ಕೊರೊನಾ ಬಳಿಕ ‘ಡಿಂಗಾ ಡಿಂಗಾ’ ಭಯಾನಕ ಕಾಯಿಲೆ ಪತ್ತೆ; ಇಡೀ ದೇಹ ಕಂಪಿಸುತ್ತೆ, ಏನಿದು ನಿಗೂಢ ಕಾಯಿಲೆ !!
ನ್ಯೂಸ್ ಆ್ಯರೋ: ಡಿಂಗಾ ಡಿಂಗಾ ವೈರಸ್ ಕೊರೊನಾ ಸಾಂಕ್ರಾಮಿಕದ ನಂತರ ಕಾಣಿಸಿಕೊಂಡ ಮತ್ತೊಂದು ಭಯಾನಕ ವೈರಸ್ ಆಗಿದೆ. ವಿಶ್ವ ಆರೋಗ್ಯ ಸಂಸ್ಥೆ ಮತ್ತೊಂದು ಸಾಂಕ್ರಾಮಿಕ ರೋಗದ ಬಗ್ಗೆ ಇಡೀ ಜಗತ್ತನ್ನು ಎಚ್ಚರಿಸುತ್ತಿದೆ. ಈ ರೋಗದ ಬಗ್ಗೆ ಮಾಹಿತಿಯ ಕೊರತೆಯಿಂದಾಗಿ, ವಿಜ್ಞಾನಿಗಳು ಇದನ್ನು ಡಿಸೀಸ್ ಎಕ್ಸ್ ಎಂದು ಹೆಸರಿಸಿದ್ದಾರೆ. ಒಂದು ನಿಗೂಢ ಕಾಯಿಲೆಯು ಆಫ್ರಿಕಾದಲ್ಲಿ ನಿರಂತರವಾಗಿ ಜನರನ್ನು ತನ್ನ ಬಲಿಪಶುಗಳನ್ನಾಗಿ ಮಾಡುತ್ತಿದೆ, ಅದನ್ನು ಡಿಸೀಸ್ ಎಕ್ಸ್ ಎಂದು ಹೆಸರಿಸಲಾಯಿತು. ಈ ಕುರಿತು ಮೂಲಗಳು ವರದಿ ಮಾಡಿದೆ.
ಉಗಾಂಡಾದಲ್ಲಿಯೂ ನಿಗೂಢ ರೋಗವು ವಿನಾಶವನ್ನು ಉಂಟುಮಾಡಲು ಪ್ರಾರಂಭಿಸಿದೆ. ಉಗಾಂಡಾದಲ್ಲಿ ಹೆಚ್ಚುತ್ತಿರುವ ಈ ರೋಗವನ್ನು ಡಿಂಗಾ ಡಿಂಗಾ ಕಾಯಿಲೆ ಎಂದು ಕರೆಯಲಾಗಿದೆ. ಈ ಸೋಮಕು ತಗುಲಿರುವ ವ್ಯಕ್ತಿ ನಡೆದರೆ ನೃತ್ಯ ಮಾಡುತ್ತಿರುವಂತೆ ಭಾಸವಾಗುತ್ತದೆ.
ನಿಖರವಾದ ರೋಗಲಕ್ಷಣಗಳನ್ನು ಕಂಡುಹಿಡಿಯುವುದು ಕಷ್ಟ. ಆದಾಗ್ಯೂ, ಈ ಕಾಯಿಲೆಯಿಂದ ಬಳಲುತ್ತಿರುವ ಜನರಲ್ಲಿ ಅನೇಕ ರೀತಿಯ ರೋಗಲಕ್ಷಣಗಳು ಕಂಡುಬಂದಿವೆ, ಅದರಲ್ಲಿ ಅತ್ಯಂತ ಅಪಾಯಕಾರಿ ಅತಿಯಾದ ದೇಹದ ಚಲನೆ, ಇದು ನೃತ್ಯ ಚಲನೆಗಳಿಗೆ ಹೋಲುತ್ತದೆ.
ಉಗಾಂಡಾದ ಬುಂಡಿಬಾಗ್ಯೊ ಪ್ರದೇಶದಲ್ಲಿ ಡಿಂಗಾ ಡಿಂಗಾ ರೋಗ ವೇಗವಾಗಿ ಹರಡುತ್ತಿದೆ. ಈ ಕಾಯಿಲೆಯಿಂದ ಯಾವುದೇ ಸಾವು ಸಂಭವಿಸಿದ ಸುದ್ದಿ ಇಲ್ಲ. ಇದನ್ನು ಹೋಗಲಾಡಿಸಲು ವೈದ್ಯರು ಆ್ಯಂಟಿಬಯೋಟಿಕ್‌ಗಳ ಸಹಾಯ ಪಡೆಯುತ್ತಿದ್ದಾರೆ. ಡಿಂಗಾ ಡಿಂಗಾದಿಂದ ಬಳಲುತ್ತಿರುವ ರೋಗಿಗಳು ಒಂದು ವಾರದೊಳಗೆ ಚೇತರಿಸಿಕೊಳ್ಳುತ್ತಾರೆ. ಆದರೆ, ಈ ಕಾಯಿಲೆ ಜನರಲ್ಲಿ ಭಯ ಹುಟ್ಟಿಸತೊಡಗಿದೆ.
ಉಗಾಂಡಾದ ಪಕ್ಕದಲ್ಲಿರುವ ಕಾಂಗೋ ದೇಶದಲ್ಲಿ ವಿಚಿತ್ರ ರೋಗ ಹರಡುತ್ತಿದೆ. ಈ ಕಾರಣದಿಂದಾಗಿ, ಜನರು ಜ್ವರ, ತಲೆನೋವು, ಕೆಮ್ಮು, ಮೂಗು ಮತ್ತು ದೇಹದ ನೋವಿನ ಲಕ್ಷಣಗಳನ್ನು ಅನುಭವಿಸುತ್ತಿದ್ದಾರೆ. ಕಾಂಗೋದಲ್ಲಿ 400 ಕ್ಕೂ ಹೆಚ್ಚು ಜನರು ಈ ಕಾಯಿಲೆಗೆ ತುತ್ತಾಗಿದ್ದಾರೆ.
Leave a Comment