ಷೇರು ಮಾರುಕಟ್ಟೆ ಪ್ರವೇಶಿಸಿದ ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ – ಸ್ವತಂತ್ರವಾಗಿ ಖರೀದಿ, ಮಾರಾಟಕ್ಕೂ ಇನ್ನು ಮುಕ್ತ ಅವಕಾಶ
- ವಾಣಿಜ್ಯ ಸುದ್ದಿ
- August 22, 2023
- No Comment
- 64
ನ್ಯೂಸ್ ಆ್ಯರೋ : ರಿಲಯನ್ಸ್ ಇಂಡಸ್ಟ್ರೀಸ್ ನಿಂದ ಬೇರ್ಪಟ್ಟ ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ ಲಿಮಿಟೆಡ್ (ಜೆ.ಎಫ್.ಎಸ್.ಎಲ್.) ಷೇರು ಮಾರುಕಟ್ಟೆಗೆ ಪ್ರವೇಶಿಸಿದೆ. ನಿನ್ನೆಯಿಂದಲೇ ಜೆ.ಎಫ್.ಎಸ್.ಎಲ್. ಷೇರು ಖರೀದಿಸಲು ಮತ್ತು ಮಾರಾಟ ಮಾಡಲು ಸಾಧ್ಯವಾಗಿದೆ.
ಬೆಲೆ ನಿಗದಿ
ಜುಲೈ 20ರಂದು ನಡೆದ ವಿಶೇಷ ಬೆಲೆ ಅನ್ವೇಷಣೆ ಭಾಗವಾಗಿ ಹೊಸ ಸ್ಟಾಕ್ ನ ಪ್ರಿ ಲಿಸ್ಟಿಂಗ್ ಬೆಲೆಯು ಪ್ರತಿ ಷೇರಿಗೆ 261.85 ರೂ. ನಿಗದಿಪಡಿಸಲಾಗಿದೆ. ಎನ್.ಬಿ.ಎಫ್.ಸಿ.ಯ ಷೇರುಗಳನ್ನು ಕಳೆದ ವಾರ 1:1 ಅನುಪಾತದಲ್ಲಿ ಅರ್ಹ ಆರ್.ಐ.ಎಲ್. ಷೇರುದಾರರ ಖಾತೆಗಳಿಗೆ ಜಮೆ ಮಾಡಲಾಗಿದೆ. ರಿಲಯನ್ಸ್ ಇಂಡಸ್ಟ್ರೀಸ್ ನಲ್ಲಿ ಒಂದೇ ಷೇರನ್ನು ಜುಲೈ 20ರ ವರೆಗೆ ಉಳಿಸಿದವರಿಗೆ ಸ್ವಯಂಚಾಲಿತವಾಗಿ ಜೆ.ಎಫ್.ಎಸ್.ಎಲ್. ಷೇರು ಲಭಿಸುತ್ತದೆ.
ಜುಲೈಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಡಿ-ಮರ್ಜರ್ ಘೋಷಿಸಿತ್ತು. ಇದರೊಂದಿಗೆ ಜೆ.ಎಫ್.ಎಸ್.ಎಲ್. ಈ ವಲಯದ 5ನೇ ಅತಿದೊಡ್ಡ ಕಂಪೆನಿಯಾಗಿ ಹೊರ ಹೊಮ್ಮಿದೆ. ಇತ್ತೀಚೆಗೆ ಈ ಕಂಪೆನಿ ಮ್ಯೂಚುವಲ್ ಫಂಡ್ ವಲಯವನ್ನು ಪ್ರವೇಶಿಸಲು ಒಪ್ಪಂದ ಮಾಡಿಕೊಂಡಿತ್ತು.
ರಿಲಯನ್ಸ್ ಸ್ಟಾಟೆಜಿಕ್ ಇನ್ ವೆಸ್ಟ್ ಮೆಂಟ್ ಲಿಮಿಟೆಡ್ (ಆರ್.ಎಸ್.ಐ.ಎಲ್.) ನಿನ್ನೆಯಿಂದ ಆರ್.ಐ.ಎಲ್.ನಿಂದ ಬೇರ್ಪಡಿಸಲಾಗಿದೆ. ಈಗ ಅದರ ಹೆಸರು ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ ಎಂದಾಗಿದೆ.