ಇಂಟರ್ನೆಟ್ ಇಲ್ಲದೆಯೂ ಗೂಗಲ್ ಮ್ಯಾಪ್ ಬಳಸಬಹುದು – ಹೇಗೆ ಅಂತೀರಾ? ಈ ವರದಿ ನೋಡಿ..
- ಟೆಕ್ ನ್ಯೂಸ್
- August 8, 2023
- No Comment
- 167
ನ್ಯೂಸ್ ಆ್ಯರೋ : ಆಧುನಿಕ ತಂತ್ರಜ್ಞಾನ ಜೀವನವನ್ನು ಹೇಗೆ ಸರಳಗೊಳಿಸುತ್ತದೆ ಎನ್ನುವುದಕ್ಕೆ ಗೂಗಲ್ ಮ್ಯಾಪ್ ಉತ್ತಮ ಉದಾರಣೆ. ಹಿಂದೆಲ್ಲ ಅಪರಿಚಿತ ಊರಿಗೆ ಹೊಗುವುದೆಂದರೆ ಅದೇ ದೊಡ್ಡ ಸಾಹಸದ ಕೆಲವಾಗಿತ್ತು. ಅವರಿವರಲ್ಲಿ ದಾರಿ ವಿಚಾರಿಸಿಕೊಳ್ಳಬೇಕಿತ್ತು. ಆದರೆ ಈಗ ಹಾಗಲ್ಲ. ಮ್ಯಾಪ್ ನಲ್ಲಿ ಊರ ಹೆಸರು ಹಾಕಿದರೆ ಅದುವೇ ದಾರಿ ತೋರಿಸುತ್ತದೆ.
ಆಫ್ ಲೈನಿನಲ್ಲೂ ಬಳಸಬಹುದು
ಇನ್ನೊಂದು ಮುಖ್ಯ ವಿಚಾರ ಎಂದರೆ ಆಫ್ ಲೈನ್ ನಲ್ಲೂ ಮ್ಯಾಪ್ ಬಳಸಬಹುದಾಗಿದೆ. ಡೇಟಾ ಖಾಲಿಯಾಗಿದ್ದರೆ ಅಥವಾ ನೆಟ್ ವರ್ಕ್ ಇಲ್ಲದ ಪ್ರದೇಶಕ್ಕೆ ಹೋಗುತ್ತಿದ್ದರೆ ಚಿಂತಿಸಬೇಕಿಲ್ಲ. ಯಾಕೆಂದರೆ ಆಫ್ ಲೈನ್ ನಲ್ಲೂ ಗೂಗಲ್ ಮ್ಯಾಪ್ ಕಾರ್ಯ ನಿರ್ವಹಿಸುತ್ತದೆ.
ಒಮ್ಮೆ ನೀವು ಮ್ಯಾಪ್ ಡೌನ್ ಲೋಡ್ ಮಾಡಿದ ನಂತರ ಇಂಟರ್ ನೆಟ್ ಇಲ್ಲದೆ ಗಮ್ಯವನ್ನು ಸರ್ಚ್ ಮಾಡಬಹುದು. ಅದು ಹೇಗೆ ಎನ್ನುವುದರ ಮಾಹಿತಿ ಇಲ್ಲಿದೆ.
ಗೂಗಲ್ ಮ್ಯಾಪ್ ಓಪನ್ ಮಾಡಿ. ನೀವು ತಲುಪಲಿರುವ ಸ್ಥಳವನ್ನು ಹುಡುಕಾಡಿ. ಆಗ ಪರದೆಯ ಕೆಳಭಾಗದಲ್ಲಿ ಡೈರಕ್ಷನ್ ಆಯ್ಕೆ ಕಾಣ ಸಿಗುತ್ತದೆ. ಅದನ್ನು ಟ್ಯಾಪ್ ಮಾಡಿ. ಬಳಿಕ ನೀವು ಯಾವ ರೀತಿ ಪ್ರಯಾಣ ಬೆಳೆಸುತ್ತೀರಿ ಎನ್ನುವುದನ್ನು ಆಯ್ಕೆ ಮಾಡಿ. ನಂತರ ಬಿಳಿ ಬಾರ್ ಅನ್ನು ಟ್ಯಾಪ್ ಮಾಡಿ. ಇದು ಸ್ಕ್ರೀನ್ ನ ಕೆಳ ಭಾಗದಲ್ಲಿದೆ. ಅದರಲ್ಲಿ ಸೇವ್ ಆಫ್ ಲೈನ್ ಟ್ಯಾಪ್ ಮಾಡಿ.
ಇನ್ನು ಗೂಗಲ್ ಮ್ಯಾಪ್ ಬಳಕೆದಾರರು ತಮ್ಮ ಮನೆಯ ನಿಖರ ವಿಳಾಸವನ್ನು ಉಳಿಸಿಕೊಳ್ಳುವ ಜೊತೆಗೆ ಇತರರೊಂದಿಗೆ ಹಂಚಿಕೊಳ್ಳಬಹುದು. ತಮ್ಮ ಮನೆಯ ವಿಳಾಸಗಳನ್ನು ಸೇವ್ ಮಾಡುವಾಗ ಮತ್ತು ಶೇರ್ ಮಾಡುವಾಗ ಪ್ಲಸ್ ಕೋಡ್ ಗಳನ್ನು ಬಳಸಬಹುದಾಗಿದೆ. ಈ ಪ್ಲಸ್ ಕೋಡ್ ಗಳನ್ನು ಮನೆಯ ವಿಳಾಸಕ್ಕೆ ಸೆಟ್ ಮಾಡಬಹುದಾಗಿದೆ.