ಸೆಕೆಂಡ್ ಹ್ಯಾಂಡ್ ಫೋನ್ ಬಳಕೆಯಿಂದ ನೀರಿನ ಉಳಿತಾಯ – ನೀವು ನಂಬದಿದ್ರೂ ಇದು ನಿಜ.. ಹೇಗೆ ಗೊತ್ತಾ?
- ಟೆಕ್ ನ್ಯೂಸ್
- May 3, 2023
- No Comment
- 553
ನ್ಯೂಸ್ ಆ್ಯರೋ : ಇದು ಸ್ಮಾರ್ಟ್ ಫೋನ್ ಜಮಾನ. ಶಿಕ್ಷಣದಿಂದ ಹಿಡಿದು ಉದ್ಯೋಗ ಕ್ಷೇತ್ರದಲ್ಲೂ ಸ್ಮಾರ್ಟ್ ಫೋನ್ ಬಳಸುತ್ತಿದ್ದೇವೆ. ಈ ಮಧ್ಯೆ ವರದಿಯೊಂದು ಬಂದಿದ್ದು, ಭಾರತದಲ್ಲಿ ಸೆಕೆಂಡ್ ಹ್ಯಾಂಡ್ ಫೋನ್ಗಳಿಗೆ ಭಾರೀ ಬೇಡಿಕೆ ನಿರ್ಮಾಣವಾಗಿದೆ. ಇದು ಪರಿಸರ ವ್ಯವಸ್ಥೆಗೆ ತನ್ನದೇ ಆದ ಕೊಡುಗೆ ನೀಡಿದೆ. ಅರೆ.. ಇದು ಹೇಗೆ ಸಾಧ್ಯ ಎಂದು ಆಲೋಚಿಸುತ್ತಿದ್ದೀರ? ಕಾರಣ ನಾವು ಹೇಳುತ್ತೇವೆ.
ಇತ್ತೀಚೆಗೆ ಅನಿವಾರ್ಯವಾಗಿ ಬದಲಾಗಿರುವ ಸ್ಮಾರ್ಟ್ ಫೋನ್ನ ಅತಿಯಾದ ಉತ್ಪಾದನೆ ಪರಿಸರಕ್ಕೆ ಭಾರೀ ಹಾನಿ ಉಂಟು ಮಾಡುತ್ತಿದೆ. ಹಸಿರುಮನೆ ಅನಿಲಗಳ ಹೊರ ಸೂಸುವಿಕೆ, ನೈಸರ್ಗಿಕ ಸಂಪನ್ಮೂಲಗಳ ಅತಿಯಾದ ಬಳಕೆ, ಎಲೆಕ್ಟ್ರಾನಿಕ್ ತ್ಯಾಜ್ಯ ಜಾಗತಿಕ ತಾಪಮಾನ ಏರಿಕೆಗೆ ಕಾರಣವಾಗುತ್ತಿದೆ.
ಆತಂಕದ ವಿಚಾರ ಎಂದರೆ ಹೊಸ ಫೋನ್ ತಯಾರಿಕೆಗೆ ಸುಮಾರು 13 ಟನ್ಗಳಷ್ಟು ನೀರು ಬೇಕು. ಈ ಬಗ್ಗೆ ಮಾಹಿತಿ ನೀಡಿದ ಮೊಬೆಕ್ಸ್ ಇಂಡಿಯಾ ಸಂಸ್ಥಾಪಕ ಕೃನಾಲ್ ಶಾ, ಸೆಕೆಂಡ್ ಹ್ಯಾಂಡ್ ಮೊಬೈಲ್ ಬಳಕೆಯಿಂದ ಈ ಅವಧಿಯಲ್ಲಿ ಸ್ಮಾರ್ಟ್ ಫೋನ್ ತಯಾರಿಕೆಯಲ್ಲಿ ಬಳಕೆ ಮಾಡುತ್ತಿದ್ದ 434 ಮಿಲಿಯನ್ ಲೀಟರ್ ನೀರನ್ನು ಮೊಬೆಕ್ಸ್ ಉಳಿಕೆ ಮಾಡಿದೆ. ಈ ಮೂಲಕ ಸುಮಾರು 4.5 ಲಕ್ಷ ಜನರಿಗೆ ಕುಡಿಯುವ ನೀರು ಲಭ್ಯವಾಗುವಂತೆ ಮಾಡಿದೆ ಎಂದಿದ್ದಾರೆ. ಜೊತೆಗೆ ನವೀಕರಿಸಿದ ಗ್ಯಾಜೆಟ್ ಖರೀದಿಸುವಂತೆ ಪ್ರೋತ್ಸಾಹ ನೀಡಿದೆ.
ಐಡಿಸಿ ಮತ್ತು ಇಂಡಿಯನ್ ಸೆಲ್ಯುಲರ್ ಮತ್ತು ಎಲೆಕ್ಟ್ರಾನಿಕ್ಸ್ ಅಸೋಸಿಯೇಷನ್ ಪ್ರಕಾರ, ಸುಮಾರು 25 ಮಿಲಿಯನ್ ಸ್ಮಾರ್ಟ್ ಫೋನ್ಗಳನ್ನು ಸೆಕೆಂಡ್ ಹ್ಯಾಂಡ್ ಮಾರುಕಟ್ಟೆಯಲ್ಲಿ ಖರೀದಿಸಲಾಗಿದೆ. ಅವುಗಳ ಮಾರಾಟ 2025ರ ವೇಳೆಗೆ 51 ಮಿಲಿಯನ್ ಯೂನಿಟ್ ಗಳಿಗೆ ಏರುವ ನಿರೀಕ್ಷೆ ಇದೆ ಎಂದಿದೆ.
ಮೈಕ್ರೋಚಿಪ್ ತಯಾರಿಕೆ, ಲೋಹಗಳು, ಇತರ ಕಚ್ಚಾ ವಸ್ತುಗಳನ್ನು ರೂಪಿಸಲು, ಬ್ಯಾಟರಿ ತಯಾರಿಸಲು, ಟಚ್ ಸ್ಕ್ರೀನ್ಗೆ ಹೊಳಪು ನೀಡಲು ಭಾರೀ ಪ್ರಮಾಣದ ನೀರು ಬೇಕಾಗುತ್ತದೆ.