ಪುರುಷರೇ ಎಚ್ಚರ: ಪರ್ಸ್ ಅನ್ನು ಪ್ಯಾಂಟ್ ಜೇಬಿನಲ್ಲಿಡುವ ಅಭ್ಯಾಸ ಇದೆಯಾ? – ಹಾಗಾದ್ರೆ ಈ ಎಲ್ಲಾ ಸಮಸ್ಯೆಗೆ ನೀವು ತುತ್ತಾಗೋದು ಗ್ಯಾರಂಟಿ…!!
- ಆರೋಗ್ಯವೇ ಭಾಗ್ಯ
- October 12, 2023
- No Comment
- 155
ನ್ಯೂಸ್ ಆ್ಯರೋ : ಪ್ರತಿ ಪುರುಷರಲ್ಲೂ ವ್ಯಾಲೆಟ್ ಇದ್ದೇ ಇರುತ್ತದೆ. ಹೆಚ್ಚಿನವರು ಪರ್ಸ್ ಅನ್ನು ತಮ್ಮ ಪ್ಯಾಂಟಿನ ಹಿಂಭಾಗದ ಜೇಬಿನಲ್ಲಿ ಇಡುತ್ತಾರೆ. ಶರ್ಟ್ನ ಜೇಬಿನಲ್ಲಿಟ್ಟರೆ ನೋಡಲು ಕೆಟ್ಟದಾಗಿಯೂ ಕಾಣಿಸುತ್ತದೆ. ಹಾಗಾಗಿ ಹೆಚ್ಚಾಗಿ ಪ್ಯಾಂಟ್ ಕಿಸೆಯಲ್ಲೇ ಇಡುತ್ತಾರೆ. ಆದರೆ ನಿರಂತರವಾಗಿ ನೀವು ಪರ್ಸ್ ಅನ್ನು ಪ್ಯಾಂಟ್ ಹಿಂಬದಿಯಲ್ಲಿಟ್ಟರೆ ಅದರಿಂದ ಆರೋಗ್ಯಕ್ಕೂ ಸಮಸ್ಯೆ ಆಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಪ್ಯಾಂಟ್ ನ ಹಿಂಭಾಗದ ಜೇಬಿನಲ್ಲಿ ವ್ಯಾಲೆಟ್ ಅನ್ನು ದೀರ್ಘಕಾಲ ಇಡುವುದರಿಂದ ‘ಫ್ಯಾಟ್ ವ್ಯಾಲೆಟ್ ಸಿಂಡ್ರೋಮ್’ ಗೆ ಕಾರಣವಾಗಬಹುದು ಎಂದಿದ್ದಾರೆ. ಈ ರೋಗದ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.
ಕುತ್ತಿಗೆ ಮತ್ತು ಬೆನ್ನಿನ ಸಮಸ್ಯೆಗಳು:
ಪ್ಯಾಂಟ್ನ ಹಿಂಬದಿಯಲ್ಲಿ ಜೇಬನ್ನು ಇಡುವುದರಿಂದ ಭುಜಗಳು, ಕುತ್ತಿಗೆ ಮತ್ತು ಬೆನ್ನಿನ ಸಮಸ್ಯೆಗಳು ಉಂಟಾಗಬಹುದು. ಅನೇಕ ಜನರು ಈಗಾಗಲೇ ಈ ಸಮಸ್ಯೆಗಳನ್ನು ಎದುರಿಸಿರಬಹುದು. ಅನೇಕ ಜನರು ತಮ್ಮ ವ್ಯಾಲೆಟ್ ನಲ್ಲಿ ವಿವಿಧ ಕಾರ್ಡ್ ಗಳು, ಹಣ, ಬಿಲ್ ಗಳು ಇತ್ಯಾದಿಗಳನ್ನು ಇಡುತ್ತಾರೆ. ಹೆಚ್ಚಿನ ಜನರು ಅನಗತ್ಯ ವಸ್ತುಗಳನ್ನು ಸಹ ಇಟ್ಟುಕೊಳ್ಳುತ್ತಾರೆ. ಇದು ಪರ್ಸ್ ನ ತೂಕವನ್ನು ಹೆಚ್ಚಿಸುತ್ತದೆ. ಭಾರವಾದ ವ್ಯಾಲೆಟ್ ಅನ್ನು ನಿರಂತರವಾಗಿ ಹಿಂಭಾಗದ ಜೇಬಿನಲ್ಲಿ ಇಡುವುದರಿಂದ ಈ ಸಮಸ್ಯೆಗಳು ಉಂಟಾಗುತ್ತವೆ ಎಂದು ವೈದ್ಯರು ಹೇಳುತ್ತಾರೆ. ಆದರೆ ಹೆಚ್ಚಿನ ಜನರಿಗೆ ಇದಕ್ಕೆ ಕಾರಣ ತಿಳಿದಿಲ್ಲ.
ಸೊಂಟದ ಮೂಳೆಯ ಸ್ನಾಯುಗಳಿಗೆ ಒತ್ತಡ ಹೆಚ್ಚಾಗುವ ಸಾಧ್ಯತೆ:
ತೂಕದ ವ್ಯಾಲೆಟ್ ಅನ್ನು ಹಿಂಭಾಗದ ಜೇಬಿನಲ್ಲಿ ಇಡುವುದರಿಂದ ಸೊಂಟದ ಮೂಳೆಯ ಸ್ನಾಯುಗಳು ಮತ್ತು ಕೀಲುಗಳು ಒತ್ತಡಕ್ಕೆ ಒಳಗಾಗುತ್ತವೆ. ಇದಲ್ಲದೆ, ತೂಕದಿಂದಾಗಿ, ಅನೇಕ ಜನರು ಸ್ವಯಂಚಾಲಿತವಾಗಿ ಒಂದು ಬದಿಗೆ ವಾಲುತ್ತಾರೆ ಮತ್ತು ನಡೆಯುತ್ತಾರೆ. ಈ ವಿಷಯವನ್ನು ಯಾರೂ ಸರಿಯಾಗಿ ಗಮನಿಸುವುದಿಲ್ಲ. ಈ ಕಾರಣದಿಂದಾಗಿ, ಬೆನ್ನುಹುರಿಯ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ.
ಪರಿಹಾರ ಇಲ್ಲಿದೆ:
ಪ್ರಸ್ತುತ ಎಲ್ಲ ಬ್ಯಾಂಕ್ ವ್ಯವಹಾರಗಳು ಮೊಬೈಲ್ನಲ್ಲಿಯೇ ಮಾಡಲಾಗುತ್ತದೆ. ಈ ನಿಟ್ಟಿನಲ್ಲಿ ಎಟಿಎಂ ಕಾರ್ಡ್ ಸೇರಿದಂತೆ ವಿಸಿಟಿಂಗ್ ಕಾರ್ಡ್ ಗಳನ್ನು ಮೊಬೈಲ್ನಲ್ಲೆಯೇ ಸೇವ್ ಮಾಡಿ. ಅದಲ್ಲದೆ ಬೇಡದ ರಿಸಿಪ್ಟ್ಗಳನ್ನು ತೆಗೆಯಿರಿ. ಆಗಾಗ ನಿಮ್ಮ ಪರ್ಸ್ ಅನ್ನು ಸ್ವಚ್ಛ ಮಾಡಿರಿ. ಅನಗತ್ಯ ಚೀಟಿಗಳನ್ನು ತೆಗೆಯುವುದರಿಂದ ಈ ಸಮಸ್ಯೆಯಿಂದ ನೀವು ದೂರ ಇರಬಹುದು.