೀಕ್ಷೆ ಬರೆದು ವಿಫಲಗೊಂಡಿದ್ದರು. ಆದರೆ ಭರವಸೆ ಕಳೆದುಕೊಳ್ಳದ ಅವರು 6ನೇ ಪ್ರಯತ್ನದಲ್ಲಿ ತೇರ್ಗಡೆ ಹೊಂದಿದರು.

2011ರಲ್ಲಿ ಕೀರ್ತನಾ ಕರ್ನಾಟಕ ಆಡಳಿತ ಸೇವೆ (ಕೆಎಎಸ್) ಪರೀಕ್ಷೆಗೆ ಹಾಜರಾಗಿದ್ದರು. ಅದರಲ್ಲಿ ತೇರ್ಗಡೆಯಾಗಿ ಎರಡು ವರ್ಷ ಕೆಎಎಸ್ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದರು. 2020ರಲ್ಲಿ 6ನೇ ಬಾರಿ ಪರೀಕ್ಷೆ ಬರೆದು ಅಖಿಲ ಭಾರತ ಶ್ರೇಣಿಯಲ್ಲಿ 167ನೇ ರ್ಯಾಂಕ್ ಪಡೆದು ಐಎಎಸ್ ಅಧಿಕಾರಿಯಾದರು.

ಕೀರ್ತನಾ ಅಭಿನಯದ ಚಿತ್ರಗಳು

ಕೀರ್ತನಾ ಬಾಲನಟಿಯಾಗಿ ‘ಕರ್ಪೂರದ ಗೊಂಬೆ’, ‘ಗಂಗಾ-ಯಮುನಾ’, ‘ಮುದ್ದಿನ ಅಳಿಯ’, ‘ಉಪೇಂದ್ರ’, ‘ಎ’, ‘ಕಾನೂರು ಹೆಗ್ಗಡತಿ’, ‘ಓ ಮಲ್ಲಿಗೆ’, ‘ಲೇಡಿ ಕಮಿಷನರ್’, ‘ಹಬ್ಬ’, ‘ಸಿಂಹಾದ್ರಿ ಸಿಂಹ’ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ರಾಜ್ಯ ಪ್ರಶಸ್ತಿಗೂ ಭಾಜನರಾಗಿದ್ದಾರೆ.