This little animal carved with its mouth and felled a tree

ಈ ಚಿಕ್ಕ ಪ್ರಾಣಿ ಬಾಯಿಯಿಂದಲೇ ಕೆತ್ತಿ ಮರವನ್ನೇ ಉರುಳಿಸಿತು! – ನಿಬ್ಬೆರಗಾಗಿಸೋ ಈ ವಿಡಿಯೋ ನಿಮಗಾಗಿ…

ನ್ಯೂಸ್ ಆ್ಯರೋ : ಭಗವಂತ ಪ್ರತಿಯೊಂದು ಪ್ರಾಣಿಗೂ ಒಂದೊಂದು ಶಕ್ತಿ ನೀಡುತ್ತಾನೆ ಅನ್ನುವ ಮಾತಿದೆ. ಸದ್ಯ, ಇಲ್ಲೊಂದು ಸೌಮ್ಯ ಸ್ವಭಾವದ ಪುಟ್ಟ ಪ್ರಾಣಿಯಿದೆ. ಆದರೆ ಇದಕ್ಕಿರುವ ಶಕ್ತಿಯನ್ನು ನೋಡಿದರೆ ನೀವು ಆಶ್ಚರ್ಯ ಪಡೋದು ಗ್ಯಾರಂಟಿ. ನೋಡಲು ಇಲಿಯಂತೆ ಕಾಣುವ ಈ ಪ್ರಾಣಿ ಬೀವರ್ ಜಾತಿಗೆ ಸೇರುತ್ತದೆ. ಇದೀಗ ಈ ಬೀವರ್ ಬಾಯಿಂದಲೇ ಬೃಹತ್ ಮರವೊಂದನ್ನು ಕೆತ್ತಿ‌ನೆಲಕ್ಕುರುಳಿಸಿದೆ. ಈ ಪ್ರಾಣಿಯ ಶಕ್ತಿ ಪ್ರದರ್ಶನದ ವಿಡಿಯೋ ಸದ್ಯ, ಎಲ್ಲೆಡೆ ವೈರಲ್ ಆಗುತ್ತಿದ್ದು, ನೆಟ್ಟಿಗರು ವಿಡಿಯೋ ನೋಡಿ ದಂಗಾಗಿದ್ದಾರೆ.

ಮೂರ್ತಿ ಚಿಕ್ಕದು, ಕೀರ್ತಿ ದೊಡ್ಡದು!

ಬೀವರ್ ನೋಡಲು ಇಲಿಯಂತಿದ್ದರೂ ಕೂಡ ಬಹಳಷ್ಟು ಶಕ್ತಿ ಶಾಲಿ. ಹೆಚ್ಚಾಗಿ ತೇವಾಂಶ ಇರುವ ಕಡೆ ವಾಸಿಸುವ ಇವುಗಳು 30 ಕೆ.ಜಿ ತೂಗುತ್ತವೆ. ಮನುಷ್ಯರು ಅಥವಾ ಬೇರೆ ಯಾವ ಪ್ರಾಣಿಗೂ ಸಾದ್ಯವಿಲ್ಲದ ಕೆಲಸವನ್ನು ಇದೀಗ ಬೀವರ್ ಮಾಡಿ ತೋರಿಸಿದೆ. ಕೇವಲ ತನ್ನ ಹಲ್ಲುಗಳನ್ನು ಬಳಸಿ ಮರವೊಂದನ್ನು ಉರುಳಿಸಿದ್ದು, ಮೂರ್ತಿ ಚಿಕ್ಕದಾದರೂ, ಕೀರ್ತಿ‌ ದೊಡ್ಡದು ಎಂಬ ಮಾತನ್ನು ನಿಜವಾಗಿಸಿದೆ.

ವಿಡಿಯೋದಲ್ಲಿ ಏನಿದೆ?

ಸದ್ಯ, ವೈರಲ್ ಆಗಿರವ ವಿಡಿಯೋದಲ್ಲಿ ಬೀವರ್ ಬೃಹದಾಕಾರದ ಮರದ ಬಳಿ ಬಂದು, ಆ ಮರದ ಕೆಳಭಾಗವನ್ನು ಕೇವಲ ತನ್ನ ಹಲ್ಲುಗಳ ಸಹಾಯದಿಂದ ಕಚ್ಚಿ, ಮರದ ತೊಗಡೆ, ತಿರುಳುಗಳನ್ನೆಲ್ಲಾ ಕಿತ್ತು ಹಾಕಿ ಕೊನೆಗೆ ಮರವನ್ನೇ ಧರೆಗುರುಳಿಸುತ್ತದೆ. ನವೆಂಬರ್ 22 ರಂದು X ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ 17.4 ಮಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ನೆಟ್ಟಗರು ಈ ಪ್ರಾಣಿಯ ಸಾಹಸವನ್ನು ಕೊಂಡಾಡಿದ್ದಾರೆ.

8 ನಿಮಿಷದಲ್ಲಿ ಮರ ಉರುಳಿಸುವ ಬೀವರ್!

ಕಾಡಿನಲ್ಲಿ ಸಿಗುವ ಎಲೆ, ಮರದ ತೊಗಟೆ ಮತ್ತು ಹಣ್ಣುಗಳೇ ಈ ಪ್ರಾಣಿಗಳ ಮುಖ್ಯ ಆಹಾರ. ತೇವಾಂಶ ಇರುವ ಮರಗಳ ತೊಗಟೆಯನ್ನು ಕತ್ತರಿಸುತ್ತಾ ಇವುಗಳು ಹೊಟ್ಟೆ ತುಂಬಿಸಿಕೊಳ್ಳುತ್ತವೆ. ಸದ್ಯ, ವೈರಲ್ ವಿಡಿಯೋದಲ್ಲಿ ಕೇವಲ 8 ನಿಮಿಷದಲ್ಲಿ ಬೀವರ್ ಬೃಹತ್ ಮರವೊಂದನ್ನು ನೆಲಕ್ಕುರುಳಿಸುವುದನ್ನು ನೀವು ಕಾಣಬಹುದು.