Paytm ಗೆ ಗುಡ್ ಬೈ ಹೇಳಿದ ಅಲಿಬಾಬ – ಭಾರತೀಯ ಡಿಜಿಟಲ್ ಪೇಮೆಂಟ್ ವೇದಿಕೆಯಿಂದ ಚೀನಾ ಕಂಪನಿ ಔಟ್

Paytm ಗೆ ಗುಡ್ ಬೈ ಹೇಳಿದ ಅಲಿಬಾಬ – ಭಾರತೀಯ ಡಿಜಿಟಲ್ ಪೇಮೆಂಟ್ ವೇದಿಕೆಯಿಂದ ಚೀನಾ ಕಂಪನಿ ಔಟ್

ನ್ಯೂಸ್ ಆ್ಯರೋ : ಫಿನ್ ಟೆಕ್ ಸಂಸ್ಥೆ ಪೇಟಿಎಂನಲ್ಲಿರುವ ತನ್ನ ಎಲ್ಲಾ ಷೇರುಗಳನ್ನು ಚೀನಾದ ಅಲಿಬಾಬ ಗ್ರೂಪ್ ಮಾರಾಟ ಮಾಡಿದೆ. ಇದರಿಂದಾಗಿ ಪೇಟಿಎಂ‌ ಷೇರುಗಳು ಶೇ.7.82ರಷ್ಟು ಕುಸಿದಿದ್ದು, 650.75 ರೂ.ಗೆ ಇಳಿದಿರುವ ಬಗ್ಗೆ ವರದಿಯಾಗಿದೆ.

ಪೇಟಿಎಂನ ಮಾತೃ ಸಂಸ್ಥೆ ಒನ್97 ಕಮ್ಯುನಿಕೇಶನ್ಸ್ ಲಿಮಿಟೆಡ್ ನಲ್ಲಿ ಶೇ.3.4 ರಷ್ಟು ಅಥವಾ 2.1 ಕೋಟಿ ಷೇರುಗಳನ್ನು ಚೀನಾ‌ ಮೂಲದ ಅಲಿಬಾಬ ಹೊಂದಿತ್ತು‌. ಈ ಷೇರುಗಳ ಮಾರುಕಟ್ಟೆ ಮೌಲ್ಯ ಸುಮಾರು 13 ಸಾವಿರ ಕೋಟಿಗಳಷ್ಟಿತ್ತು. ಸದ್ಯ ಈ ಎಲ್ಲ ಷೇರುಗಳನ್ನು ಅಲಿಬಾಬ ಮಾರಾಟ ಮಾಡಿದ್ದು, ಪೇಟಿಎಂನಿಂದ ಹೊರಗುಳಿದಿದೆ.

ಈ ವರ್ಷದ ಜನವರಿಯಲ್ಲಿ ತನ್ನ ಶೇ.6.26 ರಷ್ಟು ಷೇರುಗಳ ಶೇ. 3.1 ರಷ್ಟನ್ನು‌ ಮಾರಾಟ ಮಾಡಿತ್ತು. ಈ ಉಳಿದೆಲ್ಲ ಷೇರುಗಳಿಂದ ಹಿಂದಡಿಯಿಟ್ಟಿದೆ. ಇತ್ತೀಚೆಗಷ್ಟೇ ಅಲಿಬಾಬ ಜೊಮ್ಯಾಟೋ ಹಾಗೂ ಬಿಗ್ ಬ್ಯಾಸ್ಕೆಟ್‌ಗಳಲ್ಲಿಯೂ ತನ್ನ‌ ಪಾಲುದಾರಿಕೆಯನ್ನು ಹಿಂಪಡೆದಿದೆ. ಆ ಮೂಲಕ ಅಲಿಬಾಬ ಭಾರತವನ್ನು‌ ತೊರೆಯಲು ನಿರ್ಧರಿಸಿದಂತಿದೆ.

2023ನೇ ಆರ್ಥಿಕ ವರ್ಷದಲ್ಲಿ ಪೇಟಿಎಂ ಸಂಸ್ಥೆಯ ಆದಾಯ 2,062 ಕೋಟಿ ರೂಪಾಯಿಯಷ್ಟು ಹೆಚ್ಚಾಗಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಇದು 42% ಶೇಕಡಾ ಹೆಚ್ಚಾಗಿದೆ. ಇದರಿಂದಾಗಿ ಪೇಟಿಎಂ‌ ಗಣನೀಯ ಲಾಭ ಕಂಡಿತ್ತು.

ಆದರೆ ಇದೀಗ ಭಾರತೀಯ ಮೂಲದ ಪೇಟಿಎಂ‌ ಸಂಸ್ಥೆಯ ಷೇರು ಪಾಲುದಾರರು ನಷ್ಟದಲ್ಲೇ‌ ಮುಂದುವರೆಯುವಂತಾಗಿದೆ. ಐಪಿಒದಲ್ಲಿ 2,150 ರೂ. ನೀಡಿ ಹೂಡಿಕೆದಾರರು ಷೇರು ಖರೀದಿಸಿದ್ದರು. ಶುಕ್ರವಾರ(ಫೆ.10) ಈ ಷೇರುಗಳು‌ ಸುಮಾರು ಶೇ. 70% ರಷ್ಟು ಕುಸಿದಿದ್ದು, ಷೇರು ದರ 650 ರೂ. ಇತ್ತು ಎಂದು ವರದಿಯಾಗಿದೆ. ಇದರಿಂದಾಗಿ ಜಾಕ್ ಮಾ ನೇತೃತ್ವದ ಅಲಿಬಾಬ ಸಂಸ್ಥೆ ನಷ್ಟದಲ್ಲಿದ್ದು, ಭಾರತೀಯ ವ್ಯವಹಾರದಿಂದ ಹಿಂದಡಿಯಿಡಲು ಸಜ್ಜಾಗಿದೆ ಎನ್ನಲಾಗುತ್ತಿದೆ.

Related post

ದಿನ‌ ಭವಿಷ್ಯ 22-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 22-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷತುಂಬಾ ಚಿಂತೆ ಮಾನಸಿಕ ಶಾಂತಿಗೆ ಭಂಗ ತರಬಹುದು. ಆತಂಕ, ಉದ್ವೇಗದ ಪ್ರತೀ ತುಣುಕೂ ದೇಹದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವುದರಿಂದ ಇದನ್ನು ತಡೆಯಿರಿ. ಬಯಸದೆ ಇರುವ ಯಾವುದೇ ಅತಿಥಿ…
Loksabha Election 2024 : ಇಂದು ಮೊದಲ ಹಂತದ ಮತದಾನ ಆರಂಭ – 102 ಕ್ಷೇತ್ರಗಳಲ್ಲಿ ಅದೃಷ್ಟ ಪರೀಕ್ಷೆಗಿಳಿದ 1625 ಅಭ್ಯರ್ಥಿಗಳು

Loksabha Election 2024 : ಇಂದು ಮೊದಲ ಹಂತದ ಮತದಾನ ಆರಂಭ…

ನ್ಯೂಸ್ ಆ್ಯರೋ : ದೇಶದ ಚುಕ್ಕಾಣಿ ಹಿಡಿಯಲು ಐದು ವರ್ಷಗಳಿಗೊಮ್ಮೆ ನಡೆಯುವ ಲೋಕಸಭಾ ಚುನಾವಣೆಯಲ್ಲಿ ಈ ಬಾರಿಯ 7 ಹಂತದ ಸಾರ್ವತ್ರಿಕ ಲೋಕಸಭೆ ಚುನಾವಣೆಗೆ ಶುಕ್ರವಾರ ಚಾಲನೆ ಸಿಗಲಿದ್ದು,…
ದಿನ‌ ಭವಿಷ್ಯ 19-04-2024 ಶುಕ್ರವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 19-04-2024 ಶುಕ್ರವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷನಿಮ್ಮ ಆಹಾರವನ್ನು ನಿಯಂತ್ರಣದಲ್ಲಿರಿಸಿಕೊಳ್ಳಿ ಮತ್ತು ಫಿಟ್ ಆಗಿ ಉಳಿಯಲು ವ್ಯಾಯಾಮ ಮಾಡಿ. ದಿನದಲ್ಲಿ ನಂತರ ಹಣಕಾಸು ಪರಿಸ್ಥಿತಿಗಳು ಸುಧಾರಿಸುತ್ತವೆ. ಒಂದು ಒಳ್ಳೆಯ ಸುದ್ದಿ ಪಡೆಯುವ ಸಾಧ್ಯತೆಯಿದ್ದು ಇದು ನಿಮ್ಮನ್ನಷ್ಟೇ…

Leave a Reply

Your email address will not be published. Required fields are marked *