ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ ಸಚಿನ್ ಪುತ್ರಿ – ವೈರಲ್ ಆಯ್ತು ಸಾರಾ ತೆಂಡೂಲ್ಕರ್ ಫೋಟೋಸ್..!

ನ್ಯೂಸ್ ಆ್ಯರೋ : ಮಾಸ್ಟರ್ ಬ್ಲಾಸ್ಟರ್, ಕ್ರಿಕೆಟ್ ಲೋಕದ ದೇವರು ಎಂದೆಲ್ಲ ಅಭಿಮಾನಿಗಳಿಂದ ಕರೆಸಿಕೊಳ್ಳುವ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಸದ್ಯ ಸುದ್ದಿಯಲ್ಲಿದ್ದಾರೆ. ಜನಪ್ರಿಯ ಫ್ಯಾಷನ್ ಡಿಸೈನರ್ ಅನಿತಾ ಡೋಂಗ್ರೆ ಅವರು ಇತ್ತೀಚೆಗೆ ಜೈಪುರದಲ್ಲಿ ಎಥ್ನಿಕ್ ಫ್ಯಾಶನ್ ಶೋ ಆಯೋಜಿಸಿದ್ದರು. ಈ ಫ್ಯಾಶನ್​​ ಶೋನಲ್ಲಿ ಭಾಗವಹಿಸಿದ್ದ ಸಾರಾ ಸಾಂಪ್ರದಾಯಿಕ ಉಡುಗೆ ತೊಟ್ಟು ಮಿಂಚಿದ್ದಾರೆ. ಇದೀಗ ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.

ಹೀಗಿತ್ತು ಸಾರಾ ಉಡುಗೆ..!

ಫ್ಯಾಷನ್ ಡಿಸೈನರ್ ಅನಿತಾ ಡೋಂಗ್ರೆ ವಿನ್ಯಾಸಗೊಳಿಸಿದ ಲೆಹೆಂಗಾದಲ್ಲಿ ಸಾರಾ ಇತ್ತೀಚೆಗಷ್ಟೇ ಗ್ಲಾಮರಸ್ ಫೋಟೋಶೂಟ್ ಮಾಡಿದ್ದಾರೆ. ಹಣೆಯ ಮೇಲೆ ಮಾಂಗ್​ಟಿಕ್ಕಾ, ಕಿವಿಗೆ ಸಣ್ಣ ಪೆಂಡೆಂಟ್ ಮತ್ತು ಕೈಯಲ್ಲಿ ಉಂಗುರವನ್ನು ಧರಿಸಿದ್ದಾರೆ. ಡೀಪ್ ನೆಕ್ ಡ್ರೆಸ್‌ನಲ್ಲಿ ಮಿಂಚುತ್ತಿರುವ ತನ್ನ ಫೋಟೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಸಾಂಪ್ರದಾಯಿಕ ಉಡುಗೆಯಲ್ಲಿ ಕಂಗೊಳಿಸಿರುವ ಸಾರಾ ನೋಟಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಆನೆ ರಕ್ಷಣೆಗೆ ನಿಂತ ಸಾರಾ..!

ಭಾರತದಲ್ಲಿ ಆನೆ ಸಂರಕ್ಷಣೆಗಾಗಿ ನಿಧಿ ಸಂಗ್ರಹಿಸುವ ಸಲುವಾಗಿ ಜೈಪುರದಲ್ಲಿ ಈ ಫ್ಯಾಷನ್ ಶೋ ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮಕ್ಕೆ ಸಾಂಪ್ರದಾಯಿಕ ಉಡುಗೆಯಲ್ಲಿ ಆಗಮಿಸಿದ್ದ ಸಾರಾ ತೆಂಡೂಲ್ಕರ್ ಆನೆಗಳ ರಕ್ಷಣೆಯ ಬಗ್ಗೆ ಮಾತನಾಡಿದ್ದಾರೆ. ಜೊತೆಗೆ ಈ ಅಭಿಯಾನಕ್ಕೆ ಕೈ ಜೋಡಿಸಿದ್ದಾರೆ. ಈ ಬಗ್ಗೆ ಫೋಟೋ ಹಂಚಿಕೊಂಡ ಸಾರಾ ‘ವೀಕೆಂಡ್ ಅದ್ಭುತವಾಗಿತ್ತು’ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಸಾರಾ-ಗಿಲ್ ಲವ್ವಿ ಡವ್ವಿ..!

ಇನ್ನು ಸಚಿನ್ ಪುತ್ರಿ ಸಾರಾ ಮತ್ತು ಟೀಮ್ ಇಂಡಿಯಾ ಕ್ರಿಕೆಟಿಗ ಶುಭ್ಮನ್ ಗಿಲ್ ಹಲವು ದಿನಗಳಿಙದ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ವದಂತಿ ಇದೆ. ಈ ಇಬ್ಬರು ಮುಂಬೈನ ಜಿಯೋ ಫ್ಲಾಜಾ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಇತ್ತೀಚೆಗೆ ಒಟ್ಟಿಗೆ ಕಾಣಿಸಿಕೊಂಡಿದ್ದ ವಿಡಿಯೋ ಇತ್ತೀಚೆಗೆ ವೈರಲ್ ಆಗಿತ್ತು. ಆದರೆ ಇವರಿಬ್ಬರ ಡೇಟಿಂಗ್ ಅಥವಾ ಪ್ರೀತಿಯ ಬಗ್ಗೆ ಎಲ್ಲಿಯೂ ಮಾತನಾಡಿಲ್ಲ. ಈ ಬಗೆಗಿನ ಅಧಿಕೃತ ಮಾಹಿತಿಗೆ ಸಾರಾ ಅಥವಾ ಗಿಲ್ ಅವರೇ ಉತ್ತರ ನೀಡಬೇಕಿದೆ.