ಮಹಿಳಾ ಪ್ರೀಮಿಯರ್ ಲೀಗ್​​ನಲ್ಲಿ ಆರ್​​ಸಿಬಿ ಬಿಗ್ ಡೀಲ್; ಹರಾಜಿನಲ್ಲಿ ಮತ್ತೆ ನಾಲ್ವರು ಸ್ಟಾರ್​​​ಗಳ ಖರೀದಿ

ನ್ಯೂಸ್ ಆ್ಯರೋ: WPL 2025 ಹರಾಜಿನಲ್ಲಿ ಆರ್​​ಸಿಬಿ ಹೊಸದಾಗಿ ಒಟ್ಟು ನಾಲ್ಕು ಆಟಗಾರರನ್ನು ಖರೀದಿ ಮಾಡಿದೆ. ಆ ಮೂಲಕ ಮುಂಬರುವ ಐಪಿಎಲ್​​ನಲ್ಲಿ ಮತ್ತೆ ಕಪ್ ಎತ್ತಲು ಬಲಿಷ್ಠ ತಂಡವನ್ನು ಕಟ್ಟಿದೆ.

ಪ್ರೇಮ ರಾವತ್ ಅವರನ್ನು 1.20 ಕೋಟಿ ರೂಪಾಯಿಗೆ ಖರೀದಿ ಮಾಡಿದೆ. ಜೋಶಿತಾ ವಿಜೆ ಅವರನ್ನು 10 ಲಕ್ಷಕ್ಕೆ ಖರೀದಿಸಿದ್ರೆ, ಜಾಗ್ರವಿ ಪವಾರ್, ರಾಘ್ವಿ ಬಿಸ್ತ್​ ಅವರನ್ನು ತಲಾ 10 ಲಕ್ಷ ರೂಪಾಯಿಗೆ ಆರ್​​ಸಿಬಿ ಖರೀದಿ ಮಾಡಿದೆ. ಈ ಹರಾಜಿನಲ್ಲಿ ಒಟ್ಟು 19 ಆಟಗಾರ್ತಿಯರು ಮಾರಾಟವಾಗಿದ್ದಾರೆ.

ಸಮೀರನ್ ಶೇಖ್ 1.90 ಕೋಟಿಗೆ ಗುಜರಾತ್ ಟೈಟನ್ಸ್ ಖರೀದಿ ಮಾಡಿತು. ಇವರೇ ಅತ್ಯಧಿಕ ಮೊತ್ತಕ್ಕೆ ಸೇಲ್ ಆದ ಆಟಗಾರ್ತಿ. ಇನ್ನು ಟೀಂ ಇಂಡಿಯಾ ಸೂಪರ್ ಸ್ಟಾರ್ ಸ್ನೇಹಾ ರಾಣ ಅನ್​ಸೋಲ್ಡ್ ಆಗಿ ಅಚ್ಚರಿ ಮೂಡಿಸಿದರು.

ಈ ಬಾರಿಯ ಬೆಂಗಳೂರು ತಂಡ: ಸ್ಮೃತಿ ಮಂದಾನ (ಕ್ಯಾಪ್ಟನ್), ಮೇಘನಾ, ಪೆರಿ, ರಿಚಾ, ವರೆಹಮ್, ಶ್ರೇಯಾಂಕ ಪಾಟೀಲ್, ಅಶಾ ಶೋಭನಾ, ಡಿವೈನ್, ರೇಣುಕಾ ಸಿಂಘ್, ಶೋಫಿ ಎಂ, ಎಕ್ತ ಬಿಶ್ಟ್, ಕೇಟ್ ಕ್ರಾಸ್, ಕನಿಕಾ, Wyatt-Hodge ಇವರುಗಳನ್ನು ಆರ್​ಸಿಬಿ ರಿಟೈನ್ಡ್​ ಮಾಡಿಕೊಂಡಿತ್ತು. ಇದೀಗ ತಂಡಕ್ಕೆ ಹೊಸದಾಗಿ ಜೋಶಿತಾ, ಜಾಗ್ರವಿ, ರಾಘ್ವಿ, ಪ್ರಮ ರಾವತ್​ ಸೇರಿದ್ದಾರೆ.