ವಾಟ್ಸಾಪ್ ಸ್ಟೇಟಸ್ ಗೆ ನಿಮ್ಮದೇ ವಾಯ್ಸ್ ರೆಕಾರ್ಡ್ ಹಾಕಬಹುದು – ಹೇಗೆ ಗೊತ್ತಾ?

ನ್ಯೂಸ್ ಆ್ಯರೋ‌ : ಪ್ರಪಂಚದಾದ್ಯಂತ ಕೋಟಿಗಟ್ಟಲೆ ಬಳಕೆದಾರರನ್ನು ಹೊಂದಿರುವ ಅತ್ಯಂತ ಜನಪ್ರಿಯ ಮೆಸೇಜಿಂಗ್ ಆ್ಯಪ್ ವಾಟ್ಸಾಪ್ ಆಗಾಗ ಹೊಸ ಹೊಸ ಫೀಚರ್ ಪರಿಚಯಿಸಿ ಗ್ರಾಹಕ ಸ್ನೇಹಿ ಎನಿಸಿಕೊಂಡಿದೆ. ವಾಟ್ಸಾಪ್ ಸ್ಟೇಟಸ್ ಗೆ ವಾಯ್ಸ್ ಅಳವಡಿಸುವ ಫೀಚರ್ ಅನ್ನು ಎಲ್ಲಾ ಬಳಕೆದಾರರಿಗೆ ಮುಕ್ತಗೊಳಿಸಿ ಬಹು ಕಾಲದ ಬೇಡಿಕೆಯನ್ನು ವಾಟ್ಸಾಪ್ ಈಡೇರಿಸಿದೆ.

ಬಳಕೆದಾರರು ತಮ್ಮದೇ ವಾಯ್ಸ್ ರೆಕಾರ್ಡ್ ಮಾಡಿ ಸ್ಟೇಟಸ್‌ನಲ್ಲಿ ಹಾಕಬಹುದು. ಆರಂಭಿಕ ಹಂತದಲ್ಲಿ ಬಿಟಾ ವರ್ಶನ್‌ನಲ್ಲಿದ್ದ ಈ ಫೀಚರ್, ಇದೀಗ ಎಲ್ಲಾ ಬಳಕೆದಾರರಿಗೆ ಲಭ್ಯವಿದೆ.

ವಾಯ್ಸ್ ಸ್ಟೇಟಸ್ ಹಾಕುವ ವಿಧಾನ ಹೀಗಿದೆ..

ವಾಟ್ಸಾಪ್ ತೆರೆದು ಸ್ಟೇಟಸ್ ಟ್ಯಾಬ್‌ ಕ್ಲಿಕ್ ಮಾಡಿ. ಬಳಿಕ ಸ್ಟೇಟಸ್ ಟ್ಯಾಬ್‌ನಲ್ಲಿರುವ ಪೆನ್ಸಿಲ್ ಐಕಾನ್ ಕ್ಲಿಕ್ ಮಾಡಿ. ಬಳಿಕ ಇಲ್ಲಿರುವ ಮೈಕ್ರೋಫೋನ್ ಬಟಲ್ ಒತ್ತಿ ಹಿಡಿದು ನಿಮ್ಮ ಧ್ವನಿ ರೆಕಾರ್ಡ್ ಮಾಡಿ. ಮೈಕ್ರೋಫೋನ್ ಬಟನ್ ರಿಲೀಸ್ ಮಾಡಿ, ಸ್ಟೇಟಸ್‌ಗೆ ವಾಯ್ಸ್ ಆ್ಯಡ್ ಮಾಡಿ.

30 ಸೆಕೆಂಡ್‌ ಮಿತಿ

ಗಮನಿಸಬೇಕಾದ ಅಂಶ ಎಂದರೆ ವಾಯ್ಸ್ ಸ್ಟೇಟಸ್‌ನಲ್ಲಿ 30 ಸೆಕೆಂಡ್‌ಗಿಂತ ಹೆಚ್ಚು ದೀರ್ಘವಾಗಿರುವ ವಾಯ್ಸ್ ರೆಕಾರ್ಡ್ ಮಾಡಿ ಹಾಕಲು ಸಾಧ್ಯವಿಲ್ಲ. ಅಂದರೆ ಸ್ಟೇಟಸ್ ಗೆ ಹಾಕುವ ವಾಯ್ಸ್ ನೋಟ್ 30 ಸೆಕೆಂಡ್ ಒಳಗಿರಬೇಕು.

ಇತ್ತೀಚಿಗಿನ ಇತರ ಫೀಚರ್ಸ್ ಹೀಗಿವೆ..

ಇದೀಗ ಬಳಕೆದಾರರು ಗ್ರೂಪ್‌ನಲ್ಲಿರುವ ಎಲ್ಲಾ ಸದಸ್ಯರ ಬದಲು ಆಯ್ದ ಸದಸ್ಯರಿಗೆ ಕಾಲ್ ಮಾಡಬಹುದಾಗಿದೆ. ಮೆಸೇಜನ್ನು ಎಡಿಟ್ ಮಾಡಲು ಅವಕಾಶ ನೀಡಿದೆ. ತಾವು ಕಳುಹಿಸಿದ ಸಂದೇಶವನ್ನು 15 ನಿಮಿಷದೊಳಗೆ ಎಡಿಟ್ ಮಾಡಬಹುದು. ಚಾಟ್ ಲಾಕ್ ಫೀಚರ್ಸ್ ಕೂಡ ಹೊಸದಾಗಿ ಸೇರಿದೆ. ಸಂದೇಶಗಳನ್ನು ಚಾಟ್ ಲಾಕ್ ಫೀಚರ್ ಮೂಲಕ ಪ್ರೈವೇಟ್ ಮಾಡಲು ಸಾಧ್ಯವಿದೆ. ಚಾಟ್ ಲಾಕ್ ಮಾಡಿದ ಸಂದೇಶಗಳು ಯಾರಿಗೂ ಕಾಣಿಸುವುದಿಲ್ಲ. ವಾಟ್ಸಾಪ್ ಒಪನ್ ಆಗಿದ್ದರೂ ಲಾಕ್ ಆಗಿರುವ ಸಂದೇಶಗಳು ಕಾಣಿಸುವುದಿಲ್ಲ. ಫಿಂಗರ್ ಪ್ರಿಂಟ್ ಲಾಕ್ ಮೂಲಕ ಒಪನ್ ಮಾಡಿದರೆ ಲಾಕ್ ಆಗಿರುವ ಮೆಸೇಜ್ ಪ್ರತ್ಯೇಕ ಫೋಲ್ಡರ್‌ನಲ್ಲಿ ಕಾಣಿಸಲಿದೆ.