ಬರೇ 23 ಲಕ್ಷಕ್ಕೆ ತಯಾರಾಯ್ತು 30 ಕೋಟಿ ರೂಪಾಯಿ ಬೆಲೆಯ ಬುಗಾಟಿ ಕಾರ್ – ಈ ಸ್ಪೋರ್ಟ್ಸ್ ಕಾರ್ ತಯಾರಿಸಿದ್ದು ಯಾರು ಗೊತ್ತಾ?
- ಆಟೋ ನ್ಯೂಸ್
- May 11, 2023
- No Comment
- 608
ನ್ಯೂಸ್ ಆ್ಯರೋ : ಬುಗಾಟಿ ವೆಯ್ರಾನ್ ಜಗತ್ತಿನ ದುಬಾರಿ ಕಾರುಗಳಲ್ಲಿ ಒಂದು. ಅತ್ಯಂತ ವೇಗದಲ್ಲಿ ಸಾಗುವ ಸಾಮರ್ಥ್ಯ ಹೊಂದಿರುವ ಈ ಸ್ಪೋರ್ಟ್ಸ್ ಕಾರು ಕಾಣ ಸಿಗುವುದು ಅಪರೂಪ. ಭಾರತದಲ್ಲಿ ಇವು ಮಾರಾಟವಾಗುವುದಿಲ್ಲ. ಇದೀಗ ವಿಯೆಟ್ನಾಂ ನ ಯುವಕರ ತಂಡ ಕೇವಲ ಒಂದು ವರ್ಷದಲ್ಲಿ ಇಂತಹ ಬುಗಾಟಿ ಕಾರಿನ ಪ್ರತಿಕೃತಿ ರಚಿಸಿ ಗಮನ ಸೆಳೆದಿದೆ.
ಈ ಕಾರಿನ ಕುರಿತಾದ ಮಾಹಿತಿ ಹೊಂದಿದ ವೀಡಿಯೋವನ್ನು ಕೇರಳದ ಯೂ ಟ್ಯೂಬ್ ಚಾನಲ್ ಯಾಸೀನ್ ವ್ಲಾಗ್ಸ್ ನಲ್ಲಿ ಅಪ್ ಲೋಡ್ ಮಾಡಲಾಗಿದೆ. ಸುಮಾರು 30 ಕೋಟಿ ರೂ. ಬೆಲೆಬಾಳುವ ಕಾರಿನ ಪ್ರತಿಕೃತಿ ಇದು ಎಂದು ಯೂಟ್ಯೂಬರ್ ಹೇಳಿದ್ದಾರೆ.
ಜೇಡಿ ಮಣ್ಣಿನಿಂದ ಸುಮಾರು 23 ಲಕ್ಷ ರೂ. ವೆಚ್ಚದಲ್ಲಿ ಈ ಕಾರನ್ನು ತಯಾರಿಸಲಾಗಿದೆ. ಇದರಲ್ಲಿ ಬಳಸಿದ ಎಲ್.ಇ.ಡಿ. ಲೈಟ್ ಗಳನ್ನು ಚೀನಾದಿಂದ ತರಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಆರಂಭದಲ್ಲಿ ಈ ಕಾರು ನೀಲಿ ಬಣ್ಣ ಹೊಂದಿತ್ತು. ಆದರೆ ಫಿನಿಶಿಂಗ್ ಸಿಗದ ಕಾರಣ ಪರ್ಲ್ ವೈಟ್ ಬಣ್ಣ ನೀಡಲಾಯಿತು. ಈ ಕಾರಿನಲ್ಲಿ ಹಳೆಯ ಟೊಯೊಟಾ ಎಂಜಿನ್ ಬಳಸಲಾಗಿದೆ. ವಿಶೇಷ ಎಂದರೆ ರಸ್ತೆಯಲ್ಲಿ ಓಡಿಸಲು ವಿಯೆಟ್ನಾಂ ಸರ್ಕಾರದ ಅನುಮತಿ ಇವರಿಗೆ ಲಭಿಸಿದೆ. ಈ ಕಾರಿಗೆ ಯುವಕರ ತಂಡದ ಯೂ ಟ್ಯೂಬ್ ಚಾನಲ್ NHETTV ಎಂಬ ಹೆಸರಿಡಲಾಗಿದೆ ಎಂದು ವೀಡಿಯೋದಲ್ಲಿ ಮಾಹಿತಿ ನೀಡಲಾಗಿದೆ.