ಮರಿ ಆನೆ ಜೊತೆಗೆ ರೈಲು ಹಳಿ ಕಡೆ ಹೋಗುತ್ತಿದ್ದ ದೊಡ್ಡ ಆನೆ; ದೊಡ್ಡ ದುರಂತದಿಂದ ಪಾರು ಮಾಡಿದ ಎಐ

ಎಐ (Artificial Intelligence) ತಂತ್ರಜ್ಞಾನ ಬಳಕೆಯಿಂದ ದೊಡ್ಡ ದುರಂತವೊಂದು ತಪ್ಪಿಸಲಾಗಿದೆ. ಒಡಿಶಾದ ಸುಂದರ್‌ಗಢ್ ಜಿಲ್ಲೆಯ ರೂರ್ಕೆಲಾ ಅರಣ್ಯದಲ್ಲಿ ಆನೆ ಪ್ರಭೇದಗಳನ್ನು ಉಳಿಸಲು ಪ್ರಯತ್ನಗಳು ನಡೆಯುತ್ತಿವೆ. ಇಲ್ಲಿ AI ಕ್ಯಾಮೆರಾಗಳ ಸಹಾಯದಿಂದ ಆನೆಗಳನ್ನು ಸಂರಕ್ಷಿಸಲಾಗಿದೆ.

ಎರಡು ದೊಡ್ಡ ಆನೆಗಳು ಮತ್ತು ಒಂದು ಮರಿ ಆನೆ ಹಿಂಡು ರುಲಾಚ್ಯಾ ರೈಲು ಹಳಿ ಕಡೆಗೆ ಹೋಗುತ್ತಿದ್ದವು, ಅಲ್ಲಿ ಅವುಗಳಿಗೆ ಬರುತ್ತಿದ್ದ ರೈಲು ಡಿಕ್ಕಿ ಹೊಡೆಯಬಹುದಾಗಿತ್ತು. ಆದರೆ ಎಐ ತಂತ್ರಜ್ಞಾನ ಹೊಂದಿರುವ ಕ್ಯಾಮೆರಾಗಳು ಮತ್ತು ರೈಲ್ವೆ ಮತ್ತು ಅರಣ್ಯ ಇಲಾಖೆಯ ಬುದ್ಧಿವಂತಿಕೆಯಿಂದಾಗಿ ಅಪಘಾತವನ್ನು ತಪ್ಪಿಸಲಾಗಿದೆ.

ನಿವೃತ್ತ ಭಾರತೀಯ ಅರಣ್ಯ ಸೇವೆ ಅಧಿಕಾರಿ ಸುಶಾಂತ್ ನಂದಾ ಅವರು, ಕಾಡಾನೆಗಳು ಹಟ್ಟಿನಾಳ ರೈಲ್ವೆ ಮಾರ್ಗದ ಕಡೆಗೆ ಹೋಗುತ್ತಿರುವ ವಿಡಿಯೋವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದನ್ನು ಗಮನಿಸಿ AI ತಂತ್ರಜ್ಞಾನವು ತಕ್ಷಣವೇ ರೈಲನ್ನು ನಿಯಂತ್ರಿಸಲು ಸಂದೇಶ ನೀಡಿದೆ.

ಲೋಕೋ ಪೈಲಟ್ ಕೂಡಲೇ ರೈಲನ್ನು ನಿಲ್ಲಿಸಿದ್ದಾರೆ. ಈ ಎಐ ಕ್ಯಾಮೆರಾ ಆನೆಗಳ ಚಲನವಲನ ಬಗ್ಗೆ ಸೆರೆಹಿಡಿದಿದೆ. ಹಟ್ಟಿನಾಳಕ್ಕೆ ತಲುಪಿದ ಕೂಡಲೇ ರೈಲು ನಿಲ್ಲಿಸುವಂತೆ ಕಂಟ್ರೋಲ್ ರೂಂಗೆ ಕ್ಯಾಮೆರಾ ಸಂದೇಶ ನೀಡಿತ್ತು. ಇದನ್ನು ನೋಡಿದ ನಂತರ ನನಗೆ ತುಂಬಾ ಸಂತೋಷವಾಯಿತು, ನಮ್ಮಲ್ಲಿ ಅಂತಹ ಪರಿಹಾರವಿದೆ. ಟ್ರ್ಯಾಕ್ ಬಳಿ ಎಐ ತಂತ್ರಜ್ಞಾನ ಹೊಂದಿರುವ ನಾಲ್ಕು ಕ್ಯಾಮೆರಾಗಳಿಂದಾಗಿ ದೊಡ್ಡ ಅಪಘಾತವನ್ನು ತಪ್ಪಿಸಲಾಗಿದೆ ಎಂದು ಬರೆದಿದ್ದಾರೆ.