ಬೆಳಗ್ಗೆಯ ಬಾಯಿ ವಾಸನೆ ತಡೆಯಲು ಇಲ್ಲಿವೆ ಸಿಂಪಲ್ ಟಿಪ್ಸ್; ಯಾಕೆ ಹೀಗೆ ವಾಸನೆ ಬರುತ್ತೆ? ಇದಕ್ಕೆ ಪರಿಹಾರ ಏನು?

ನ್ಯೂಸ್ ಆ್ಯರೋ: ಬೆಳಗ್ಗೆ ಬಹಳಷ್ಟು ಜನಕ್ಕೆ ಬಾಯಿಂದ ವಾಸನೆ ಬರುತ್ತೆ. ರಾತ್ರಿ ಊಟ ಕೂಡ ಇದಕ್ಕೆ ಕಾರಣ ಅಂತಾರೆ ತಜ್ಞರು. ಆದ್ರೆ ಪ್ರತಿದಿನ ಹೀಗೆ ಆದ್ರೆ, ಕೆಲವರು ಬಾಯಿ ವಾಸನೆ ಬಗ್ಗೆ ತಲೆಕೆಡಿಸಿಕೊಳ್ಳದೆ ಬ್ರಷ್ ಮಾಡ್ತಾರೆ. ಆದ್ರೆ ಬಾಯಿಂದ ಯಾಕೆ ವಾಸನೆ ಬರುತ್ತೆ ಅಂತ ತಿಳ್ಕೊಳ್ಳೋದು ಮುಖ್ಯ.

ಬೆಳಗ್ಗೆ ಬಾಯಿ ವಾಸನೆ ಯಾಕೆ?

ನಿದ್ದೆಯಿಂದ ಎದ್ದ ತಕ್ಷಣ ಬಹಳಷ್ಟು ಜನಕ್ಕೆ ಬಾಯಿಂದ ವಾಸನೆ ಬರುತ್ತೆ. ನಾವು ನಿದ್ರಿಸುವಾಗ ಲಾಲಾರಸ ಉತ್ಪತ್ತಿ ಕಡಿಮೆ ಆಗುತ್ತೆ. ಇದರಿಂದಲೂ ಬಾಯಿ ವಾಸನೆ ಬರಬಹುದು.

ಲಾಲಾರಸದ ಕೊರತೆಯಿಂದ ರಾತ್ರಿ ಬಾಯಿ ಒಣಗುತ್ತೆ. ಬಾಯಿ ತೆರೆದು ಮಲಗಿದ್ರೆ ಈ ಸಮಸ್ಯೆ ಜಾಸ್ತಿ ಆಗುತ್ತೆ ಅಂತಾರೆ ತಜ್ಞರು. ಬಾಯಿಂದ ಉಸಿರಾಡೋದ್ರಿಂದ ಬಾಯಿ ಒಣಗುತ್ತೆ. ಇದರಿಂದ ಉಸಿರಾಟದ ತೊಂದರೆ ಹೆಚ್ಚಾಗುತ್ತೆ. ರಾತ್ರಿ ಬಾಯಿ ಒಣಗೋದು ಸಹಜ. ಆದ್ರೆ ಬಾಯಿ ವಾಸನೆಗೆ ಬೇರೆ ಕಾರಣಗಳೂ ಇವೆ.

ಪರಿಹಾರ ಏನು?

ನಾಲಿಗೆ ಬ್ರಷ್ ಮಾಡಿದ್ರೂ ಬಾಯಿ ವಾಸನೆ ಇದ್ರೆ, ದಿನಾ ಒಮ್ಮೆ ಮೌತ್ ವಾಶ್, ಫ್ಲೋಸ್ ಉಪಯೋಗಿಸಿ. ನಾಲಿಗೆ ಕ್ಲೀನ್ ಮಾಡಿ. ನಾಲಿಗೆ ಮೇಲೆ ವಾಸನೆ ಉಂಟುಮಾಡುವ ಬ್ಯಾಕ್ಟೀರಿಯಾ ಇರುತ್ತೆ. ಬಾಯಿ ವಾಸನೆ ತಡೆಯಲು ಹಲ್ಲುಜ್ಜುವುದರ ಜೊತೆಗೆ ನಾಲಿಗೆ ಕೂಡ ಸ್ವಚ್ಛಗೊಳಿಸಿ.

ದೇಹಕ್ಕೆ ನೀರು ಅತ್ಯಗತ್ಯ. ಹೆಚ್ಚು ನೀರು ಕುಡಿಯಿರಿ. ನೀರು ಕುಡಿದರೆ ಹೊಟ್ಟೆ ಸ್ವಚ್ಛವಾಗುತ್ತದೆ. ಲಾಲಾರಸ ಉತ್ಪತ್ತಿ ಹೆಚ್ಚಾಗುತ್ತದೆ. ಬಾಯಲ್ಲಿ ಬ್ಯಾಕ್ಟೀರಿಯಾ ಕಡಿಮೆಯಾಗುತ್ತದೆ. ಇದರಿಂದ ಬಾಯಿ ವಾಸನೆ ಕಡಿಮೆಯಾಗುತ್ತದೆ. ಬಾಯಿ ವಾಸನೆ ಬೇಡ ಅಂದ್ರೆ ಟೀ, ಕಾಫಿ, ಸೋಡಾ, ಜ್ಯೂಸ್ ಅಥವಾ ಆಲ್ಕೋಹಾಲ್‌ನಂತಹ ಪಾನೀಯಗಳಿಂದ ದೂರವಿರಿ.

ಕೆಲವು ಆಹಾರಗಳನ್ನು ತಿಂದರೆ ಬಾಯಿ ವಾಸನೆ ಕಡಿಮೆಯಾಗುತ್ತದೆ. ಸ್ವೀಟ್ಸ್ ತಿನ್ನುವುದು ಅಥವಾ ಸಕ್ಕರೆ ರಹಿತ ಗಮ್ ಅಗಿಯುವುದರಿಂದ ಬಾಯಿಯಿಂದ ರಸಗಳು ಬಿಡುಗಡೆಯಾಗುತ್ತದೆ. ಬಾಯಿ ಸೋಂಕುಗಳಿಂದಲೂ ಬಾಯಿ ವಾಸನೆ ಬರಬಹುದು. ಹಾಗಾಗಿ ಯಾವುದೇ ಬಾಯಿ ಸೋಂಕು ಇದ್ದರೆ ತಕ್ಷಣ ಚಿಕಿತ್ಸೆ ಪಡೆಯಿರಿ.

ವಾಸನೆ ಉಂಟುಮಾಡುವ ಬ್ಯಾಕ್ಟೀರಿಯಾ ಸೋಂಕಿನಿಂದ ನಾಲಿಗೆ ಮೇಲೆ ಬೇಗ ಬೆಳೆಯುತ್ತದೆ. ಇದರಿಂದ ಬಾಯಿ ವಾಸನೆ ಬರುತ್ತಿದ್ದರೆ ಚಿಕಿತ್ಸೆ ಪಡೆದರೆ ಸಮಸ್ಯೆ ಪರಿಹಾರವಾಗುತ್ತದೆ. ನೈಸರ್ಗಿಕ ಮತ್ ಫ್ರೆಷನರ್‌ ಆದ ಒಣಗಿದ ನೆಲ್ಲಿಕಾಯಿಯಂಥವು ಬಾಯಿಯ ದುರ್ವಾಸನೆಯನ್ನು ಹೋಗಲಾಡಿಸುತ್ತದೆ.

ಬಾಯಿಯ ದುರ್ವಾಸನೆ ತಡೆಯಲು ನಿಯಮಿತವಾಗಿ ದಂತ ಪರೀಕ್ಷೆ ಮಾಡಿಸಿಕೊಳ್ಳುವುದು ಅತೀ ಅಗತ್ಯ. ಒಸಡಿನ ಸಮಸ್ಯೆ ಅಥವಾ ದಂತಕುಳಿಯ ಬಗ್ಗೆ ದಂತ ವೈದ್ಯರು ಸರಿಯಾಗಿ ತಪಾಸಣೆ ಮಾಡಿಕೊಂಡು ಮಾಹಿತಿ ನೀಡುವರು.

ನಿಯಮಿತವಾಗಿ ಹಲ್ಲುಗಳನ್ನು ಶುಚಿ ಮಾಡಿಸಿಕೊಳ್ಳುತ್ತಿದ್ದರೂ ಅದು ಬಾಯಿಯಲ್ಲಿ ನಿರ್ಮಾಣವಾಗಿರುವ ಪದರ ಮತ್ತು ಬ್ಯಾಕ್ಟೀರಿಯಾವನ್ನು ದೂರ ಮಾಡುವುದು. ಬಾಯಿಯ ಆರೋಗ್ಯವು ಉತ್ತಮವಾಗಿದ್ದರೆ ಆಗ ತಾಜಾ ಉಸಿರು ಬರುವುದು ಮತ್ತು ಇದರಿಂದ ಆತ್ಮವಿಶ್ವಾಸವು ಹೆಚ್ಚಾಗುತ್ತದೆ. ಬಾಯಿಯ ದುರ್ವಾಸನೆ ತಡೆಯಲು ಮನೆಮದ್ದುಗಳು ತುಂಬಾ ಪರಿಣಾಮಕಾರಿ ಹಾಗೂ ಸುರಕ್ಷಿತ. ಇದನ್ನು ಬಳಸಿಕೊಂಡರೆ ಆಗ ಬಾಯಿಯ ದುರ್ವಾಸನೆ ಯನ್ನು ದೂರ ಮಾಡಿಕೊಂಡು, ಒಳ್ಳೆಯ ತಾಜಾತನ ಪಡೆಯಬಹುದು.

ಆರೋಗ್ಯಕಾರಿ ಆಹಾರ ಸೇವಿಸಿ:
ಆಹಾರವು ಬಾಯಿಯ ಆರೋಗ್ಯಕ್ಕೂ ಅತೀ ಮುಖ್ಯ. ವಿಟಮಿನ್ ಹಾಗೂ ಖನಿಜಾಂಶಗಳು ಇರುವ ಆಹಾರಗಳನ್ನು ಸೇವನೆ ಮಾಡಿದರೆ, ಆಗ ಇದು ಬಾಯಿಯ ಆರೋಗ್ಯಕ್ಕೆ ಬೇಕಾಗಿರುವ ಪೋಷಕಾಂಶಗಳನ್ನು ಒದಗಿಸುವುದು. ಅಧಿಕ ನಾರಿನಾಂಶವು ಇರುವ ಹಣ್ಣುಗಳು ಮತ್ತು ತರಕಾರಿಗಳು ಕೂಡ ಬಾಯಿಯಲ್ಲಿ ಲಾಲಾರಸವನ್ನು ಹೆಚ್ಚಿಸಬಹುದು. ಆಹಾರದ ಕಣಗಳು ಮತ್ತು ಬ್ಯಾಕ್ಟೀರಿಯಾವನ್ನು ಇದು ದೂರ ಮಾಡುವುದು. ಬೆಳ್ಳುಳ್ಳಿ, ಈರುಳ್ಳಿ ಮತ್ತು ಇದರ ಘಾಟು ಆಹಾರಗಳ ಸೇವನೆ ಕಡಿಮೆ ಮಾಡಿ.