ಲೋಕಸಭೆಯಲ್ಲಿ ಮಹಿಳಾ ಮೀಸಲಾತಿ ಮಸೂದೆ ಅಂಗೀಕಾರ – ರಾಜೀವ್ ಗಾಂಧಿ ಯತ್ನಕ್ಕೆ ಸೋಲಾಗಿದ್ರೂ ಮೋದಿಗೆ ಗೆಲುವು : ಸೋನಿಯಾ ಗಾಂಧಿ ಹೇಳಿದ್ದೇನು?
- ರಾಜಕೀಯ
- September 20, 2023
- No Comment
- 103
ನ್ಯೂಸ್ ಆ್ಯರೋ : ಬಹು ಚರ್ಚೆಯ ವಿಷಯವಾಗಿದ್ದ ಮಹಿಳಾ ಮೀಸಲಾತಿ ಮಸೂದೆ ಕೊನೆಗೂ ಅಂಗೀಕಾರವಾಗಿದೆ. ಮಸೂದೆಯ ಪರವಾಗಿ 454 ಸಂಸದರು ಮತ ಚಲಾಯಿಸಿದರೆ ಇಬ್ಬರು ವಿರುದ್ಧ ಮತ ಚಲಾಯಿಸಿದ್ದಾರೆ.
ಸೋನಿಯಾ ಗಾಂಧಿ ಸದನದಲ್ಲಿ ಹೇಳಿದ್ದೇನು?
ಮಹಿಳಾ ಮೀಸಲಾತಿ ಮಸೂದೆ ಆಗುತ್ತಿರುವುದಕ್ಕೆ ಸಂತೋಷ ಇದೆ. ಇದರಿಂದ ರಾಜೀವ್ ಗಾಂಧಿಯ ಕನಸು ಪೂರ್ಣವಾಗುತ್ತದೆ ಎಂದು ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಹೇಳಿದರು.
ಲೋಕಸಭೆಯಲ್ಲಿ ನಡೆದ ಕಲಾಪದಲ್ಲಿ ಶೇಕಡಾ 33 ರಷ್ಟು ‘ಮಹಿಳಾ ಮೀಸಲಾತಿ’ ಮಸೂದೆ ಕುರಿತು ಚರ್ಚೆ ನಡೆಯುತ್ತಿದ್ದಾಗ ಸೋನಿಯಾ ಗಾಂಧಿಯವರು ಹಳೆಯ ವಿಚಾರಗಳನ್ನು ಮೆಲುಕು ಹಾಕಿದರು.
ನನ್ನ ಬದುಕಿನಲ್ಲಿ ಇದೊಂದು ಮಾರ್ಮಿಕ ಕ್ಷಣ.. ಸಾರ್ವಜನಿಕ ಜೀವನದಲ್ಲಿ ಮಹಿಳೆಯರ ಪಾಲ್ಗೊಳ್ಳುವಿಕೆ ಕುರಿತು ಸಂವಿಧಾನ ತಿದ್ದುಪಡಿ ಮಸೂದೆಯನ್ನು ನನ್ನ ಜೀವನ ಸಂಗಾತಿ ರಾಜೀವ್ ಗಾಂಧಿ ಅವರು ಮೊದಲಿಗೆ ಮಂಡಿಸಿದ್ದರು ಎಂಬುದನ್ನು ಅವರು ನೆನಪಿಸಿಕೊಂಡರು.
ಆದರೆ ಅಂದು ಇದು ರಾಜ್ಯಸಭೆಯಲ್ಲಿ ಅಂಗೀಕಾರವಾಗಿರಲಿಲ್ಲ.
ರಾಜೀವ್ ಗಾಂಧಿಯ ಕನಸು ಅರ್ಧ ಮಾತ್ರ ಪೂರ್ಣವಾಗಿದೆ. ಮಹಿಳಾ ಮೀಸಲಾತಿ ಮಸೂದೆಯನ್ನು ಆದಷ್ಟು ಬೇಗ ಜಾರಿಗೊಳಿಸಬೇಕು. ಮಸೂದೆ ಜಾರಿ ವಿಳಂಬದಿಂದ ಮಹಿಳೆಯರಿಗೆ ಅನ್ಯಾಯ ಮಾಡಿದಂತಾಗುತ್ತದೆ. ಒಬಿಸಿ, ಎಸ್ಸಿ, ಎಸ್ಟಿ ಮಹಿಳೆಯರಿಗೂ ಒಳ ಮೀಸಲಾತಿ ನೀಡಬೇಕು ಎಂದು ಅವರು ಪ್ರತಿಪಾದಿಸಿದರು.
ಕಾಂಗ್ರೆಸ್ ಪಕ್ಷವೂ ಈ ಮಸೂದೆಯನ್ನು ಬೆಂಬಲಿಸುತ್ತದೆ. ಆದರೆ ಒಂದು ಕಳವಳ ಕೂಡ ಇದೆ. ಭಾರತದ ಮಹಿಳೆಯರು ರಾಜಕೀಯ ಜವಾಬ್ದಾರಿಗಾಗಿ 13 ವರ್ಷಗಳ ಕಾಲ ಕಾದಿದ್ದಾರೆ. ಈಗ ಅವರಿಗೆ ಇನ್ನಷ್ಟು ವರ್ಷ ಕಾಯಲು ಹೇಳಲಾಗುತ್ತದೆ. ಇದು ಸರಿಯೇ ಎಂದು ಅವರು ಪ್ರಶ್ನಿಸಿದರು.