This Video Of A Crocodile Attacking A Deer Is Not For The Faint-Hearted

ನದಿ ನೀರಿನಲ್ಲೂ ಛಲ ಬಿಡದ ಜಿಂಕೆ – ದೈತ್ಯ ಮೊಸಳೆಯ ಬಾಯಿಯಿಂದ ಜಿಂಕೆ ತಪ್ಪಿಸಿಕೊಂಡ ರಣರೋಚಕ ವಿಡಿಯೋ ನೋಡಿ..!

ನ್ಯೂಸ್ ಆ್ಯರೋ : ಗರಗಸದಂತೆ ಹಲ್ಲಿರುವ ಮೊಸಳೆಯನ್ನು ದೂರದಿಂದ ನೋಡಿದರೆ ಒಂದು ಕ್ಷಣ ಜೀವ ಬಾಯಿಗೆ ಬರುತ್ತದೆ. ಅಂಹದ್ದರಲ್ಲಿ ಅದರ ಬಾಯಿಗೆ ಸಿಕ್ಕಿದರೆ ಬದುಕುವುದುಂಟೇ? ಸಾಧ್ಯವೇ ಇಲ್ಲ.. ಮೊಸಳೆಯ ಹಿಡಿತದಿಂದ, ಅದೂ ಕೂಡ ನೀರಿನಲ್ಲಿ ಮೊಸಳೆಯಿಂದ ತಪ್ಪಿಸಿಕೊಳ್ಳುವುದಂತು ಸಾಧ್ಯವೇ ಇಲ್ಲ. ಆದರೆ ಈ ಮಾತೇ ಸುಳ್ಳು ಎಂಬಂತೆ ಇಲ್ಲೊಂದು ಜಿಂಕೆ, ದೈತ್ಯ ಮೊಸಳೆಯ ಸಾವಿನ‌ ಬಾಯಿಯಿಂದ ಛಲದಿಂದ ಹೋರಾಡಿ ತಪ್ಪಿಸಿಕೊಂಡಿದೆ.

ನೀರಿನ ನಡುವಲ್ಲೇ ಮೊಸಳೆಯೊಂದಿಗೆ ಯುದ್ಧಕ್ಕಿಳಿದ ಜಿಂಕೆ ಛಲದಿಂದ ಹೋರಾಡಿ ಕೊನೆಗೂ ತನ್ನ ಜೀವ ಉಳಿಸಿಕೊಂಡು ದಡ ಸೇರಿದೆ. ಈ ರಣರೋಚಕ ಘಟನೆಯ ವಿಡಿಯೋ ಸದ್ಯ, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಹೊಳೆ ದಾಟುವೆ ವೇಳೆ ಮೊಸಳೆ ದಾಳಿ!

ಸದ್ಯ, ವೈರಲ್ ಆಗಿರುವ ವಿಡಿಯೋದಲ್ಲಿ ಜಿಂಕೆಯೊಂದು ಹೊಳೆ ದಾಟುವುದಕ್ಕಾಗಿ ನೀರಿಗೆ ಇಳಿದಿದೆ. ಈ ವೇಳೆ ನೀರಿನ ವೇಗ ತುಸು ಜೋರಾಗಿದ್ದ ಕಾರಣ ಜಿಂಕೆ ಕೊಂಚ ಪರದಾಡುತ್ತಿತ್ತು. ಇದೇ ವೇಳೆ ದೈತ್ಯ ಮೊಸಳೆಯೊಂದು ಜಿಂಕೆ ಮೇಲೆ ಅಟ್ಯಾಕ್ ಮಾಡಿದೆ.

ಇದನ್ನು ಕಂಡು ಜಿಂಕೆ ನೀರಿನಲ್ಲಿ ವೇಗವಾಗಿ ತೆರಳಲು ಪ್ರಯತ್ನಿಸುತ್ತದೆ. ಆದರೆ ಮೊಸಳೆ ನೀರಲ್ಲೇ ಬದುಕುವ ಕಾರಣ ಇನ್ನಷ್ಟು ವೇಗವಾಗಿ ಬಂದು ಇನ್ನೇನು ಜಿಂಕೆಯನ್ನು ಕೊಂದೆ ಬಿಡುತ್ತದೆ ಎನ್ನುವಾಗ ಜಿಂಕೆ ತನ್ನೆಲ್ಲ ಶಕ್ತಿಯನ್ನು ಬಳಸಿ ಮೊಸಳೆಯ ಮೇಲೆ ಯುದ್ಧ ಸಾರಿದೆ.

ಆದರೂ ಕೂಡ ಹರಿಯುವ ನದಿಯಲ್ಲಿ ಜಿಂಕೆಗೆ ಆ ಬದುಕಿನ ಯುದ್ಧ ಅಷ್ಟು ಸುಲಭವಾಗಿರಲಿಲ್ಲ. ದೈತ್ಯ ಮೊಸಳೆ ಜಿಂಕೆಯನ್ನು ತಿಂದೇ ಬಿಡಬೇಕು ಎಂಬ ಆಸೆಯಿಂದ ಮತ್ತೆ ಮತ್ತೆ ದಾಳಿ ಮಾಡುತ್ತಲೇ ಇತ್ತು. ಆದರೆ ಜಿಂಕೆ ಮಾತ್ರ ತನ್ನ ಛಲ ಬಿಡಲೇ ಇಲ್ಲ.

ಕೈ ಕಾಲು ಬಡಿಯುತ್ತ, ಒದ್ದಾಡುತ್ತ ಜಿಂಕೆ ನದಿ ದಾಟಲು ಹರಸಾಹಸ ಪಟ್ಟಿತು. ಕೊನೆಗೂ ಜಿಂಕೆ ಸಾವಿನ ಬಾಯಿಂದ ತಪ್ಪಿಸಿಕೊಂಡು ದಡ ಸೇರಿತು. ಸದ್ಯ, ಈ ವಿಡಿಯೋ ವೈರಲ್ ಆಗುತ್ತಿದ್ದು, ಜಿಂಕೆಯ ಸಾಹಸಕ್ಕೆ ನೆಟ್ಟಿಗರು ಶಹಬ್ಬಾಸ್ ಎನ್ನುತ್ತಿದ್ದಾರೆ.