Firefall Video: Fire pouring from the mountain, this is not a waterfall.. Fire falls!

ಜೋಗ್ ಫಾಲ್ಸ್ ನೋಡಿದ್ದೀರಿ, ಆದ್ರೆ ಫೈರ್ ಫಾಲ್ಸ್ ಎಂದಾದ್ರೂ ನೋಡಿದ್ದೀರಾ..? – ಈ ವೈರಲ್ ವೀಡಿಯೋ ನೋಡಿದ್ರೆ ದಂಗಾಗೋದು ಗ್ಯಾರಂಟಿ…!

ನ್ಯೂಸ್ ಆ್ಯರೋ : ಪ್ರಕೃತಿಯ ವಿಸ್ಮಯಗಳಿಗೆ ಸರಿಸಾಟಿ ಯಾವುದೂ ಇಲ್ಲ. ನೈಸರ್ಗಿಕವಾಗಿ ರೂಪುಗೊಂಡಿರುವ ಕೆಲವು ಕ್ರಿಯೆಗಳನ್ನು ನಾವು ಬದಲಾಯಿಸಲೂ ಸಾಧ್ಯವಿಲ್ಲ. ಅಂದ ಹಾಗೆ ನೀವು ರಮಣೀಯ ವಾತಾವರಣದಲ್ಲಿ ಮೇಲಿನಿಂದ ಹರಿಯುವ ನೀರಿನ ಝರಿಯನ್ನು ನೋಡಿರಬಹುದು. ಆದರೆ ಅದೇ ಕಲ್ಪನೆಯಲ್ಲಿ ಅದೇ ಜಾಗದಲ್ಲಿ ನೀರಿನ ಬದಲು ಬೆಂಕಿಯನ್ನು ಊಹಿಸಿ. ಶಾಕ್ ಆಗುತ್ತಲ್ವಾ..? ಆದರೆ ಇಲ್ಲೊಂದು ಕಡೆ ನೀರಿನಂತೆ ಬೆಂಕಿಯೂ ಹರಿದಿದೆ…! ಈ ವೀಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ.

ವೀಡಿಯೋದಲ್ಲಿ ಏನಿದೆ..?

ಈ ವಿಡಿಯೋ @AMAZlNGNATURE ವೆಬ್‌ಸೈಟ್‌ನಲ್ಲಿ ವೈರಲ್ ಆಗುತ್ತಿದ್ದು, ಜಲಪಾತದಲ್ಲಿ ಬೆಂಕಿ ಉಗುಳುವ ವಿಡಿಯೋ ಫ್ಯಾಂಟಸಿ ಸಿನಿಮಾದ ದೃಶ್ಯದಂತೆ ವೈರಲ್ ಆಗುತ್ತಿದೆ. ಈ ವಿಡಿಯೋ ಅನೇಕರನ್ನು ದಿಗ್ಭ್ರಮೆಗೊಳಿಸಿದೆ.

ಇದು ನಿಜಕ್ಕೂ ಬೆಂಕಿನಾ…?

ಸೂರ್ಯನ ಬೆಳಕಿನ ಶುದ್ಧ ಕೆಂಪು ಬಣ್ಣಗಳನ್ನು ಪ್ರತಿಬಿಂಬಿಸುವಂತೆ ನೀರು ಹೊಳೆಯುತ್ತದೆ. ಆಗ ಅದು ಬೆಂಕಿಯಂತೆ ಕಾಣುತ್ತದೆ. ಈ ನೈಸರ್ಗಿಕ ವಿದ್ಯಮಾನವು ಸಂಭವಿಸುವ ಈ ಜಲಪಾತವನ್ನು “ಫೈರ್‌ ಫಾಲ್ಸ್‌” ಎಂದೂ ಕರೆಯಲಾಗುತ್ತದೆ.

ಅಷ್ಟಕ್ಕೂ ಈ ‘ಫೈರ್ ಫಾಲ್ಸ್’ ಹರಿಯೋದೆಲ್ಲಿ..?

ಹಾರ್ಸೆಟೈಲ್ ಫಾಲ್ಸ್ ಕ್ಯಾಲಿಫೋರ್ನಿಯಾದ ಐಯೋಸೆಮೈಟ್ ರಾಷ್ಟ್ರೀಯ ಉದ್ಯಾನವನದಲ್ಲಿರುವ ಜಲಪಾತವಾಗಿದೆ. ವಸಂತಕಾಲದಲ್ಲಿ ಹವಾಮಾನ ಬದಲಾದಾಗ ಈ ಜಲಪಾತವು ಬೆಂಕಿಯ ಫಾಲ್ಸ್‌ಆಗಿ ಬದಲಾಗುತ್ತದೆ. ಅಮೆರಿಕದ ಕ್ಯಾಲಿಫೋರ್ನಿಯಾ ರಾಜ್ಯದ ರಾಷ್ಟ್ರೀಯ ಉದ್ಯಾನವನದಲ್ಲಿ ಪರ್ವತದಿಂದ ಬೆಂಕಿ ಸುರಿಯುತ್ತಿರುವಂತೆ ಕಾಣುವ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ರಿಲೀಸ್ ಆಗುತ್ತಿದ್ದು, ಬಿಡುಗಡೆಯಾದಾಗಲೆಲ್ಲ ವೈರಲ್ ಆಗಿದೆ.

ಆದರೆ ಒಮ್ಮೆಲೆ ಈ ವೀಡಿಯೋ ನೋಡುತ್ತಿರುವ ಪ್ರತಿಯೊಬ್ಬರಿಗೂ ಕಾಣಿಸುವ ಒಂದೇ ಒಂದು ಪ್ರಶ್ನೆ ಇದು ನೀರಾ? ಬೆಂಕಿನಾ?. ಅಂತ. ಆದರೆ ಏನೇ ಹೇಳಿ. ಬೆಂಕಿಯ ಬಣ್ಣದಲ್ಲಿ ಪರ್ವತದ ತುದಿಯಿಂದ ಸುರಿಯುವ ಜಲಪಾತ ನೋಡಲು ಮಾತ್ರ ಅದ್ಭುತವಾಗಿದೆ.