ನಾಲ್ಕು ನಿಮಿಷದಲ್ಲಿ ಸಿದ್ದವಾಗಿತ್ತು ಈ ಜನಪ್ರಿಯ ಹಾಡು..! – ರಶ್ಮಿಕಾ ಮಂದಣ್ಣ ನಟಿಸಿರೋ‌ ಆ ಚಿತ್ರ ಯಾವುದು ಗೊತ್ತಾ?

ನ್ಯೂಸ್ ಆ್ಯರೋ : ದೇಶದ ಬಹುತೇಕ ಜನರ ಮನಗೆದ್ದ ಚಿತ್ರ ಪುಷ್ಪ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅಭಿನಯದ ಈ ಚಿತ್ರದ ಹಾಡುಗಳು ಸೂಪರ್ ಹಿಟ್ ಆಗಿತ್ತು.

ದೊಡ್ಡ ಅಭಿಮಾನಿ ಬಳಗವನ್ನೇ ಹೊಂದಿರುವ ಸಂಗೀತ ನಿರ್ದೇಶಕ ದೇವಿ ಶ್ರೀ ಪ್ರಸಾದ್ ಅವರಿಗೆ ಪುಷ್ಪ ಚಿತ್ರದಲ್ಲಿ ಸಂಗೀತ ನಿರ್ದೇಶನ ಮಾಡಿರುವುದಕ್ಕೆ ಅತ್ಯುತ್ತಮ ಸಂಗೀತ ಸಂಯೋಜನೆ ವಿಭಾಗದಲ್ಲಿ ರಾಷ್ಟ್ರಪ್ರಶಸ್ತಿ ಒಲಿದಿದೆ.

ಸುಕುಮಾರ್ ನಿರ್ದೇಶನದ ‘ಪುಷ್ಪ’ ಚಿತ್ರದ ಎಲ್ಲಾ ಹಾಡುಗಳು ಸೂಪರ್ ಹಿಟ್ ಆಗಿದ್ದು, ಇದೀಗ ಈ ಚಿತ್ರದ . ‘ಹೂ ಅಂತೀಯಾ ಮಾವ..’, ‘ಶ್ರೀವಲ್ಲಿ..’ ಹಾಡಿನ ವಿಶೇಷತೆಯನ್ನು ಅವರು ಹೇಳಿದ್ದಾರೆ.

ಕೇಳುಗರಿಗೆ ಕಿಕ್ ಕೊಟ್ಟಿರುವ ಈ ಹಾಡಿಗೆ ಬಹುತೇಕ ಎಲ್ಲರೂ ಹೆಜ್ಜೆ ಹಾಕಿದ್ದಾರೆ. ಇಷ್ಟೊಂದು ಜನಪ್ರಿಯ ಹಾಡನ್ನು ಸಿದ್ಧಪಡಿಸಲು ಅವರು ತೆಗೆದುಕೊಂಡಿದ್ದು ಕೇವಲ ನಾಲ್ಕು ನಿಮಿಷ ನಾಲ್ಕು ಸೆಕೆಂಡ್​​ಗಳ ಸಮಯವನ್ನು ಮಾತ್ರ ಎಂದರೆ ಅಚ್ಚರಿಯಾಗಬಹುದು.

ಆರಂಭದಲ್ಲಿ ಗಿಟಾರ್ ಟ್ಯೂನ್ ಮಾಡಿದೆ. ಬಳಿಕ ಸಿನಿಮಾದ ನಾಯಕಿ ಹೆಸರು ಶ್ರೀವಲ್ಲಿ ಎಂಬುದು ಗೊತ್ತಾಯಿತು. ಅವರು ಹೆಸರನ್ನು ಸೇರಿಸಿದೆ. ನಾಲ್ಕೇ ನಿಮಿಷದಲೇ ಹಾಡು ಸಿದ್ಧಪಡಿಸಿದ್ದೆ. ಇದು ಗಳಿಸಿರುವ ಜನಪ್ರಿಯತೆ ಕಂಡು ಖುಷಿ ಆಗುತ್ತಿದೆ ಎಂದು ಸುಕುಮಾರ್ ಹೇಳಿದ್ದಾರೆ.

ಚಿತ್ರದ ಸಂಗೀತ ನಿರ್ದೇಶನಕ್ಕೆ ಕೆಲವೊಮ್ಮೆ ವಾರಾನುಗಟ್ಟಲೆ ಕುಳಿತರೂ ಟ್ಯೂನ್ ಸೆಟ್ ಆಗುವುದಿಲ್ಲ. ಅಂತಹುದರಲ್ಲಿ ಹೆಚ್ಚು ಜನಪ್ರಿಯತೆ ಗಳಿಸಿದ ಹಾಡೊಂದು ಕೆಲವೇ ನಿಮಿಷಗಳಲ್ಲಿ ಸಿದ್ದವಾಯಿತು ಎನ್ನುವುದು ಅಚ್ಚರಿಯ ಸಂಗತಿಯೇ ಹೌದು.