ಗಾಡಿ ತೊಳಿಯೋ ಬೇವರ್ಸಿ’ – ವೈರಲ್ ಆಯ್ತು ಕಾರಿನ ಗ್ಲಾಸ್ ಮೇಲೆ ಬರೆದಿರುವ ಬರಹ..!!

ನ್ಯೂಸ್ ಆ್ಯರೋ : ಸಾಮಾಜಿಕ ಜಾಲತಾಣ ಅನ್ನುವ ಹುಚ್ಚರ ಸಂತೆಯಲ್ಲಿ, ಯಾವಾಗ ಯಾವ ಫೋಟೋ ಅಥವಾ ವಿಡಿಯೋ ಟ್ರೆಂಡಿಂಗ್ ನಲ್ಲಿರುತ್ತದೋ ಹೇಳ ಬರುವುದಿಲ್ಲ. ಕೆಲವೊಂದು ಪೋಸ್ಟ್ ಗಳು ಗಂಭೀರ ಚರ್ಚೆಗಳಿಗೆ ಎಡೆಮಾಡಿಕೊಟ್ಟರೆ, ಮತ್ತೆ ಕೆಲವು ತಮಾಷೆಯಾಗಿರುತ್ತದೆ. ಸದ್ಯ ಇದೀಗ ಟ್ರೆಂಡಿಂಗ್ ನಲ್ಲಿರುವ ಪೋಸ್ಟ್ ನೋಡಿ ಸೋಶಿಯಲ್ ಮಿಡಿಯಾದಲ್ಲಿ ನಗುವಿನ ಅಲೆ ಎದ್ದಿದೆ‌.

ಈ ಸಾಮಾಜಿಕ ಜಾಲತಾಣಗಳು ಎನ್ನುವಂತಹದ್ದು ಎಷ್ಟು ಒಳ್ಳೆಯದೋ, ಅಷ್ಟೇ ಕೆಟ್ಟದ್ದು ಕೂಡ. ಕೆಲವರು ಇದನ್ನು ಟೈಮ್ ಪಾಸ್ ಗಾಗಿ ಬಳಸಿದರೆ, ಮತ್ತೆ ಕೆಲವರು ಒಳ್ಳೆಯದಕ್ಕೆ ಬಳಸುತ್ತಾರೆ‌. ಇಂದಿನ‌ ಇಂಟರ್ನೆಟ್ ಯುಗದಲ್ಲಿ ಕೆಲವರು ಡ್ಯಾನ್ಸ್, ನಟನೆ, ಕಾಮಿಡಿ ಹಾಗೂ ತಮ್ಮ ಬರಹಗಳ ಮೂಲಕವೂ ರಾತ್ರೋರಾತ್ರಿ ಸೆಲೆಬ್ರಿಟಿಗಳಾಗುತ್ತಾರೆ‌. ಸದ್ಯ, ಧೂಳು ಹಿಡಿದು ರಸ್ತೆ ಬದಿಯಲ್ಲಿ ನಿಂತಿದ್ದ ಕಾರೊಂದರ ಹಿಂಬಾಗದ ಗಾಜಿನ ಮೇಲೆ ‘ಗಾಡಿ ತೊಳಿಯೋ ಬೇವರ್ಸಿ’ ಎಂದು ಬರೆದಿರುವ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ಸಕ್ಕತ್ ವೈರಲ್ ಆಗುತ್ತಿದೆ.

ಈ ಪೋಸ್ಟ್ ಸಾಮಾಜಿಕ ಜಾಲತಾಣಕ್ಕೆ ಕಾಲಿಡುತ್ತಿದ್ದಂತೆ, ನೆಟ್ಟಿಗರು ಬಿದ್ದೂ ಬಿದ್ದು ನಕ್ಕಿದ್ದಾರೆ. ಜೊತೆಗೆ ಕಾಮೆಂಟ್ ಗಳ ಸುರಿಮಳೆ ಗೈದಿದ್ದಾರೆ. ಕೆಲವರು ‘ಗಾಡಿ ತೊಳಿಯೊಕೆ ದುಡ್ಡ್ ಯಾರ್ ನಿಮ್ಮಪ್ಪ ಕೊಡ್ತಾನಾ’ ಎಂದು ಕಾಮೆಂಟ್ ಹಾಕಿದರೆ, ಮತ್ತೆ ಕೆಲವರು ನಗುವ ಇಮೋಜಿ ಕಳುಹಿಸುತ್ತಿದ್ದಾರೆ. ಒಟ್ಟಾರೆಯಾಗಿ ಯಾರೋ ಒಬ್ಬ ಅನಾಮಿಕ ಬರೆದ ಈ ಪೋಸ್ಟ್ ನೆಟ್ಟಿಗರನ್ನು ನಗೆಗಡಲಿನಲ್ಲಿ ತೇಲಿಸಿದ್ದಂತು ಸುಳ್ಳಲ್ಲ.