‘ಕೌಸಲ್ಯಾ ಸುಪ್ರಜಾ ರಾಮ’ ಮೊದಲ ವಾರ ಗಳಿಸಿದ್ದೆಷ್ಟು ಕೋಟಿ ಗೊತ್ತಾ? – ನಿರ್ದೇಶಕ ಶಶಾಂಕ್ ಹೇಳಿದ್ದೇನು?
- ಮನರಂಜನೆ
- August 5, 2023
- No Comment
- 123
ನ್ಯೂಸ್ ಆ್ಯರೋ : ಸದ್ಯ ಸ್ಯಾಂಡಲ್ ವುಡ್ ಗೆಲುವಿನ ಹಳಿಗೆ ಮರಳಿದ್ದು, ‘ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ’, ‘ಕೌಸಲ್ಯಾ ಸುಪ್ರಜಾ ರಾಮ’ ಮತ್ತು ‘ಆಚಾರ್ ಆ್ಯಂಡ್ ಕೋ’ ಚಿತ್ರ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಆ ಮೂಲಕ ಸೋತು ಸೊರಗಿದ್ದ ಸ್ಯಾಂಡಲ್ ವುಡ್ ಗೆ ಗೆಲುವಿನ ಕಳೆ ತಂದಿದೆ.
ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿರುವ ‘ಕೌಸಲ್ಯಾ ಸುಪ್ರಜಾ ರಾಮ’
ಕಳೆದ ವಾರ ಬಿಡುಗಡೆಗೊಂಡ ಶಶಾಂಕ್ ನಿರ್ದೇಶನದ ‘ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರಕ್ಕೆ ಎಲ್ಲೆಡೆ ಉತ್ತಮ ಪ್ರತಿಕ್ರಿಯೆ ಲಭಿಸುತ್ತಿದೆ. ಸಾಕಷ್ಟು ಶೋಗಳು ಹೌಸ್ ಆಗಿವೆ. ಹೀಗಾಗಿ ಕಲೆಕ್ಷನ್ ಕೂಡ ಜೋರಾಗಿದೆ.
ಮೊದಲ ವಾರ ಗಳಿಸಿದ್ದೆಷ್ಟು?
‘ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರದ ಮೊದಲ ವಾರದ ಕಲೆಕ್ಷನ್ ಬಗ್ಗೆ ಈಗ ಚರ್ಚೆ ಆರಂಭವಾಗಿದೆ. ಇತ್ತೀಚೆಗೆ ಟ್ವಿಟರ್ ಪೇಜೊಂದರಲ್ಲಿ ಚಿತ್ರದ ಮೊದಲ ವಾರದ ಗಳಿಕೆ 1.65 ಕೋಟಿ ರೂ.ಯಿಂದ 1.85 ಕೋಟಿ ರೂ. ಎಂದು ಉಲ್ಲೇಖಿಸಲಾಗಿತ್ತು. ಈ ಬಗ್ಗೆ ಪ್ರತಿಕ್ರಿಸಿರುವ ಶಶಾಂಕ್, ”ನಿಮಗೆ ಈ ಅಂಕಿ ಅಂಶ ಎಲ್ಲಿಂದ ಸಿಗುತ್ತದೆ ಎಂದು ನನಗೆ ಅಚ್ಚರಿಯಾಗುತ್ತದೆ. ನಿಜವಾಗಿಯೂ ನೀವು ಹೇಳಿದ್ದಕ್ಕಿಂತ ಹೆಚ್ಚು ಗಳಿಕೆ ಮಾಡಿದೆ. ದಯವಿಟ್ಟು ಮನಸ್ಸಿಗೆ ಬಂದಷ್ಟು ಅಂಕಿ ಅಂಶ ಹಾಕಿ ಜನರನ್ನು ತಪ್ಪು ದಾರಿಗೆ ಎಳೆಯಬೇಡಿ” ಎಂದಿದ್ದಾರೆ.
‘ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರದಲ್ಲಿ ಡಾರ್ಲಿಂಗ್ ಕೃಷ್ಣ ನಾಯಕನಾಗಿ ನಟಿಸಿದ್ದು, ನಾಯಕಿಯಾಗಿ ಬೃಂದಾ ಆಚಾರ್ಯ ಮೊದಲ ಬಾರಿ ಅವರಿಗೆ ಜೋಡಿಯಾಗಿದ್ದಾರೆ. ಮುಖ್ಯ ಪಾತ್ರದಲ್ಲಿ ಮಿಲನಾ ನಾಗರಾಜ್, ಸುಧಾ ಬೆಳವಾಡಿ, ರಂಗಾಯಣ ರಘು ಮತ್ತಿತರರು ಕಾಣಿಸಿಕೊಂಡಿದ್ದಾರೆ.