ಇನ್ಮುಂದೆ ದೊರೆಯಲಿದೆ ವಿದೇಶಗಳಲ್ಲೂ ಪಾವತಿ ಸೌಲಭ್ಯ ಫೋನ್ ಪೇ ಬಳಕೆದಾರರಿಗೆ ಗುಡ್ ನ್ಯೂಸ್

ನ್ಯೂಸ್ ಆ್ಯರೋ : ಡಿಜಿಟಲೀಕರಣ ಹೆಚ್ಚಾದ ಮೇಲೆ ಪ್ರಪಂಚದಾದ್ಯಂತ ಜೇಬಿನಲ್ಲಿ ಹಣ ಇಟ್ಟುಕೊಳ್ಳುವವರ ಸಂಖ್ಯೆ ಕಡಿಮೆಯಾಗಿದೆ. ಹೆಚ್ಚಿನವರು ಮೊಬೈಲ್ ಬ್ಯಾಂಕಿಂಗ್ ಮೂಲಕವೇ ವ್ಯವಹಾರ ನಡೆಸುತ್ತಾರೆ. ಅದಕ್ಕಾಗಿ ಫೋನ್‌ ಪೇ, ಗೂಗಲ್ ಪೇ, ಪೇಟಿಯಂ ಇತ್ಯಾದಿಗಳನ್ನು‌ ಬಳಸುತ್ತಾರೆ. ಇದೀಗ ಫೋನ್ ಪೇ ಬಳಸುವವರಿಗೆ ಒಂದು ಗುಡ್ ನ್ಯೂಸ್ ರೆಡಿಯಾಗಿದೆ‌. ಇನ್ಮುಂದೆ ಫೋನ್ ಪೇ‌ ಮೂಲಕ ವಿದೇಶಗಳಲ್ಲೂ ಪಾವತಿ ಸೌಲಭ್ಯ ದೊರೆಯಲಿದೆ.

ಭಾರತದ ಅತಿ ದೊಡ್ಡ ಡಿಜಿಟಲ್ ಪಾವತಿ ವೇದಿಕೆಯಾದ ಫೋನ್ ಪೇ ವಿದೇಶಗಳಲ್ಲಿಯೂ ತನ್ನ ಸೇವೆ ಆರಂಭಿಸಿದೆ. ಯುಪಿಐ ಆಧಾರಿತ ಹಣ ವರ್ಗಾವಣೆ ಆಪ್ ಫೋನ್ ಪೇ ವಿದೇಶದಲ್ಲೂ ಹಣ ಪಾವತಿಸುವ ವೈಶಿಷ್ಟವನ್ನು ಬಳಕೆದಾರರಿಗೆ ಪರಿಚಯಿಸಿದೆ. ಈ ಮಾದರಿಯ ಸೇವೆ ಒದಗಿಸುತ್ತಿರುವ ದೇಶದ ಮೊದಲ ಆ್ಯಫ್ ಎಂಬ ಹಿರಿಮೆಗೆ ಫೋನ್ ಪೇ ಪಾತ್ರವಾಗಿದೆ.

ಅಂತರರಾಷ್ಟ್ರೀಯ ಡೆಬಿಟ್ ಕಾರ್ಡ್ ರೀತಿಯಲ್ಲಿಯೇ ಫೋನ್ ಪೇ ಇನ್ನುಮುಂದೆ ಕಾರ್ಯ ನಿರ್ವಹಿಸಲಿದೆ. ಈ ಅಪ್ಲಿಕೇಶನ್ ಬಳಸಿ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ ವಿದೇಶಗಳಲ್ಲಿ ಹಣ ಪಾವತಿಸಿದಾಗ ಅಲ್ಲಿನ ಹಣದ ಮೌಲ್ಯವೇ ಸಂದಾಯವಾಗುತ್ತದೆ. ಇದರಿಂದ ವಿದೇಶಿ ಪ್ರಯಾಣ ಕೈಗೊಳ್ಳುವ ಭಾರತೀಯರಿಗೆ ಅನುಕೂಲವಾಗಲಿದೆ.

ಆರಂಭಿಕವಾಗಿ ಸಿಂಗಾಪುರ, ಮಾರಿಷಸ್, ನೇಪಾಳ, ಯುಎಇ ಹಾಗೂ ಭೂತಾನ್ ದೇಶಗಳಲ್ಲಿ ಈ ಸೌಲಭ್ಯ ಕಲ್ಪಿಸಲಾಗಿದ್ದು ಮುಂದಿನ ದಿನಗಳಲ್ಲಿ ಭಾರತದಲ್ಲೂ ಜಾರಿಯಾಗಲಿದೆ ಎಂಬ ಮಾಹಿತಿಯಿದೆ.