ಇಂದು ಉಪೇಂದ್ರ ಹೊಸ ಸಿನಿಮಾ ರಿಲೀಸ್​​; ಬುಕಿಂಗ್​​ನಲ್ಲಿ ಹೊಸ ದಾಖಲೆ ಬರೆದ ಯುಐ

ನ್ಯೂಸ್ ಆ್ಯರೋ: ಒಂಭತ್ತು ವರ್ಷಗಳಿಂದ ಉಪ್ಪಿ ಅಭಿಮಾನಿಗಳು ಕಾಯ್ತಿದ್ದ ಬಿಗ್ ಡೇ ಬಂದೇಬಿಟ್ಟಿದೆ. ಫಿಲ್ಮ್ ಬೈ ರಿಯಲ್ ಸ್ಟಾರ್​ ಉಪೇಂದ್ರ ಅನ್ನೋ ಟೈಟಲ್ ನೋಡೋಕೆ ಜನ ರೆಡಿಯಾಗಿದ್ದಾರೆ. ಯುಐ ಸಿನಿಮಾ ರಿಲೀಸ್​ಗೆ ಸಖತ್​ ಕ್ರೇಜ್​ ಇದೆ.

ಯುಐ ರಿಯಲ್ ಸ್ಟಾರ್ ಉಪೇಂದ್ರ ನಟಿಸಿ, ನಿರ್ದೇಶನ ಮಾಡ್ತಿರೋ ಪ್ಯಾನ್ ಇಂಡಿಯಾ ಸಿನಿಮಾ. ಒಂಭತ್ತು ವರ್ಷದ ನಂತರ ಉಪ್ಪಿ ನಿರ್ದೇಶನ ಮಾಡ್ತಿರೋದ್ರಿಂದ, ಸಹಜವಾಗಿಯೇ ಸಿನಿಮಾ ಮೇಲೆ ಕ್ರೇಜ್ ಹೆಚ್ಚಿದೆ. ಅಷ್ಟೇ ಅಲ್ಲ ಟೈಟಲ್​ನಿಂದ ವಾರ್ನರ್​ ತನಕ ಯುಐ ಟೀಂ ಬಿಡುಗಡೆ ಮಾಡಿದ್ದೆಲ್ಲವೂ, ಪ್ರೇಕ್ಷಕರ ತಲೆಗೆ ಹುಳ ಬಿಟ್ಟಿದೆ. ಈ ಕುತೂಹಲವೇ ಸಿನಿಮಾ ಮೇಲಿನ ಫೀವರ್, ಕ್ರೇಜ್ ದುಪ್ಪಟ್ಟಾಗಲು ಕಾರಣ.

ಇಂದು ಕನ್ನಡ ಸೇರಿದಂತೆ ಐದು ಭಾಷೆಗಳಲ್ಲಿ ವಿಶ್ವದಾದ್ಯಂತ ಯುಐ ಬಿಡುಗಡೆ ಆಗ್ತಿದ್ದು, ನಿರೀಕ್ಷೆಗೂ ಮೀರಿದ ಬೇಡಿಕೆ ಸೃಷ್ಟಿಯಾಗಿದೆ. ಸುಮಾರು 2000ಕ್ಕೂ ಅಧಿಕ ಸ್ಕ್ರೀನ್​ಗಳಲ್ಲಿ ಸಿನಿಮಾ ಪ್ರದರ್ಶನ ಕಾಣುತ್ತಿದ್ದು, ಇನ್ನೂ ಹೆಚ್ಚು ಸ್ಕ್ರೀನ್ ಸೇರ್ಪಡೆ ಆಗೋ ಸಾಧ್ಯತೆಯಿದೆ.

ಪ್ರೀ ರಿಲೀಸ್ ಬುಕ್ಕಿಂಗ್​ನಲ್ಲಿ ಯುಐ ಹೊಸ ಇತಿಹಾಸ ಬರೆದಿದೆ. ಬುಕ್ಕಿಂಗ್ಸ್ ಓಪನ್ ಆದ ಕೆಲವೇ ಗಂಟೆಗಳಲ್ಲಿ ದಾಖಲೆ ಮಟ್ಟದಲ್ಲಿ ಟಿಕೆಟ್ ಸೇಲ್ ಆಗಿದ್ದು, ಬಹುತೇಕ ಶೋ ಹೌಸ್ಫುಲ್ ಆಗಿವೆ

ಮಿಡ್ ನೈಟ್ ಶೋ ಮಾಡುವಂತೆ ಯುಐ ಸಿನಿಮಾಗೆ ಭಾರೀ ಬೇಡಿಕೆಯಿತ್ತು. ಆದ್ರೆ, ಪುಷ್ಪ 2 ಸಿನಿಮಾದಿಂದ ಮಿಡ್ ನೈಟ್ ಶೋಗಳು ನಿಲ್ಲಿಸಲಾಗಿದ್ದು, ಬೆಳಗ್ಗೆ 6.15ರ ನಂತರ ಶೋಗಳು ಶುರುವಾಗಿದೆ.