ನಡುರಾತ್ರಿ ಪ್ರಿಯತಮೆಯ ಮನೆಗೆ ಬಂದ ಪ್ರಿಯಕರ; ಯವಕನನ್ನು ಚಡ್ಡಿಯಲ್ಲಿ ಮರಕ್ಕೆ ಕಟ್ಟಿಹಾಕಿ ಬೆನ್ನು ಪೊಡಿ ಮಾಡಿದ ಐವರು

ನ್ಯೂಸ್ ಆ್ಯರೋ: ಪ್ರೇಯಸಿಯ ಮನೆಗೆ ಬಂದಿದ್ದಂತ ಯುವಕನನ್ನು ಗ್ರಾಮದ ಯುವಕರು ಕಂಬಕ್ಕೆ ಕಟ್ಟಿಹಾಕಿ, ಅರೆಬೆತ್ತಲೆಗೊಳಿಸಿ ಮನಬಂದಂತೆ ಹಲ್ಲೆ ಮಾಡಿರುವಂತ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲ್ಲೂಕಿನ ಸಜಿಪನಡು ಗ್ರಾಮದಲ್ಲಿ ನಡೆದಿದೆ.

ಕಳೆದ ಎರಡು ದಿನಗಳ ಹಿಂದೆ ಬೆಂಗೆರೆಯ ನಿವಾಸಿಯಾಗಿದ್ದಂತ ಮೊಹಮ್ಮದ್ ಮುಸ್ತಾಫಾ ಗೆ ಸಜಿಪನಡುವಿನ ಯುವತಿ ಪರಿಚಯವಾಗಿದ್ದ ಕಾರಣ, ಅವರ ಮನೆಗೆ ತೆರಳಿದ್ದ ಸಂದರ್ಭದಲ್ಲಿ ಯುವಕರ ಗುಂಪೊಂದು ಮುಸ್ತಾಫಾನನ್ನು ಹಿಡಿದು ಅರೆಬೆತ್ತಲೆಗೊಳಿಸಿ, ಮರಕ್ಕೆ ಕಟ್ಟಿ ಹಾಕಿ ರಕ್ತ ಬರುವಂತೆ ಮನಸೋ ಇಚ್ಛೆ ಹಲ್ಲೆ ಮಾಡಿದ್ದಾರೆ.

ಹಲ್ಲೆಗೊಳಗಾದಂತ ಯುವಕ ಪೊಲೀಸ್ ಠಾಣೆಗೆ ತೆರಳಿ ಈ ಸಂಬಂಧ ದೂರು ನೀಡಿದ್ದಾನೆ. ಕಳೆದ 2 ದಿನಗಳ ಹಿಂದೆ ನಡೆದಂತ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಇನ್ನು ಕೃತ್ಯ ಎಸಗಿದ 6 ಮಂದಿಯನ್ನು ಪೊಲೀಸರು ವಶಕ್ಕೆ ಪಡೆದಿರುವುದಾಗಿ ವರದಿಯಾಗಿದೆ. ಈ ಕುರಿತು ಬಂಟ್ವಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮತ್ತಷ್ಟು ತನಿಖೆ ನಡೆಸುತ್ತಿದ್ದಾರೆ.