Hindi BIGG BOSS OTT : ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿ ಪೂಜಾ ಭಟ್ ಮೊಬೈಲ್ ಬಳಸಿದ್ರಾ? – ವೈರಲ್ ಫೋಟೋ ಬಗ್ಗೆ ಏನಿದೆ ಮಾಹಿತಿ?
- ಮನರಂಜನೆ
- August 12, 2023
- No Comment
- 131
ನ್ಯೂಸ್ ಆ್ಯರೋ : ಹಿಂದಿಯಲ್ಲಿ ಬಿಗ್ಬಾಸ್ ಒಟಿಟಿ (Bigg Boss OTT) ಎರಡನೇ ಸೀನಸ್ ಚಾಲ್ತಿಯಲ್ಲಿದ್ದು, ಸ್ಪರ್ಧಿಯೊಬ್ಬರು ಮೊಬೈಲ್ ಬಳಸಿರುವ ಆರೋಪ ಹೊರಿಸಲಾಗಿದ್ದು ಬಿಸಿ ಬಿಸಿ ಚರ್ಚೆ ನಡೆಯುತ್ತಿದೆ. ಇದರ ನಡುವೆ ಆರೋಪಕ್ಕೆ ಸಂಬಂಧಿಸಿದಂತೆ ಚಿತ್ರವೊಂದು ಹರಿದಾಡುತ್ತಿದೆ.
ಹಿಂದಿ ಬಿಗ್ ಬಾಸ್ ಒಟಿಟಿ ಸೀಸನ್ ಎರಡರಲ್ಲಿ ನಟಿ ಪೂಜಾ ಭಟ್ ಸ್ಪರ್ಧಿಯಾಗಿ ಭಾಗಿಯಾಗಿದ್ದು, ಬಿಗ್ಬಾಸ್ ಮನೆಯಲ್ಲಿ ಪೂಜಾ ಭಟ್ ಮೊಬೈಲ್ ಬಳಸಿದ್ದಾರೆ ಎನ್ನಲಾಗುತ್ತಿದ್ದು, ಪೂಜಾ ಭಟ್ ತಮ್ಮ ಪಕ್ಕದಲ್ಲಿ ಮೊಬೈಲ್ ಇಟ್ಟುಕೊಂಡು ಸಹ ಸ್ಪರ್ಧಿಯೊಟ್ಟಿಗೆ ಮಾತನಾಡುತ್ತಿರುವ ಫೋಟೊ ಒಂದು ವೈರಲ್ ಆಗಿದೆ.
ಹಿರಿಯ ನಿರ್ದೇಶಕ ಮಹೇಶ್ ಭಟ್ ಪುತ್ರಿ, ಆಲಿಯಾ ಭಟ್ ಸಹೋದರಿ ಆಗಿರುವ ಪೂಜಾ ಭಟ್, ಚಿತ್ರರಂಗದ ಪ್ರಭಾವಿ ಕುಟುಂಬದ ಸದಸ್ಯರಾಗಿದ್ದು, ಇದೇ ಕಾರಣಕ್ಕೆ ಪೂಜಾ ಭಟ್ಗೆ ಬಿಗ್ಬಾಸ್ ಮನೆಯಲ್ಲಿ ಮೊಬೈಲ್ ಬಳಸಲು ಅವಕಾಶ ಮಾಡಿಕೊಡಲಾಗಿದೆ ಎಂಬ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿ ಬಂದಿದೆ.
ಫೋಟೋ ನಕಲಿ..!
ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಪೂಜಾ ಭಟ್ರ ಮೊಬೈಲ್ ಚಿತ್ರ ನಕಲಿ ಆಗಿದೆ. ಯಾರೋ ಪೂಜಾ ಭಟ್ರ ಚಿತ್ರವನ್ನು ಎಡಿಟ್ ಮಾಡಿ ಖಾಲಿ ಜಾಗದಲ್ಲಿ ಮೊಬೈಲ್ ಅನ್ನು ತಂತ್ರಜ್ಞಾನ ಬಳಸಿ ಕೂರಿಸಿ, ಪೂಜಾ ಭಟ್, ಬಿಗ್ಬಾಸ್ ಮನೆಯೊಳಗೆ ಮೊಬೈಲ್ ಬಳಸಿದ್ದಾರೆಂದು ಸುಳ್ಳು ಸುದ್ದಿ ಹಬ್ಬುವಂತೆ ಮಾಡಿದ್ದಾರೆ.
ಈ ಬಗ್ಗೆ ಬಿಗ್ಬಾಸ್ ಖಬ್ರಿ ಸೇರಿದಂತೆ ಇನ್ನೂ ಕೆಲವು ಸಾಮಾಜಿಕ ಜಾಲತಾಣ ಪೇಜ್ಗಳಲ್ಲಿ ಸ್ಪಷ್ಟನೆ ನೀಡಲಾಗಿದ್ದು, ಬಿಗ್ ಬಾಸ್ ಸ್ಪರ್ಧಿಗಳು ಮೊಬೈಲ್ ಬಳಸುತ್ತಾರೆ ಎಂಬ ವಾದಗಳಿಗೆ ಇನ್ನೂ ಸ್ಪಷ್ಟ ಉತ್ತರ ಸಿಕ್ಕಿಲ್ಲ.