ವಾಹನದ ಡ್ಯಾಶ್ ಬೋರ್ಡ್ ಮೇಲೆ ಕಾಲಿಟ್ರೆ ಹುಷಾರ್..! – ಅಪಾಯಕ್ಕೆ ಕಾರಣವಾಗುತ್ತೆ ಈ ಅಂಶಗಳು..!
- ಆಟೋ ನ್ಯೂಸ್
- August 14, 2023
- No Comment
- 168
ನ್ಯೂಸ್ ಆ್ಯರೋ : ಕೆಲವು ಸಂಚಾರ ನಿಯಮಗಳನ್ನು ಪಾಲಿಸುವ ಮೂಲಕ ನಮ್ಮ ಪ್ರಯಾಣವನ್ನು ಸುರಕ್ಷಿತವಾಗಿಸಬಹುದು ಎನ್ನುತ್ತಾರೆ ತಜ್ಞರು. ರಸ್ತೆ ನಿಯಮಗಳ ಜೊತೆಗೆ ವಾಹನಗಳ ಒಳಗೂ ಪಾಲಿಸಬೇಕಾದ ಕೆಲವು ನಿಯಮಗಳಿದ್ದು, ಅದರಂತೆ ನಡೆದುಕೊಂಡರೆ ಯಾವುದೇ ಅಪಾಯವಿಲ್ಲ. ಆ ಪೈಕಿ ಕಾರಿನ ಡ್ಯಾಶ್ ಬೋರ್ಡ್ ಮೇಲೆ ಕಾಲಿಟ್ಟು ಪ್ರಯಾಣ ಮಾಡಬಾರದು ಎನ್ನುವ ನಿಯಮವೂ ಒಂದು.
ಯಾಕೆ ಅಪಾಯಕಾರಿ?
ಕಾರಿನ ಡ್ಯಾಶ್ ಬೋರ್ಡ್ ಮೇಲೆ ಕಾಲಿಟ್ಟು ಪ್ರಯಾಣ ಮಾಡುವುದರಿಂದ ಅಪಾಯ ಸಂಭವಿಸುವ ಸಾಧ್ಯತೆ ಹೆಚ್ಚು. ಯಾಕೆಂದರೆ ಅದೇ ಜಾಗದಲ್ಲಿ ಏರ್ ಬ್ಯಾಗ್ ಇರುತ್ತದೆ. ಹೀಗಾಗಿ ಅಪಘಾತ ಸಂಭವಿಸಿದಾಗ ಏರ್ ಬ್ಯಾಗ್ ತೆರೆದುಕೊಂಡರೂ ತೀವ್ರ ಗಾಯಗಳಾಗಲಿವೆ.
ಅಲ್ಲದೆ ಡ್ಯಾಶ್ ಬೋರ್ಡ್ ಮೇಲೆ ಕಾಲಿಟ್ಟು ಕುಳಿತುಕೊಳ್ಳುವಾಗ ಸೀಟ್ ಬೆಲ್ಟ್ ಧರಿಸಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಅಪಘಾತದ ಸಂದರ್ಭದಲ್ಲಿ ಏರ್ ಬ್ಯಾಗ್ ತೆರೆದುಕೊಳ್ಳುವುದಿಲ್ಲ.
ಗಾಯವಾಗುವ ಸಾಧ್ಯತೆ
ಇನ್ನು ಕಾಲಿನ ಭಾರ ಮತ್ತು ದಿಢೀರ್ ಬ್ರೇಕ್ ಮತ್ತು ಎಕ್ಸ್ ಲೇಟರ್ ತುಳಿಯುವುದರಿಂದ ಒತ್ತಡ ಹೆಚ್ಚಿ ದಿಢೀರ್ ಏರ್ ಬ್ಯಾಗ್ ತೆರೆದುಕೊಳ್ಳುವ ಸಾಧ್ಯತೆ ಇದೆ. ಹೀಗಾದಾಗ ಅಪಘಾತವಾಗದೆ ಕಾಲಿಗೆ ಬಲವಾದ ಪಟ್ಟು ಬಿದ್ದು ಗಾಯವಾಗುವ ಸಾಧ್ಯತೆ ಇದೆ.
ಕಾಲಿನ ಭಾರದಿಂದಾಗಿ ಅಪಘಾತವಾದರೂ ಏರ್ ಬ್ಯಾಗ್ ತೆರೆಯದೇ ಇರುವ ಸಾಧ್ಯತೆಯೂ ಇದೆ. ಕೆಲವೊಮ್ಮೆ ಏರ್ ಬ್ಯಾಗ್ ಸರಿಯಾಗಿ ಕಾರ್ಯನಿರ್ವಹಿಸಲು ಕಾಲಿನ ಭಾರ ಅಡ್ಡಿಯಾಗಲಿದೆ. ಅಲ್ಲದೆ ಈ ರೀತಿ ಪ್ರಯಾಣ ಮಾಡುವುದು ಮೋಟಾರ್ ವಾಹನ ನಿಯಮಕ್ಕೆ ವಿರುದ್ಧ ಸಿಕ್ಕಿ ಬಿದ್ದರೆ ದಂಡವನ್ನೂ ಕಟ್ಟಬೇಕಾಗುತ್ತದೆ.