ಬೆಂಗಳೂರಿನಲ್ಲಿ ಬ್ರಿಟನ್​ ರಾಜ; ವೈಟ್​ಫೀಲ್ಡ್​​ಗೆ ಭೇಟಿ ನೀಡುತ್ತಿರುವ ಉದ್ದೇಶವೇನು ?

ನ್ಯೂಸ್ ಆ್ಯರೋ: ಬ್ರಿಟನ್​ ರಾಜ, ಕಿಂಗ್ಸ್​ ಚಾರ್ಲ್ಸ್​​ ಬೆಂಗಳೂರಿಗೆ ಭೇಟಿ ನೀಡುತ್ತಿದ್ದಾರೆ. ಇದೊಂದು ವೈಯಕ್ತಿಕ ಭೇಟಿಯಾಗಿದೆ. ವೈದ್ಯಕೀಯ ಸೌಲಭ್ಯ ಪಡೆಯುವ ಉದ್ದೇಶದಿಂದ ಆಗಮಿಸುತ್ತಿದ್ದು, ಬೆಂಗಳೂರಿನ ವೈಟ್​ಫೀಲ್ಡ್​ ಬಳಿಯ ಆರೋಗ್ಯ ಕೇಂದ್ರದಲ್ಲೇ ನೆಲೆಸಿದ್ದಾರೆ.

ಕಳೆದ ವರ್ಷ ಮೇ 6ರಂದು ಬ್ರಿಟನ್ ರಾಜನಾಗಿ ಪಟ್ಟಾಭಿಷೇಕ ಮಾಡಿಕೊಂಡ ಬಳಿಕ ಚಾರ್ಲ್ಸ್​​, ಬೆಂಗಳೂರಿಗೆ ಇದೇ ಮೊದಲ ಬಾರಿ ಭೇಟಿ ನೀಡುತ್ತಿದ್ದಾರೆ. ರಾಜಕುಮಾರನ ಜೊತೆ ರಾಣಿ ಕ್ಯಾಮಿಲಾ ಕೂಡ ಆಗಮಿಸಿದ್ದಾರೆ.

ಮೂರು ದಿನದ ಪ್ರವಾಸ ಕೈಗೊಂಡಿರುವ ದಂಪತಿ ಹೋಲಿಸ್ಟಿಕ್​ ಕೇಂದ್ರಕ್ಕೆ ಭೇಟಿ ನೀಡಲಿದೆ. ಹೊಸ ಪುನರ್​​ಜೀವನ ನೀಡುವ ಈ ಚಿಕಿತ್ಸೆಯಲ್ಲಿ ಯೋಗ, ಧ್ಯಾನ ಸೇರಿದಂತೆ ಇತರ ಥೆರಪಿಗಳಿರಲಿವೆ ಎಂದು ತಿಳಿದು ಬಂದಿದೆ.

ಈ ಹೋಲಿಸ್ಟಿಕ್​ ಕೇಂದ್ರಕ್ಕೆ ಕಿಂಗ್​ ಚಾರ್ಲ್ಸ್​​ ಈ ಹಿಂದೆ ಕೂಡ ಭೇಟಿ ನೀಡಿದ್ದರು. 30 ಎಕರೆ ವಿಸ್ತಿರ್ಣದ ಈ ಆರೋಗ್ಯ ಕೇಂದ್ರದಲ್ಲೇ 2019ರಲ್ಲಿ ತಮ್ಮ 71ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು.